بنات الامارات المتأخرات فالحمل (تجمع)

انا ببدأ
الحمدلله مافيني شي بس مادري شو سبب التاخر الدكاتره قالولي من التفكير....

انا من ابوظبي اعالج عند الدكتوره ناديه هيه شاطره بس ماستفدت شي من سنتين وانا اعالج عندها فغيرت ورحت لكذا دكاتره..

الله كريم

هلا الغاليه

أنا سرت كل عيادات ومستشفيات ومسحت وماخلت شيء
وحمدلله انا سليمة وريلي سليم
بس الله ماكاتب لنا
قبل ماكنت افكر وايد لان الجامعه شاغلتني لكن الحين وايد اهلوس وافكر من الملل وقعدت البيت
خاصه ان محد عندي
صار لي سنتين ونص متزوجه ...
انا اخاف من كل شيء حتى فحص الدم قبل لا يسوون لي فحص يغمى علي ههه
وتحملت وايد منها صورة الانبابيب شفت العذاب
والحين خاطري اسوي أطفال انابيب بس اخاف وايد وريلي مب مخلني يخاف علي
قال دام مافينا شيء ماله داعي للانابيب
قلت له كملت السنه الثالثه يمكن اغامر واسوي

سلام يا حلوين

انا من دبي وفحصت انا وريلي وقالوا كل شي فالسليم يعني التاخير من رب العالمين

اممممم اراجع في بو الهول بس اذا كملت سنه وما صار حمل بشوف غيرها ونصحوني وايد بليلى سوداح

وحاليا اخذ بس دوفاستون


والله يرزقنا اجمعين

هلا خواتي
حبيت اشاركم التجمع وان شاء الله انشوف عليه الخير والله يرزقنا
انا صار لي 7سنين
ماااااااااخليت شي ماسويته
لامستشفيات ولاعيادات خاصه ولا اعشاب ولا حريم يمسحن
حملت 3مرات وسقطت
واخر مره كان شهر 12 اللى طاف
كنت تقريبا شهرين
والله ان شاء الله يعوضني خير

نسيت اقول لكم
اني انا وريلي مافينا شئ
بس الله كريم

#شمس بيتي#;5319040:
هلا خواتي
حبيت اشاركم التجمع وان شاء الله انشوف عليه الخير والله يرزقنا
انا صار لي 7سنين
ماااااااااخليت شي ماسويته
لامستشفيات ولاعيادات خاصه ولا اعشاب ولا حريم يمسحن
حملت 3مرات وسقطت
واخر مره كان شهر 12 اللى طاف
كنت تقريبا شهرين
والله ان شاء الله يعوضني خير

يا هلا والله فيج

الله يرزقنا واياج ان شاء ا لله ويعوض صبرج بخير عاجلا غير اجل

ااااااااااااااااامين
جميعا ان شاء الله
بس انتي توج عروس ماكملتي سنه
لاتتعبين نفسج من الحين بالتفكير في الحمل اذا
مافيكم شي

#شمس بيتي#;5319206:
ااااااااااااااااامين
جميعا ان شاء الله
بس انتي توج عروس ماكملتي سنه
لاتتعبين نفسج من الحين بالتفكير في الحمل اذا
مافيكم شي

تدرين والله انا ما كان على بالي بالمره

بس يا اختي الناس ذبحوني بكثر السؤال

شو اسوي انزين

حتى لو ما تفكرين يخلونج غصب تحاتين

وانا قلت مره

الي يخليني اكثر شي احاتي هيه ربيعتي

صار لها 10 سنوات متزوجه ومع ان ما فيها ولا في ريلها شي بس ما حملت


وربج كريم

مرحبا بنات يعطيكن الف عافيه على المشاركه

شمس بيتي وغيرج من البنات نصحيه الي مافيها شي معين تسير عند مطوع ثقه وتخليه يقرالها في ماي وتشرب منه سبحان الله يمكن عين او شي

فعلن وايد حريم اعرفهن من حارتنا يكملن بالسنين مايحملن ومافيهن شي بس يروحن لمطاوعه ثقه ثقه مب دجالين ويخلونهم يقرولهن في ماي والحمدالله ربي ارزقهن بالحمل

سبحان الله مايعلم الواحد خيرته في هالدنيا وين

بنات بالنسبه لي
انا صارلي سنتين متزوجه وربي ماكتب والحمدالله على كل حال

ماعرف شو السبب بالضبط مره ارتفاع هرمون حليب واتعالج وينزل ومره يكون زوجي عنده تشوه في الحيوانات ومره ضعف تبويض وماعرف شو السالفه بالضبط ومرات يقولي مافيج شي

انا كنت اتعالج عند د كميليا وايد زينه بس راحت برا البلاد في نص علاجي معاها وعقب سرت للدكتوره ناديه في بوظبي ما ارتحت الها ابدن ابدن

والحين حولت على المستشفيات الحكوميه مستشفى زايد العسكري واهم شي اني مرتاحه للدكتوره


وما اقول غير قدر الله وماشاء فعل

اختي ابتسامه طفل
وووووووووووووايد مانسمع بس انا الصراحه
ريلي وووووووايد مريحني اصدقين قليل مانتكلم في موضوع الحمل
ومخلينه امر عادي
حاطين في بالنا انه يوم الله يريد ويامر بيرزقنا ان شاء الله
شموه فديتج والله غدينا مانثق بهل المطاوعه مانعرف الزين من الشين
بس انا بحملي الاخير كنت ارقي نفسي واقرا البقره كل يوم
والحمد لله

شما العيناويه;5320822:
مرحبا بنات يعطيكن الف عافيه على المشاركه

شمس بيتي وغيرج من البنات نصحيه الي مافيها شي معين تسير عند مطوع ثقه وتخليه يقرالها في ماي وتشرب منه سبحان الله يمكن عين او شي

فعلن وايد حريم اعرفهن من حارتنا يكملن بالسنين مايحملن ومافيهن شي بس يروحن لمطاوعه ثقه ثقه مب دجالين ويخلونهم يقرولهن في ماي والحمدالله ربي ارزقهن بالحمل

سبحان الله مايعلم الواحد خيرته في هالدنيا وين

تعرفين

وحده من ربيعاتي متاخره فالحمل وااااااااااايد فوق 5 سنوات وقبل عرسي بكم يوم كنا نرمس جان تقولي الله يرزقج بالعيال جان اقول تو الناس جان ترد تقول لا انا متاكده انج بتحملين سيده

دوم اقول لريلي كله من عينها ما حملت بس ما احب احط في ذمتي

#شمس بيتي#;5321454:
اختي ابتسامه طفل
وووووووووووووايد مانسمع بس انا الصراحه
ريلي وووووووايد مريحني اصدقين قليل مانتكلم في موضوع الحمل
ومخلينه امر عادي
حاطين في بالنا انه يوم الله يريد ويامر بيرزقنا ان شاء الله
شموه فديتج والله غدينا مانثق بهل المطاوعه مانعرف الزين من الشين
بس انا بحملي الاخير كنت ارقي نفسي واقرا البقره كل يوم
والحمد لله

الله يرزقج ويرزقنا من واسع فضله

توني كنت اسولف ويا ريلي واقوله لو ما حملت لين الصيف بنسير العمره واذا ما حملت عقبها ب بفتره بسوي اطفال انابيب

تم يضحك علي ويقولي انتي من صجج تفكرين جيه

قلت انا ما ابي العمر يسرقني وانا انتظر

لو فيني عله بقول ما عليه


يمكن تستغربون من طريقة تفكيري

والله كريم بغض النظر عن اي شي وان شاء الله احمل قبل هاي الخطط الجهنميه كلها لووووول

صدقيني واسمعيها مني يابتسامه طفل
بتفكيره هذا وحالج النفسيه التعبانه هذي بتتعبين نفسيا ووووووووايد
وصدقيني خليها الحمال اخر همج
يوم انتي اتقولين جذيه انا شوه اقول!!!!!
بعدج عروس كم عمرج عشان مستعيله جذيه على الحمال ؟؟
سرتي عند حد يمسح؟؟
لانه يمكن تكون نفسج نازله

#شمس بيتي#;5321968:
صدقيني واسمعيها مني يابتسامه طفل
بتفكيره هذا وحالج النفسيه التعبانه هذي بتتعبين نفسيا ووووووووايد
وصدقيني خليها الحمال اخر همج
يوم انتي اتقولين جذيه انا شوه اقول!!!!!
بعدج عروس كم عمرج عشان مستعيله جذيه على الحمال ؟؟
سرتي عند حد يمسح؟؟
لانه يمكن تكون نفسج نازله

هلا حياتي

صدقيني والله حالتي النفسيه اوكييييييييييييييييي

بس انا من النوع الي يحب يخطط ل 5 او 10 سنوات جدام

وافكر في كل شي واحسب لكل شي

والصراحه ما اعرف عن المسح وهاي السوالف

بس الدكتوره قالت لي رحمج والمبايض تووب ما شاء الله

آآآآآآآآآآآآه
خاطررررررري بيااااااااااااااهل يملي حياتنا أنا وريلي
ربي لا تذرني فردا وانت خير الوارثين

ريمي H;5322833:
آآآآآآآآآآآآه
خاطررررررري بيااااااااااااااهل يملي حياتنا أنا وريلي
ربي لا تذرني فردا وانت خير الوارثين

الله يرزقج وايانا يارب

بس انا الدورة مش منتظمة عندي هل هذا بيكون السبب
وقالت لي الدكتورة خفي وزنج
لووووووووووووول

vip~s;5323443:
بس انا الدورة مش منتظمة عندي هل هذا بيكون السبب
وقالت لي الدكتورة خفي وزنج
لووووووووووووول

اكيد حبيبتي اكيد الدوره السبب
لازم قبل تنظمين الدوره
ويمكن يكون هرمنون الحليب مرتفع عندج
وهوه مخلي الدوره مش منتظمه