رضا الناس غاية لاتدرك..

حزن المفارق 29-02-2008 23 رد 2,202 مشاهدة
ح
السلام عليكم ورحمة الله وبركاته


صرنا كبار ..مو مثل أول .. كل وحده تحاسب على أفعالها ..نظراتها..كلامها..حركاتها.. همساتها.. كل شيء لأنه "كبرت"

المشكلة بعض الحريم "الله يهديهن " أحياناً ما تدرين وش اللي يعجبهن .

وهذه بعض التصرفات اللي تصير للبنات ....

إذا ضحكتي قالوا عيب قصري صوتك

وإذا بكيتي قالوا وش فيك حساسة

إذا لعبتي وجتك خفة الدم قالوا عيب وما يصلح تراك كبرتي

وإذا ما لعبتي واستهبلتي قالوا وش فيك ثقيلة

حتى إذا جلستي مع الحريم الكبار في السن أحياناً قالوا عيب ما تستحين

وإذا جلستي لوحدك قالوا وش فيك أنتِ منعزلة لازم تدخلين مع الناس

وإذا دخلتي مع الناس وصرتي تسولفين قالوا كثرة التعارف ما تصلح والناس ينخاف منهم هالأيام

إذا ساعدتي حرمة وصرتي سنعة عنده قالوا تبينها تخطبك

وإذا ما ساعدتيها وجلستي قالوا خليك سنعة وقومي من نفسك

إذا تجهزتي مبكرة لطلعة قالوا تونا وراك مستعجلة

وإذا تأخرتي قالوا وراك أنتي دائماً متأخرة

إذا درستي ومشيتي بدراستك قالوا ترى ما فيه وظايف

وإذا ما درستي قالوا الوحدة لازم تدرس علشان إذا احتاجت للشهادة لقتها

إذا قمتي مبكرة قالوا جدتنا وش تسوين قايمة مبكرة ؟

وإذا قمتي متأخرة قالوا والله إنك نوامة

وإذا صرتي واثقة من نفسك قالوا يا الله مغرورة "ما يفرقون بين الثنتين "

وإذا صرتي محطمة قالوا أكيد عندها مشاكل

إذا عليتي صوتك وكنتي تبينهم يسمعون السالفة ما عطوك وجه

وإذا صرتي تسولفين للي بجنبك بصوت واطي تلاقينهم ساكتين يسمعونك

إذا كنتي تحبين القهوة وتشربينها قالوا تراها مضرة

وإذا ما صرتي تشربينها قالوا لازم تتعودين عليها
................... إلخ


يووووووووه والله احترنا فيكم لكن أفضل شي
"سوي اللي تبغين ولا يهمك إلا ربك "



المجال مفتوح لإضافة التصرفات اللي تضايقك






منقول
ع
وإذا نحفتي قالوا أكيد عنها مشاكل مع زوجها00
وإن سمنتي قالوا الله يعينه عليك00
وإذا ماحملتي قالوا احملي00
واذا حملتي قالوا إن شاء الله ولد00
وإذا ولدت ولد قالوا احملي وجيبي بنت 00 وإن جبتي بنت قالوا لازم تحملين وتجيبين ولد00
وإن ما أعرستي قالوا أكيد في راسها شي00
وإن أعرستي قالوا هاه متى تحملين00

0000000000000000
رضا الناس غاية لاتدرك00 فلا نجعلهم همنا لراحة قلوبنا00
موضوعك طريف حزن المفارق00 دمت بخير00
م
واذا كشختــي قالوو تبي العرس وموحاصلهــا

واذا لبســج كان عاادي قالووو صج مبهدلــه

وإذا صرتي واثقة من نفسك قالوا يا الله مغرورة "ما يفرقون بين الثنتين "


الله المستعااااااااااااااااان .. فعــلاً ...

رضـــا النااس غايــة لاتدركـ

يسلموو عزيزتــي
m
واذا دللاج زوجج ودلعاج..قالو صاير لها خروف
واذا سكب فيج وطنشاج..قالو سليمة تصكه
:)
*
موضوع جميل جدا وواقعي

صحيح ارضاء الناس غاية لا تدرك

تسلمين
ا
اشتغلتي كثير يقولون هذا وش فيها تبغى تاخد علاوات اكثر
مااشتغلي يقولون تاخد الراتب من دون عناء
سكتي قالوا معقده
تكلمتي قالو ثرثارة
مارحتي لعرس يقولون غيرانه عشان ماتزوجت للحين
رحتي يقولون يتبغى يشوفوها الناس عشن يخطبوها
قالولك في رجال كذا وكذا وكذا بس شفتي انك غير متوافقة مع شروطهم يقولون اي ماتبغى تتزوج اكيد عندها احد شاغل بالها
سكتي يقولون على لله ما صدقت
اعطوك اكل اعتذرتي وقلتي لا يقولون مغرورة
اخدتي منهم يقولون جيعانه ههههه

اي شي تسويه لزم بيكون وراء القيل والقل وعشان هذا الانسان لازم يسوي لي يشوفه صح بس الكلام موجود سواء سويتي و ماسويتي
ا
اذا مادخلتي وجلستي جمب الحريم قالو متعرف السنع
واذا جلستي ورحبتي قالت تبي نخطبها لولدنا
ح
السلام عليكم ورحمة الله وبركاته

عادي!

مهاا والحلا لهاا

mrs.alkout

*عيون الريم*

الجوكرة

أحلام فتاة


مروركن أضاء الموضوع :)



.
,
س
والله انك صادقة ..

ناس غررريبة

ما يفيد فيها الا التطنيش

وتشكري خيتو
ل
صدقتى ختيه فى كل الى قلتيه
تسلمين وربى يعطيج الف عافيه
خ
المهم ارضي الله اولا و ضميري ثانيا و المجتمع ثالثا ...
ل
اي والله صدقـتي ارضاء الناس غايه لاتدرك عشان كذا بلاش نجعل همنا رضاهم ومثل ماذكرتي
"سوي اللي تبغين ولا يهمك إلا ربك "
مشكوووره عزيزتي يعطيك العافيه ..
ت
مرحبا حبيبتي ..
عن جد موضوع رائع ..
فعلا رضا الناس غايه لا تدرك ..
وانا دائما اكون حذره في تصرفاتي ..لان البيئه الي اعيش فيها ما يظنون يصيدون على الوحدة شي عشان بس يفضحونها ,,
ودائما البنات الي اقعد معاهم يحكمون على البنت من مظهرها ..
لمن اتحجب عدل يقولوون مطوعة لو من اطلع شعري قالوا طايحة حظ ..ما ينعرف لهم ..
احترررت معاهم ..
ت
صدقتي000
ان صرت قرمه 0000قالوا عجله

وان ركدتِ000قالوا بارده

وخير الامور الوسط
دمتِ بطهر
ح
.
السلام عليكم ورحمة الله وبركاته


طويلة الأنفاس

ليلـــوهـ

خديجة 12

لحن الاشواق

تيه العمر

تسبيحات


يسلمــــــــو ع المرور :)

.
.
ا
والله كل كلامك صحيح..الله يعين الى يسمع كلام الناس عمره ماراح يرتاح..

مشكووره حبيبتي عالموضوع..
l
ضكت فقالوا الاتحتشم................... بكيت فقالوا ألا تبتسم

بسمت فقالوا يرائي بها ............... عبست فقالوا بدا ما كتم

صمت فقالوا كليل اللسان............. نطقت فقالوا كثير الكلم

حلمت فقالوا صنيع الجبان .......... ولو كان مقتدرا لا نتقم

بسلت فقالوا لطيش به ............... وما كان مجترئا لو حكم

يقولون شد اذا قلت لا .............. وإمعة حين وافقتهم

فايقنت أني مهما أردت ............. رضا الناس لابد من أذم
ح
السلام عليكم ورحمة الله وبركاته

أحلى ندو

lazord

يسلمو ع المرور والمشاركة :)
M
صدقتي
والله


ما يعيب الناس شي!!
ف
وإذا راجعت الطبيب قالوا موسوسة وإذا مارحتي له قالوا مهملة
X