السلام عليكم ورحمة الله وبركاته :flower:
اشحالكم يا حلوات ان شاء الله بخير :21_213:
البارحه وانا اشوف التلفزيون وكنت حاطه قناة الmbc و البرنامج هو التفاح الاخضر
من بين الفقرات حطوو خلطه للتخلص من الشعر الابيض بالتدريج.. وهي مشكله الصراحه انا اعاني منها ويمكن وحده منكم تعاني منها سواء من الصبغات او سوء التغذية ( بعدنا صغار وفينا شعر ابيض والله حاله ) :pain: المهم هم ثلاث وصفات ان شاء الله نستفيد منها ويطلع كلامهم صدق
وان شاء الله اليوم انا رايحه الجمعيه عشان اشتري المكونات
الخلطة الاولي: ورق الكاري مطحون + زيت جوز الهند = 4 ساعات - مرة في الاسبوع
الخلطة الثانيه: زيت جوز الهند + زيت الكافور = ما حددو الوقت
الخلطة الثالثة: 2 م زيت جوز الهند + 1م ليمونة = ما حددو الوقت
المهم انا بحطلكم الصور عشان ما تتلخبطون
زيت جوز الهند
الي متوفر عندج
ورق الكاري طبعا مطحون - خذي لج مطحونا احسن لان في النهايه الورق بينطحن بتحصلينه صوب البهارت
زيت كافور الصراحه انا اول مره اشوفه بتحصلونه في الجمعيه صوب الزيوت اما مكتوب بالعربي زيت الكافور او بالانجليزي camphor oil
انا بحط صور ان شاء الله احصل منه
ليمونه بس ملعقة
ان شاء الله الوصفه مفيده بجربها وبشوف الفرق وانتو بعد جربوها
الله يحفظكن
