الله لا يسامحها

هلا حبيبتي... اخوك الله يرحمه توفى من زمان، فليش للحين متاثرة ومعصبة لانه كان متزوجها؟؟ ادري بتقولين قاهرتني وعلشان العيال وهم عيال اخوي، بس عيال اخوج بيكونون مرتاحين لما يشوفون امهم كذا صح والا لا؟؟ وبعدين المشكلة الوحيدة اللي قاهرتج مظهرها وكشختها؟ ما ذكرتي اخلاقها ابد في كلامج، يعني اللي ما عجبني ابد انها قامت تلبس قصير، ولكن السؤال هني ليش قامت تسوي جذي؟؟ انتي ما تدرين... يمكن كان بينها وبين اخوج شي، يمكن هذي طبيعتها قبل ما تتزوجه بس هو منعها من لبس القصير وردت تلبسه الحين... واذا عن الكشخة والميك اب يمكن كانت تكشخ له قبل ما تدرين، بس عقب ما توفى قامت تسوي هالشي لنفسها، وبعدين مو معناها اذا حطت ميك اب بعد العدة يعني هي ما تحب زوجها المرحوم او ما تحترمه، يمكن هي سوت هالشي علشان تنسى الجزن اللي هي عايشته، وما تنلام في هالحالة... أما عن بيتها فيمكن هي طبعها كسولة ومو مالت شغل، حاولي تقربين منها وتنصحينها كأخت وعسى الله يغيرها، او انصحيها تجيب شغالة تساعدها في البيت وتنظفه اذا هي ما تقدر تسوي هالشي

الله يرحم أخوكي
معليش يا أختي ادعي لها بالهدااااية
وطولي بالك والله يكون معك

هدي بالك اختي والله يرحم اخوك ويغفر له وجميع موتى المسلمين

هي مب ساكنه عند اهلها ؟؟ غريبه لو كانت فبيت لحالها

بالنسبه للمكياج حريه شخصيه انتي ماتقدرين تفرضين عليها وجهة نظرك ودام هالشي صار عقب العده هذا شي راجع لها

اما بالنسبه لبيتها شي محزن صدق حاولوا ترسلون لها شغالتكم تنظف بيتها وتكلموا معها بحبابه قولوا لها سوي جدول وحنا رح نساعدك واللي تحتاجينه مارح نقصر معك فيه

الكلمه الطيبه تجذب الانسان تقربوا منها اكثر وخلوكم مرنين معها عشان ترتاح لكم وتسلك معكم

بداية الله يرحم اخووكي ويسكنه فسيح جناته
ثانيا ندعيلها بالهداية والله يسامحها على كل شي صار كانت مقصرة بحق زوجها في حياته يعني اذاكان مو راضي عنها فنسأل الله عليها الرحمة ...
الولاد لازم يتربوا وتنسوون انها امهم يعني اذا مو كانت تستاهل غلاهم فماشاء الله عندهم عيلة أب وعمات وجدة ما شاء الله اكيييد تحطونهم بعيونكم حبيبتي هاذو من ريحة الغالي ....
ادعيلها الله يهديها بس تهتم في اولادها الله يهديها الله يهديها

الله يعطيكم العافية على ردودكم السريعة

ام عبد الله ....... مو قاهرني كشختها و لبسها بحد ذاته .......... لا و الله هي حره بنفسها .........لكن ليش ماكانت تشذيه قبل ما يتوفى الله يرحمه ؟؟؟؟؟؟؟ هو كان احيانا يشتكي لنا من عدم اهتمامها بنفسها ........ و احيانا هي كانت تقول لنا هو قالي سوي كذا و كذا بس انا مافيني حيل اتكشخ له كل يوم !!!!! تخيلي !!!
و ماكان الله يرحمه يمنعها عن شي وربي شاهد .........و الله بالعكس كان يبيها تهتم بنفسها و تلبس .... كان يوديها اغلى الاسواق و احلاها و يقول لها اشتري ........ تقول لا هذا غالي و هذا مادري ويش فيه مع انه هو الي بيدفع .......... و ربي هذا الموقف انا شفته بعيني لاني يومها كنت معهم
و بعد ماتوفى تغيرت .........
حبايبي ......... و الله الانسان اذا كان حزين من قلبه يكره الدنيا و مافيها ............ تدرين اني انا اخته ما قدرت احط مكياج لمدة سنة !!!! و الله العظيم هذا و انا اخته ...... ما كان لي نفس ابدا ابدا ....... فما بالك بزوجته الي هي المفروض تكون اقرب الناس له ........ يعني لو صدق كانت تحبه كان عافت الدنيا بما فيه ........ اما بعد 6 شهور تسوي تشذيه !!!!! ........... طيب تحط مكياج خفيف هي بنفسها ....... اما انها تروح لكوافيره .......

كل تصرفاتها الي اشوفها بعيني تحسسني انها ما تحبه ........ مع ان عمرها كله ماراح تلاقي مثله

الله يهديها حبيبتي الله يهديها على نفسها ترى هالطبع وااايد يعور القلب ...
وسبق وقتلك اذا زوجها توفى مو راضيان عليها نسأل الله منه الرحمة عليها والمغفرة .....
انتي صاحبة العقل كبريلها عقلها وارشديهاااا هاذي ام عيال اخوك مهما كان الثمن حبيبتي ....
الله يسامحها

حبيبتي
حطيت نفسي بمكانج و فهمت انتي ليش متضايقه

بس انتي قولي لي .. نقدر نرجع الوقت لورا و نغير الي صار؟

أخوج الله يرحمه عند ربه الرحيم والكريم وتعرفين دعائنا للمتوفيين "وابدله دارا خيرا من داره و اهل خيرا من اهله و زوجا خيرا من زوجه" كرري هالدعاء عشانه

اما في الدنيا هي أم عيال أخوج .. وهذا شي واقع ما نقدر نغيره

تقبليها مثل ما هي وتقربي منها و من عيالها بالذات وقربيهم لعيال اعمامهم و عماتهم و خليهم يتعودون على جو بيتكم و ياخذون طبايعكم

دايما كلميهم عن ابوهم و ادعوا له عشان يحطونه قدوه لهم

الله يخليهم لكم و يخليكم لهم

اختج (f)

أختي لاتزعلين لأن الله بيتكفل فيهم ..أقصد الأيتام

وانتي عليج بنفسج واللى تقدرين تسوينه حق عيال اخوج سويه وأحتسبي الأجر عند الله ..

خليهم يحبونج ويتعلقون فيج عشان تعلمينهم المباديء والأخلاق اللى انتي حابّه يتعلمونها..

والله يوفقج..

اوكي حبيبتي يعني كان لها عذرها انها ما تقدر تكشخ... بس سؤال، هل هي قبل لا تتزوج كانت تكشخ كذا؟؟
انا عن نفسي قبل لا اتزوج كنت اكشخ وايد وخطيبي ما كان يشوفني الا كاشخة لما يجيني... اما الحين ما اقدر ما فيني حيل اكون دوم كاشخة، ادري انه يتشكى من هالشي ولكني احاول قد ما اقدر اني اكشخ له واتعدل والحمد لله قمت اسوي هالشي ولو بمكياج وكشخة بسيطة... حبيبتي حال المتزوجة غير عن حال الارملة او العذرا... المتزوجة ما تلقى وقت تسوي اي شي، ما تلحق، عندها غسيل الثياب والطبخ والترتيب وووووو... اما اللي لا وراها زوج ولا بيت ولا عيال يكون عندها وقت تهتم بنفسها... وبعدين يا عمري اخوج توفى، ادعي ان الله يرحمه ويدخله جناته، ومثل ما قالت الريم ادعي له،، والله يبدله بزوجة اخير منه،، وحبيبتي دامها طيبة وياكم وتحبكم وما تشوفون منها شر حاولي تكسبينها، وانتي ما تدرين شنو كان بينها وبين اخوج، وهذي الامور بين الازواج ما نقدر نحكم عليها احنا... والله يهديج ويهديها، ادعي لها بالهداية حبيبتي مو تدعين عليها

لا حول ولا قوة إلا بالله ....الله يصلحها ويهديها بس انتم اهم شي لا تنسون عيالكم راعوهم هذول ايتام ..الله يحفظهم

ماتقدرين تسوي اي شي
ادعي لاخوك بالرحمة والمغفرة

وحاولي تتقري من عيال اخوك اكثر شي وتشوفي وش محتاجين تساعديهم بدراستهم عشان يتقربوا لك من صغرهم ويحبوك وبهذا الشي تقصدي تنصحيهم ويكوني فاهمة وش بيصير لهم

اما عن زوجة اخوك فماراح تقدري تسوي شي غير انك تدعي لها بالهداية

الله يرحم اخوك ويهدي زوووجته
بنسبه للمكياج بكيفها كل انسان حر بحياااته
ونظافتها واهتماها بعيالها انتي انصحوها بئسلوب طيب يمكن ينفع وياها

موووفقييييييييييين

الله يهديها ويصلحها

حبيبتي مهما كان انتي لاتتخلين عنها ولاتكرهينها بمجرد حركاتها لان امكن هيا ماتعودت على الشي اللي انتم تعودت عليه في بيوت اهليكم

تقربي منها حاولي تفهمين وش داخلها انصحيها ومن هالاشياء

وترا مو غريبه هالحركات على الارامل تسير كثير

بس انصحك لاتتخلين عنها وربي تاخذين اجرها واجر عيالها لو تقربتي منها وفهمتي اللي بداخلها وصلحتي كل شي فيها

كتى لو تكرهيها خلي الخير فيكي عشان ربك ثن اخوك وعياله

والله يسهل كل شي يارب

Um.Abdullah;5308809:
هلا حبيبتي... اخوك الله يرحمه توفى من زمان، فليش للحين متاثرة ومعصبة لانه كان متزوجها؟؟ ادري بتقولين قاهرتني وعلشان العيال وهم عيال اخوي، بس عيال اخوج بيكونون مرتاحين لما يشوفون امهم كذا صح والا لا؟؟ وبعدين المشكلة الوحيدة اللي قاهرتج مظهرها وكشختها؟ ما ذكرتي اخلاقها ابد في كلامج، يعني اللي ما عجبني ابد انها قامت تلبس قصير، ولكن السؤال هني ليش قامت تسوي جذي؟؟ انتي ما تدرين... يمكن كان بينها وبين اخوج شي، يمكن هذي طبيعتها قبل ما تتزوجه بس هو منعها من لبس القصير وردت تلبسه الحين... واذا عن الكشخة والميك اب يمكن كانت تكشخ له قبل ما تدرين، بس عقب ما توفى قامت تسوي هالشي لنفسها، وبعدين مو معناها اذا حطت ميك اب بعد العدة يعني هي ما تحب زوجها المرحوم او ما تحترمه، يمكن هي سوت هالشي علشان تنسى الجزن اللي هي عايشته، وما تنلام في هالحالة... أما عن بيتها فيمكن هي طبعها كسولة ومو مالت شغل، حاولي تقربين منها وتنصحينها كأخت وعسى الله يغيرها، او انصحيها تجيب شغالة تساعدها في البيت وتنظفه اذا هي ما تقدر تسوي هالشي

والله انا معاكى فى كل كلمه بكفيه انها ارمله ووحيده متضايقه

الله يهديها ويرحم اخوج

رحم الله خيك
اهتمو هلاء بترباية الأطفال لحتى مايصيرو قذرين متل الماما
هي ترباية امها وبيها ياللي ماعرفو يربوها عالنظافة والأخلاق والخوف من حكي الناس

الله يهديها

Um.Abdullah;5312371:
اوكي حبيبتي يعني كان لها عذرها انها ما تقدر تكشخ... بس سؤال، هل هي قبل لا تتزوج كانت تكشخ كذا؟؟
انا عن نفسي قبل لا اتزوج كنت اكشخ وايد وخطيبي ما كان يشوفني الا كاشخة لما يجيني... اما الحين ما اقدر ما فيني حيل اكون دوم كاشخة، ادري انه يتشكى من هالشي ولكني احاول قد ما اقدر اني اكشخ له واتعدل والحمد لله قمت اسوي هالشي ولو بمكياج وكشخة بسيطة... حبيبتي حال المتزوجة غير عن حال الارملة او العذرا... المتزوجة ما تلقى وقت تسوي اي شي، ما تلحق، عندها غسيل الثياب والطبخ والترتيب وووووو... اما اللي لا وراها زوج ولا بيت ولا عيال يكون عندها وقت تهتم بنفسها... وبعدين يا عمري اخوج توفى، ادعي ان الله يرحمه ويدخله جناته، ومثل ما قالت الريم ادعي له،، والله يبدله بزوجة اخير منه،، وحبيبتي دامها طيبة وياكم وتحبكم وما تشوفون منها شر حاولي تكسبينها، وانتي ما تدرين شنو كان بينها وبين اخوج، وهذي الامور بين الازواج ما نقدر نحكم عليها احنا... والله يهديج ويهديها، ادعي لها بالهداية حبيبتي مو تدعين عليها

ام عبد الله ............ربي يعطيتج العافية على متابعتك لموضوعي .........


بالنسبة لسؤالك انها كانت تكشخ قبل الزواج ؟ .......... اقول لك لأ....... انا ما اقول تشذيه لاني ما احبها .......... لا و الله ..... بس ابيكم تعرفون كل جوانب الموضوع .........

يا حبيبتي .......... الحمد لله على نعمه علينا ............. هي ما شافت النعمه و لا عرفتها الا عند اخوي الله يرحمه ........... ........
لما تزوجت المرحوم كنت لها مثل الاخت و الله ........ ننزل السوق سوا ....... نخيط فساتين الزواجات سوا .......... و كنت منتبهه الى ان لبسها مو ذاك الزود........ و مو مهتمه بنفسها و بجسمها ........
و كنت انصحها بس كانت تاخذ كلامي مزح .......... بعد كذا انا قلت ويش دخلني هذه هي و هذا زوجها و هم احرار في حياتهم ........ .......
ربي يشهد علي اني وايد كنت متعاطفة معها ايام عدتها ....خاصة و ان علاقتنا صارت رسمية شوي و ما عادت مثل اول........ فلما شفت و شلون تغيرت بعد العدة كرهتها ....... . و ربي يا ناس مو بكيفي هذا ( اخوي تدرون شنو يعني اخوي ) ........

يا ام عبد الله انتي تقولين ان المتزوجة عندها غسيل ثياب و تنظيف و مادري وشو ........ بس ما انتبهتي الى اني قلت في البداية بيتها يا لطيف ( وسخ ) و مو مهتمة بعيالها ..........عيل بشنو مشغولة ؟؟؟؟؟؟؟ لكن هي طبعها كسووووووولة و لا مبالية ........... لكن في الخرجات و الروحات ماشاء الله تصير مثل الحصان ............ و انا شايفه هالشي لاننا ساكنين بعمارة وحدة

لما قريت ردودكم لاحظت ان كثير منكم ركز على حكاية المكياج و نسى الاهم ........
انا الي قاهرني هو عدم اهتمامها ببيتها و بعيالها الي شايلين اسم اعز الناس .......... و ربي هذا الي قاهرني اكثر شي ............
احس ان عيال اخوي بعد وفاته فقدوا الاب و الام و الحب و كل شي جميل بحياتهم ............ و هي بدل ما تغطي هالفراغ الي بحياتهم و تفكر فيهم قامت تفكر بنفسها ( الي كانت ناسيتها ايام المرحوم ) .........

هذا غير ان تغيرها بعد وفاته ماله غير معنى واحد بس وهو انها ماصدقت انه توفى عشان ترتاح من المسؤولية الي هي موقدها ........... و الي اخواني ما لهم مكان بقلبه انا بعد ماله مكان بقلبي


ادري اني غثيتكم بكلامي ........ بس انتو مثل خواتي ........... و ربي اني حسيت براحة بعد ما كتبت لكم .......... و قريت ردودكم .......... ربي يعطيكم العافية