امس سويت هاي الصالونه وهيه بالاساس للاخت انفنتي الله يجزيها خير مع شوية تعديلات
وهذي اول مشاركه لي بهذا القسم
بسم الله نبدا
المقادير
دجاج
بصل شرايح
ثوم
طماط مقطع
كزبره مقطعه
بهارات
صلصه
روب
بطاط
اول شي نحمس البصل والثوم ونحط عليهم شوية كمون بودر طبعا لين ما يذبل ونضيف بعدين الدجاج والكزبره وباقي البهارات وقلبي لين ينشف الماي مال الدجاج
]
وفي نفس الوقت حمري الطمام على شوية زيت واول ما يذبلوا ارفعيهم
]
لما تحسين خلاص نشف الماي ضيفي الطمام والصلصه وبيصير بهذا الشكل
]
]
اقلي شوية بصل لين يصير بهذا الشكل وخليه ع جنب
]
ضيفي ماي وخليه يفور واول ما تشوفينه يفور حطي البطاط وبعدين حطي الروب والبصل المقلي
]
وخليها تستوي
بتشوفين الماي قل وصارت غليظه بهذا الشكل
]
وللعيش
حطيت بصل وكمون وثوم واول ما ذبل حطيت الكزبره وباقي البهارات وعقب الطمام والصلصه وخليته يفور شوي
]
طبعا انا من قبل حاطه كمية العيش الي اباها فالماي حتى تنقع
وعقب صفيت العيش من الماي وضفته على الخلطه وضفت بنفس مقدار العيش ماي يعني لو سويت كوب عيش احط كوب ماي واخليه على نار هااااااااااااااااااااااااااااديه واصك عليه باحكام
وعقب 15 دقيقه تقريبا افتح واشوف نشف الماي كله ولالا يعني تتاكدين من قاع الجدر
بس نسيت اصور هاي الخطوه
وعليكم بالعافيه