قصة ولادة قريبتي المشوقه!!!!!!

[GRADE="FF1493 800080 4B0082 FF1493"]السلام عليكم ورحمة الله وبركاته...
اخباركم ياحوامل ...واخبار البيبيات عسى مو متعبينكم؟؟؟
المهم هذي قصة ولادة وحده من قريباتي ..قصتها فيها متعه فحبيت انزلها لكم علشان تقرأونها....
وعلى فكره هذي مش اول ولاده لها ..هذي الولاده الخامسه لها لكنها حلوه وممتعه..
المهم في 15 من رمضان تقول اول ماصحيت من النوم الظهر علشان ادخل المطبخ واجهز للفطور حسيت بألم خفيف في بطني وهذا اليوم كان اول يوم لي في الشهر التاسع...المهم تقول طنشت الوجع لأنه كان خفيف ومو محسوس بالحيل...جهزت الفطور وعدى اليوم عادي...تقول فطرنا وسولفت مع زوجها وعيالها وجابت القهوه وقهوة زوجها ..وقالت له بعد صلاة التراويح ابقاك تأخذني
السوق علشان اجهز ملابس للعيد للاولاد..قال لها طيب ...
صلو العشاء وطلعت مع زوجها السوق وبدت تشتري ..تقول بعدها حسيت بنفس الوجع في بطني
ولما تكون في بعض المحلات مثل السلم مااقدر اصعد لازم زوجي يساعدني...المهم اشترت
ملابس لعيالها وارجعت البيت والالم خفيف بالحيل ...وجا وقت السحور وجهزت السحور لكن
تقول ماكان لي مزاج أكل مش عارفه ليه؟؟؟:( صلت الفجر ودخلت بتنام مع زوجها وجاها اسهال
مو طبيعي:confused: اعزكم الله ..تقول ماكان فيه مجال اطلع من دورة المياه طول الوقت جالسه
فيها ...جلست لين الساعه6 الصباح وكان ولدها الكبير طالع وجا في هالوقت ..المهم انه زوجها
مايشوف تمام علشان يسوق:eek: تقول لما دخل ولدي دخل الفرج معاه واخذهم على المستشفى وكل هذا والالم بسيط ماشاء الله عليها مجرد تقلصات اسهال..
وتقول قبل لانوصل المستشفى حسيت انه الجنين راح ينزل وكان زوجها راكب جنبها في الخلف
..تقول جلست اصارخ الجنين راح ينزل تقول وفتحت ارجولي وزوجي سحب الطفل وكان
الحبل السري ملتف على رقبته وحاول انه يسحبه خفيف لما طلعه ووخر عن ارقبة
ولده الحبل ..تقول وقلت لزوجي اقلبه على رأسه وهزه خفيف, الممرضات يسوون كذا لما اولد...
اخذ زوجها ولدهم ولفه بشماغه ووصلو لاقرب مستشفى خاص ونزل ولدها الكبير وقال للي
في الاستقبال عن وضع امه ومباشره طلع الدكتور بعدته وغطو السياره وقص الحبل السري
ودخلوها داخل المستشفى وعطوها بنج كامل وسوو لها تنظيف وخياطه وهي مرتاحه..
طبعا كل هالكلام خلص الساعه 8 الصباح ...وفاقت من البنج الساعه 11 الظهر وطلبت من زوجها
تطلع بنفس الوقت ...وكان الحمد لله ولدها بخير وصحه وعافيه وطلع معاها بنفس الوقت....
واخذو المستشفى الخاص عليها 3000 ريال مع العلم انهم ماسوو شي راحت لهم والد وجاهزه
اللهم تنظيف وخياطه....لكن الف الحمد لله على سلامتها وصار ولدها يلقب ببو غتره
لان ابوه لفه بغترته اول مانزل للدنيا...

اتمنى قصتها تعجبكم وقريبا بأذن الله راح اكتب لكم قصة ولادتي اذا ولدت وقمت بالسلامه.....
والله يسهل علي وعليكم اجمعين ....[/GRADE]