ابي وحدة اختصاصية بامراض الجلد... شنو الحل حق بنتي؟!!

حبيبتي النشا اهو يودي الالتهابات مع كريم الخاص بألتهاب الاطفال لاتستخدمي المويه ليش انها تحرقها مجرد ماتوصخ بللي الكلينكس ومشي المنطقه وحطي عليها النشا ترى تريح الطفله هوي المنطقه من غير حفاظ ماعليها شر ولو تاخذينها للعيادة يكوووون احسن فديتك

روحى ببنتك لدكتورة حرام اكيد الدكتور هتفهم اكتر واوضح

او ممكن يكون عدم تغير ا لحفاظة باستمرار سبب للالتهاب وحاولى تسيبها شوية بدون الحفاظ

انا اختى كانت بتعمل كدة

وياريت حد يفيدك

ايا عليها الله يشفيها :(

انشالله البنات اللي عندهم خبره يردوون !

الفازلين ماينفع ؟؟

بسرعه حطي عليها اي زيت نباتي من عندك على طوووول بيروح الالتهاب، حتى لو متصلخه.

لمن يكون فيه احمرار من الحفاضات دهنيها بزيت نباتي حق الطبخ زي مازولا او مثلهم، سبحان الله على طول يخف الاحمرار و الالتهابات. خالاتي يسوون كذا بعيالهم الصغار.

الله يشفي بنتك.. و ان شاء الله اكون افدتك.. طمنينا عليها.

الله يشفيها ان شا الله

حطي لها مرهم سودو او فازلين وانثري فوقة نشا بكثرة كل مرة انا اسوي كذا الين تروحي للصيدلية وتجيبين هذا المرهم السحري العجيب روعة والله ماراح تستغنين عنة اختي بنتها وصلت لدرجة التسلخ الشديد ولاجاب نتيجة الا هذا المرهم اسمة
SENSiGARD تلاقية في الصيدلية
وردي علينا وطمنينا...

روووووووحي الطبيب
انا صار لولدي نفس بنتج
ووديته الطبيب
ما ينفع علاج البيت

والله فديت روحها عورت قلبي

هلا حبيباتي فديتكم والله مشكورين عالردود... انا اكيد بوديها الطبيب بس انا خاااااااايفة عليها لا يصير عليها شي لا قدر الله قبل لا اروح للطبيب... ابي شي يخفف عنها الين اوديها... بس بنات اي نشا تتكلمون عنه؟؟ ما عرفت!... تدرون انا شسويت؟ لما شفتها كذا زايد عليها من الكريم الخطأ على طول هويتها، وبعد ما بللت نفسها سويت لها حمام تجلس فيه علشان يلين عليها وما يعورها وجلست معاها علشان ما تبكي، وبعد فترة ظهرتها وحطيت سودو كريم ولبستها الحفاض، احس انه خف بس مو كثييييرررر... فعلشان كذا قلت لازم القى حل اسررععع علشان بنتي ما تتالم :"( فقلت مالي غيرهم يصبروني لين اروح للطبيب... الحين صار لي من حطيت الموضوع مرتين مغيرة لها الحفاض والحمد لله السودو كريم وااايد خففه، تعتقدون بيخف كثير لبكرة؟؟ صرت ما اعرف انام، كل دقيقة اطالع حفاضها اذا موصخة والا لا :"( هذي اول مرة يصير في بنتي كذا... المشكلة الكريم اللي حطته ام زوجي حق الطفح الجلدي والاكزيما!!! يمكن هو اللي وصلها لهالمرحلة؟

صدقيني استعملي الزيت الي قلتلك عليه و بيفيدها على طول!

طمنينا على بنتك اختي؟

اختي نحلة قلت حق زوجي بحط لها زيت قال هذي طرق قديمة وما رضى!!! مع اني قلت ما راح يضرها، ترى هو يحب يعارضني في اشيا، عنيد، قال بوديها للدكتورة، والحمد لله راحت لدكتورتها وقالت هي عندها حساسية، وخاصة ان كان هناك التهاب بسيط فالكريم الخطأ سبب لها هالحساسية وعطتني دوا احط لها مرتين باليوم، وقالت لي باقي المرات تحطين لها سودوكريم... وقالت لي ان شاء الله ما عليها شر... بس بنات قبل لا تنام حطيت لها هالكريم اللي عطتني الدكتورة قامت تصرخ!!! والدمووووووووع في عينها!! شي طبيعي ان يحرقها دوا الحساسية؟؟؟
ومشكورين بنات على اهتمامكم وخاصة انتي اختي نحله ربي يحفظج ويخلي لج عيالج، واذا ما عندج يخلي لج حبايبج...

طرق قديمة الله يهديه، يعني هو اصلا لو ما فادها ماراح يضرها.. انا خلاتي يستخدموها لعيالهم دائما بدل المراهم حقت الأطفال.

بس بالنسبه للكريم الي اعطاها اياه الدكتور و الله ما ادري ليش يألمها، افضل انك تسألين الدكتور يمكن ما نسبها.. الله يشفيها ان شاء الله و يسلمك على الدعوه الحلوه (مع اني مو متزوجه)

شوفي الكريم لايكون فيه كرتيزون في كريم حق الطفح الجلدي لونه اصفر من برااااا وعليه خط احمر ترا كثير دكاتره يصرفونه بس للاسف فيه نسبة كورتيزون بشوف اسمه ورجع اكتبه لك

والحمدلله على سلامة الامورة الصغنونه

السلام عليكم و رحمة الله تعالى و بركاته،

ما عليها شر و إن شاء الله خف الإلتهاب عليها ؟؟؟

قبل فترة ولدي و بنت حماتي إثنينهم مرة وحدة كأنها عيون ما صلت على النبي صادهم إلتهاب غريب .. جلدهم صار كأنه محترق .. و لدي كان يصرخ و مايقدر يقعد و لا حتى يقدر نحمله عدل أي شي يلمس منطقة الحفاظة يخليه يصرخ و حالته تقطع القلب .. بنت حماتي ودتها لدكتور و وصف لها كريم فيه كورتيزون و كريم ثاني عادي من كريمات صفح الحفاظات و قال له تستخدمه بالتناوب يعني مرة أبو الكورتيزون و مرة الثاني و بعد قال لها تحط داخل الحفاظة قماش قطني يمكن إن بنتها متحسسة من مادة الحفاظة نفسها فقامت قصت قماطات بنتها و صارت تحت قطعة منهم داخل الحفاظة..

و بالنسبة لي بعد وديته عند دكتور و وصف لي علاج مشابهه بس ما جاب نتيجة .. بعدين ولد خالي شافه و قال لي عن كريم إستخدمه حق بنته إسمه ميبو كريم .. هو عبارة عن مرهم سعره أعتقد 5 دنانير تقريباً (يعني في قطر بيكون بحوالي 50 ريال) و تلاقينه عند الصيدليات .. هو ريحته مثل السمسم أو الفول السوداني و ريحته قوية شوي بس مو كريهة .. لكن مفعوله عجيب .. و على فكرة هو كريم للحروق و ممكن إستخدامه للتسلخات و الطفح الناتج من الحفاظات .. قمت أحط حق ولدي منه و بعد سويت بنصيحة دكتور بنت حماتي و إشتريت قطع شاش كبيرة شوي من الصيدلية و قمت أفرش بعض القطع داخل الحفاظة في كل مرة أبدله .. الحق بنقال إنه وايد خف و بسرعة و الحمد لله.. لكن الصراحة صارت عنده بقعة غامقة على جلده ما يروح لونها كأنه صج محترق و بنت حماتي بعد نفس الشي .. بس أنا حبيت الكريم هذا (ميبو) وايد خصوصاً إنه مكون من مواد أغلبها طبيعية ...

إن شاء الله بنتج تحسنت حالتها و ما تحتاج لأي علاج بس في حال لو إنها للحين تعاني أو إذا الله لا يقوله رجع صادها إلتهاب جربي كريم ميبو و جربي تحطين شاش قطني داخل الحفاظة ..

و بالنسبة لسودو كريم ترى مو أفضل شي .. أنا إستخدمته حق ولدي لأكثر من سنة و نص و لازلت بعض الأحيان أستخدمه بس حسيت إن أفضل شي كريم الحفاظات ماركة ego إسمه egozite

نحلة حبيبتي... الله يرزقج بالزوج الصالح

هلا حبيبتي عيون الوليد... الكريم اللي وصفته لي الدكتورة بعد اصفر!! واسمه randerm اصفر وعليه مكتوب كريم بالاحمر مال شركة جلفار الاماراتية...

أم سلمان الحلو... حبيبتي هذا ما احس انه سوى فرق كبير من امس، حطيته مرتين للحين احس نفس الشي بس ان الالم راح، يمكن فيه كورتيزون؟؟ وبالنسبة حق ميبو اعرفه، كنت استخدمه لتقرحات صدري بعد الولادة، احطه ما بين رضعات بنتي واايد زين وريحته حلوة :) ولذيذة... وصج احسه ينفع بس ما فكرت اجرب احطه لها... بس هالكريم اللي حطيتي صورته ما قد شفته، لاني كل ما اروح الصيدلية اقول للصيدلانية ترويني كل الانواع اللي عندها، انا استخدم حق بنتي في الاساس سيباميد، بس الحين قمت احط لها سودوكريم

سلام يا أم عبدالله...

زين إن عندج ميبو جربيه و إن شاء الله فيه الخير .. بالنسبة للكريم إللي حطيت صورته أنا أحصله في أغلب الصيدليات في البحرين بس يمكن عشان سعره شوي أغلى من باقي الكريمات يمكن عشان جذي ما يتوقعون إنج تطلبينه .. مع إن مو وايد وايد غالي بس أغلى من البقية المشكلة إني ما أحفظ الأسعار بس أعتقد إن سعره دينارين و نص أو أكثر شوي (يعني بين 25 إلى 30 ريال تقريباً ) و حجمه مو وايد كبير يعني التيوب أو العصارة حجمها شوي أصغر من حجم كف اليد .. إنتي جربي سألي في الصيدلية عنه و أتصور بتلاقينه ..

هلا بنوتات...
غيرت حفاض بنتي من شوي والحمد لله رب العالمين خف عليها وايد... قلت حق زوجي ابي استخدم لها ميبو لان هذا شكله فيه كورتيزون، قال لي لو فيه ابو الكورتيزون المهم نستخدمه فترة قصيرة وتتحسن البنت، وقال لي انه بجيب لي ميبو من الصيدلية علشان اذا خف وايد وايد احط لها... ومشكورة حبيبتي ام سلمان، ويخلي لج سلمان

وديها الدكتور وفهميه ألي صار بالظبط

تدرين اني وديتها حق اكثر من دكتور،، وديتها حق دكتورتها مرة ثانية لانه ما يروح عنها قالت لي غيري البامبرز ولبسيها اي شي ثاني، من غيرت لها ولبستها موني خف عليها وايد بس للحين وياها ومو راضي يروح، يخف ويرجع!! لما اكون معاها في الويك اند يخف واااااايد وقريب بيروح ومن اداوم يرجع لها!! مادري ليش!!