ابي وحدة اختصاصية بامراض الجلد... شنو الحل حق بنتي؟!!

سلام يا أم عبدالله ...

أنا تصورت إن المشكلة إنتهت خلاص طلعت المسكينة للحين تعاني و إنتي تعانين معاها .. الله يساعدكم .. حبيبتي بسألج الإحمرار في وين بالضبط ؟؟ إذا عند الأطراف يعني مكان ما يلامس المطاط (الاستيك) إللي في الحفاظة جسم بنتج فيمكن هي تتحسس من هذا اللاستيك أو المطاط و في هالحالة يحتاج تغطين هذا المكان بالقطن مثل ما قلت لج من قبل إن تفرشين قطع شاش في الحفاظة و تغطين هذا الجزء منها بالذات ..

و بعد حاسبي لها لأن مثل ما تشوفين الجو بدأ يصير حار و مع حرارة الجو الله لا يقوله ممكن تزيد مثل هذه المشاكل ..

إذا تقدرين خليها بعض الوقت بدون حفاظة بس لبسيها أندروير قطني أو حتى بدونه و خليها تتحرك و تلعب شوي .. إذا عندج مكان أرضيته سيراميك سهل تنظيفها إذا سوت شي خليها هناك تتحرك و تلعب شوي . و كرري هالشي كم مرة خلال اليوم و إن شاء الله بتتحسن .. و بعد طمنينا عليها

جربي تغمسيها في ماء و كربونات الصوديوم ..

هلا حبيبتي ام سلمان فديتج ما قصرتي... المشكلة الحساسية مو منطقة المطاط، الحساسية داخل في الوسط على الجلد الخارجي اللي ملامس للحفاظ... دايما اخليها من غير حفاض واقول عادي خلني اركض وراها واغسل بس المهم تخف بس المشكلة هي من توسخ على نفسها تكره عمرها وتصيح الين ما اغيرها وتوسخ على طول!! اختي قالت لي اذا السالفة جذي احط لها فازلين علشان ما يمس شي المنطقة، بس ما خليت ي ما جربته!!

مريم نور مشكورة حبيبتي بجربها ان شاء الله والله كريم

استعملي لها عصارة zinc castor oil

انا طبيبة وهذا هو العلاج الامثل ادهني المنطقة والبسيها الحفاظ بلامشاكل استعمليه كلما غسلت لها وبدلتي الحفظ لها

معليش أختي أنا غلطت في الاسم و الآن فقط نبهتني أختي ..

اسمه بيكنج صودا ..

مشكورة دكتورة على النصيحة، بشتريه وبجربه

ومشكورة حبيبتي مريم نور عالاهتمام وجزاج الله خير

الله يشافيها بنتك ... نفس حالة بنتي ... جربت كل شي وما فاد معها ... بس بحاول اشوف ميبو ... عسى انه ينفعها يارب

ما تشوف شر فديتها... ان شاء الله ينفع معاها الميبو... انا من غيرت الحفاض حق بنتي وقمت احط مرة فازلين ومرة سودو كريم احس انها تحسنت شوي

الله يعطيها الصحه والف عافيه ياارب

نشا ذرة ماتعرفينه اللي ينباع بجمعيات علب صفرة مرسوم عليها ذرة

ااااااااااااااااااااااااااااااانصحج فيه بشكل كبير اشتريه وخليه عندج بغرفتج لو لاسمح الله جاها طفح جلدي حطي سودو كريم وفوقه نشا بس حطي واااااااااااااااااااايد كبيه كب وصكي حفاظه وكل شوي لما تسوي شي بدليها ونفس الشي ماتاخذين 24ساعه او اقل والا بنتج ماعليها شر

اسئلي مجرب بنتي جاتها حاله موطبيعيه انتفاخ واحمرار يقطع قلب والحمدالله نشا ثم نشا

مشكورة حبيبتي عالنصيحة وان شاء الله اسويها
بس بنتي ولله الحمد راح عنها الحين... وان شاء الله ما احتاج استخدم النشا مستقبلا
وجزاج الله خير حبيبتي على اهتمامج والله يخلي لج بنتج