أبي آراؤكم / أختي انخطبت لكن ...........

الغاليه و الله اذا الريال زين لاتفوته و اذا اهله ناس طيبين خل تتوكل على الله
و بعدين خل تبدأ حياتها في بيت اهل ريلها و تستقر و بعدين ان شاء الله من اتييب عيال تستقل في بيت بروحها
ربي يوفقها ان شاء الله و يوفق الجميع

اول شيء انا اقول لج

خليهااا تستخير وتشوف

واللي الله يكتبه ان شاء الله بيكون خير لهااا

اذا الريل زين ليش لا وخصوصا من منا ما زوج وعاش عند اهله فتره من حياته عن نفسي تزوجت وعشت فترة 4 سنين في بيت اهل الريل وكانوا عايله كبيره وكنا لما نجتمع نطبخ ذبحتين وبعد ازيدكم كنت اطبخهم انا و طبعا الشغالة تساعدني . ونحن اللي بس في البيت 18 سخص شو رايج . بس كانت مرحله روعه والله اني لما طلعت من عندهم كنت زعلانه . وصدقيني السكن في بيت اهل الريل يربي الوحده من اول ويديد و تعيش تجربه سوى ان كانت حلوه او لا لكن تعطيها خبره ودرايه في بعض الامور . وفيه نقطه لصالح اختج وهي وجود الام والاب واذا قدرت تتقرب منهم وتكسب رضاهم اول شي بتكون كسبت رضى ربها ثم كسبت رضى الريل و تقدر تكون في هاذك البيت بحركاتها الحلوه والطيبه النابعه من قلب صادق و صافي هي المميزه . اهم نقطه اذا اختج وافقت انها ما تحاول تدخل بين الاخوان في امورهم او بين حريم الاخوان وهذرتهم الزايده لا تصدق كلام اي احد عن الثاني اهم شي تكوني انتي معاملتج للكل في ستايل واحد .هذا عن تجربه . مع تحياتي

انا مع اختى قون برايها كل واحد له ظروف
وهم عايله كبيره ويحبون الترابط الاسري
واهم شي بالحياه الزوجيه التفاهم بين الطرفين
وان حياتها قبل تختلف عن حياتها الحين وهي
المفروض تعرف شلون تتعامل معاهم بنفس طيبه
وتحاول ما تدخل نفسها بينهم عشان ما تصير مشاكل
بينهم وانتى تعرفين ان الغيره موجوده بكل البشر
وحتى بين زوجات الاخوان , تتجنب القيل والقال
وتحاول تتقرب اولا بين ابو زوجها وام زوجها
وتكسب رضاهم واذ حبوها بيوقفون معاها دايمااااا
حتى لو ضد ولدهم ولا تخاف وطبيعي الوحده بتعيش
جو جديد اكييييييييد بتكون خايفه و متوتره والحساسيه
بتخف اذ الوحده تدققق على كل شي وتتحس ما راح تقدر تتعايش
والرجل ما يحب الوحده تكون حساسه على اقل الاشياء
وعليها تستخير والله يوفقها ان شاء الله وييسر لكل البنات
و يزوجهم :15::15:

السلام عليكم ورحمه الله وبركاته ...


انا هالمره عكس رأي البنات كلهم ... مب خالف تعرف بس ما أيدهم ... مع احترامي لوجهه نظرهم .


لو سألتي ليش بقولج .. اولا اهي ما بتعيش مع 6 اشخاص او اقل هي بتعيش مع فريج كامل مع عيالهم ونسوانهم ,,, وامه وابوه .. ,ان ماحصلت اذيه من امه وابوه حصلت من نسوانهم وان ما حصلت من نسوانهم حصلته من عيالهم .. لا تقول جناح بروحي ما روحي .. عيوني ان طلبتي البيت المنفصل او حتى شقه منفصله .. عنهم ما بتبعديه عنهم ... ان شاء الله كل يوم زياره ما فيها شي وانتي قلتي بنفسج ان اخوانه الكبار في بيوت منفصله بروحهم

انتي قلتي البنت حساسه وطيبه .. يعني لو يصير شي ترقد وتصحى على قهر .. ليش عاد ... تحط نفسها بالموقف هذا وبعدين من قال ان عمرها صغير انا تزوجت وعمري 26 سنه .. . اختي شيلوفكره العانس ,,, احيانا العيشه بدون زوج احسن .... وعسى ان تحبو شيئا وهو شر لكم ..

سمعيني عدل اختي .. أهم شي راحه البنت وانتي شوفي بنفسج مشاكل الخوات مع بيوت اهلم
واهالي ازواجهم فمبالك فريج بكبره قاعد في بيت واحد ...

يقول المثل ابعد عن الشر وغني له . انا الي انا في بيت وملحق بروحي وللحين اعاني مشاكل مع ام ريلي .. واجامل على حساب راحتي وصحتي ....

ليش عاد الريال مقتدر وفي خير .. ليش أنسوي أزمه في الموضوع .. وبعدين الوضع الطبيعي ان الريال في الاخير يطلع عن اهله يعني وبقولج شغله تطلعين من بيت اهله بعد ما تدخلينه اصعب من انج تطلبينه وانتي ببيت ابوج معززه مكرمه وطلباتج اوامر .. اختي ياما تقدمو لي ناس من عمر 19 وصدقيني ناس ادري فيهم وناس ما دري فيهم لان امي مصممه اني اكمل جامعه وما طلع نصيبي الا في سن 26 والحين عمري 28 والحمدالله وللعلم .. اختي عمرها الحين27 وللحين ما تزوجت مع انها جميله ورشيقه وتشتغل ومكمله جامعه ومتدنيه وكامله والكامل الله .. ما تقدم له احد من تخرجت الا اثنين ... مع ذلك عمرها ما تسرعت او فكرت انها تطلع برع ديرتها ....وتتغرب

اختي اخر كلامي وسامحيني على الاطاله حلاه الثوب رقعته منه وفيه
تصبر احسن لها او تشرط بيت بروحها

تحياتي
ام جنى

خلــها تستخيـر

نصــيحــه مني

اذا هو زيــن تـاخذه وتتوكـل على الله

نحن لو نتكلم من اليوم لين باجر الحل مب بيدنا الحل بيد اختج اهيا الي تعرف مصلحتها
اهيا لها جناح خاص في البيت وهي عبارة عن مسكن خاص لها((يعني بيتها اتسوي الي تبا فيه ))
ومب كل يوم اتحصيلين الزوج الصالح وعلى فكرة كل حياة زوجية فيها مشاكل هي بهارات الحياة اصلا

المهم والاهم القرار الاخير بيد اختج و الله يوفق في الاختيار ان شاء الله

اختي لازم ماتحكم علي ان زواجها بيفشل او بينجح بسبب انهم عايشين في بيت واحد..
ياما حريم اول ماتزوجن عاشن في بيت مستقل لكن كل حياتهن تعاسه ومشاكل ..
هي تصلي استخاره وإللي فيه الخير الله بيجدمه..
والله يوفقها..

اختي انا مع زوجي في بيت اهله... يمكن يسألوني عن الطلعة والجية بس هالشي عادي وخاصة اني اعتبر امه مثل امي واعزززز، فانا احبها كثييييييير وهي بعد تحبني... وابوه طيب معاي ويحبني، حتى انه مرات يهاوشني اذا غلطت هههههههه مثل بناته يعني وعادي... اما عن الزحمة وناس ودوشة فشي عادي، بالعكس، شي حلووو... واذا بتطلب من زوجها بيت بروحها ااكد لج مليونين بالمية انه كل يوم بروح عند اهله وبيغصبها تروح، لانه متعود عالجمعة والناس ومو متعود عالوحدانية... وصدقيني اول الزواج حلاتها مع اهل الزوج، لانهم بيساعدونها وبيملون عليها الفراغ، وبونسونها... يعني حماي ما بقى شي وبروح بيت بروحه، احس ان احنا بنتجنن اذا راحوا، دوم اقعد مع زوجته، والعب مع عياله، يسوون جووووووو في البيت ووناسة، حتى ان ام زوجي تزن فوق راسي بطريقة غير مباشرة وتقول الحين دورج تملين الفراغ اللي بيصير، يعني بالعربي تبيني اصففففففففف عيال ورا بعض بس علشان تستوي زحمه في البيت ههههههههههههه

لكل من ردت علينا

الله يجزاكم خير
اهي محتارة واااايد
تبي الزواج بس ما تبي تبعد عنا
خصوصا أنها راح تكون بديرة ثانية مو مدينة
والله كلنا ما نبيها توافق مو متحملين بعدها عنا ووين ؟!! بديرة بعيدة

الله يكتب لها اللي فيه الخير

دعواااااتكم لها :""""""(
الله يخليكم لعين ترجيكم

Noor1979;5285386:
السلام عليكم ورحمه الله وبركاته ...


انا هالمره عكس رأي البنات كلهم ... مب خالف تعرف بس ما أيدهم ... مع احترامي لوجهه نظرهم .


لو سألتي ليش بقولج .. اولا اهي ما بتعيش مع 6 اشخاص او اقل هي بتعيش مع فريج كامل مع عيالهم ونسوانهم ,,, وامه وابوه .. ,ان ماحصلت اذيه من امه وابوه حصلت من نسوانهم وان ما حصلت من نسوانهم حصلته من عيالهم .. لا تقول جناح بروحي ما روحي .. عيوني ان طلبتي البيت المنفصل او حتى شقه منفصله .. عنهم ما بتبعديه عنهم ... ان شاء الله كل يوم زياره ما فيها شي وانتي قلتي بنفسج ان اخوانه الكبار في بيوت منفصله بروحهم

انتي قلتي البنت حساسه وطيبه .. يعني لو يصير شي ترقد وتصحى على قهر .. ليش عاد ... تحط نفسها بالموقف هذا وبعدين من قال ان عمرها صغير انا تزوجت وعمري 26 سنه .. . اختي شيلوفكره العانس ,,, احيانا العيشه بدون زوج احسن .... وعسى ان تحبو شيئا وهو شر لكم ..

سمعيني عدل اختي .. أهم شي راحه البنت وانتي شوفي بنفسج مشاكل الخوات مع بيوت اهلم
واهالي ازواجهم فمبالك فريج بكبره قاعد في بيت واحد ...

يقول المثل ابعد عن الشر وغني له . انا الي انا في بيت وملحق بروحي وللحين اعاني مشاكل مع ام ريلي .. واجامل على حساب راحتي وصحتي ....

ليش عاد الريال مقتدر وفي خير .. ليش أنسوي أزمه في الموضوع .. وبعدين الوضع الطبيعي ان الريال في الاخير يطلع عن اهله يعني وبقولج شغله تطلعين من بيت اهله بعد ما تدخلينه اصعب من انج تطلبينه وانتي ببيت ابوج معززه مكرمه وطلباتج اوامر .. اختي ياما تقدمو لي ناس من عمر 19 وصدقيني ناس ادري فيهم وناس ما دري فيهم لان امي مصممه اني اكمل جامعه وما طلع نصيبي الا في سن 26 والحين عمري 28 والحمدالله وللعلم .. اختي عمرها الحين27 وللحين ما تزوجت مع انها جميله ورشيقه وتشتغل ومكمله جامعه ومتدنيه وكامله والكامل الله .. ما تقدم له احد من تخرجت الا اثنين ... مع ذلك عمرها ما تسرعت او فكرت انها تطلع برع ديرتها ....وتتغرب

اختي اخر كلامي وسامحيني على الاطاله حلاه الثوب رقعته منه وفيه
تصبر احسن لها او تشرط بيت بروحها

تحياتي
ام جنى

تصدقي والله العظيم كل راح اكتب نفس كلام ام جنى متفقه معاها مو 100/100 الا ميلون ب100

حبيبتي

اول شي الله يوفقها ويسعدها ويسخر لها ولد الحلال ويسهل امرها في الزواج

خليها اول واخرا تستخيري ربها بعد كل فرض يوميا يعني لاتوافق بسرعه


اول تستخري لين تحس نفسها مرتاحه والا لا

وماتدرين امكن الولد طيب واهله طيبين والجمعه والترابط بين الاهل هذا دليل على ان في خير بينهم

وهذا شي مره حلو

يعني خليها تستخري وتتوكل على الله

وان شاء الله يكون هذا لها زواج الدنيا والاخره

ويسهل دربها يارب

وزي ماقلت لك خليها تتفأل والله يوفقها يارب

واتمنى اني قدرت اساعدك

وكل الشكر لك

اذا الريال خووش واحد و زين لا تطوفه حرااام و بعدييين شي حلوووو ان عايلتهم دايما مع بعض ..... هذا رايي و تقبلي مني تحياتي يالغلا

السلام عليكم ورحمة الله وبركاته..
بصراحة اذ كان على خلق ودين ولكن شرط تطلب بيت بروحها.. يا اختي الكريمة هي بتعيش مع قبيلة وثاني اتوقع بل اكيد بتصير مثل خالتي قماشة والله ما ابلاغ انتي شوفي بنفسك الناس مجرد السفر ويكونون في غرفة 3 او اربع شنو يصير ما بالج بقبيلة كاااااااااااااااااملة.. وانتي قلت طيبة وحساسة يعني بتتحمل وبعد فترة بتنفجر وممكن الزوج يعاند وتصير مشاكل شنو النهاية صبري وتحملي في النهاية الطلاق.. ليش عاد هالمشوار
.. تطلب بيت منفصل افضل لها وحتى لو كانو مترابطين هي ما بتعزل ولدهم في جزيرة بعكس بيكون تواصل بينهم وزيارات.. لا تتسرع اختك وخالها تفكر 100 مرة في سالفة السكن .. وليش نروح بعيد اقري في المنتدى مشاكل الحموات بلالالالالالالالالالالالالالاوي.. الوحده بهدنيا تعيش مرتاحه لو تيعش بلهم والحزن..؟؟
طمنينا على اختك..

وانا اقول تتوكل على الله وتقدم الزين وتلاقي الازين باذن الله

وياخواتي والله ان الجمعه معزه وايام والله ماتنسى بحلوها ومرها

وبالعكس هذي تكبرها في نظر عريسها

يعني اذا رضت اتعيش مع اهله فهذا معناته انها تحبه وتقدره وعلشانه

تقدر اهله وتحطهم على راسها وخاصةً شيبانه

وعلى العموم هي بجناحها ولها خصوصياتها وهذا المهم

بانها تاخذ راحتها مع عريسها

وبالنسبه للجمعه انا اشوفها لها ايجابياتها اكثر من سلبياتها

وخاصة للي تدرس والا تداوم بكره لا جابت اعيال بتخليهم مع شغاله

ماتضمنها تحفظ نفسها اشلون تحفظ طفلها بالله عليكم ام زوجها

ماهي باولى برعاية عيال ولدها

والاهم من كذا تروح وترجع وقليبها متطمن على فلذات كبدها

مو تروح وهي بالها معهم وماتدري وش المصايب اللي بتصير لهم

وهي بعيده عنهم


ياناس والله لو ترجعون لورى شوي بتقولون ياليتنا نرجع لزمن جداتنا وعماتنا وخالتنا

يوم جمعتهم وحده ويدهم وحده وكلمتهم وحده

يفرحون لفرح بعض ويحسون بالم خويهم وضيقته وهمه ويشاركونه فيه بقدر استطاعتهم

ويكفي ان الواحد لاصد من عياله و الا لاقدر الله صار له خير بلا شر يتطمن ان عياله بايدي امينه

ولاعليهم خوف مادامهم بحضن جدانهم

وكلمه اخيره لكل وحده مقبله على الزواج

مثل ماتبغين ان زوجك يحب اهلك ويقدرهم ويشيلهم على راسه

ابدي بالخير انتي وقدمي لهم كل محبه وتقدير وحطيهم بوسط عيونك


وشوفي التقدير من الكل واولهم زوجك وبتلاقي التقدير لاهلك منهم جميع على حسن تربيتك

ويحمدون ربهم ليل ونهار ان الله قطهم فيك وفياهلك وماقدم الانسان من خير بيلقاه

والدنيا دين وقضى وماسويت سوي لك من خير ومن شر

واسمحوا لي على الاطاله ..

الجوكره;5290552:
تصدقي والله العظيم كل راح اكتب نفس كلام ام جنى متفقه معاها مو 100/100 الا ميلون ب100

اهلين اختي الجوكره .. في العاده انا اتفق معاج بالاراء ولمه اشوف ردج بالمنتديات .. اكتفي فيه ولا ارد ....

المهم .. من بعد الاستخاره بنات اسمحو لي .. اتركو عنكم تكبر في عينه ولا تصغير ... شوفو هموم البنات ومشاكلهم مع اهالي ازواجهم ... يرضون بالمر والمر ما رضى فيهم .. والحب كله يتبخر بسبب المشاكل الي تصير بينهم فما بالج .... الفريج الي بتسكن معاهم خلكم واقعين ما قلنا رفضي الريال بس تشرط عليه سكن خاص لانها قالت ان هو مقتدر .. والمقتدر لازم يعيشها احسن عيشها

والشي ثاني الريال مب من نفس الدير يعني المصيبه اكبر.. لو يصير يها شي هناك لا سند ولا ظهر .. وشدراها لو يطلع الولد دلوع الماما .. وما يقدر يرفض لها طلب .. الطامه الكبرى عيل ...
اكبر مصيبه ترى الولد الصغير في العيله والدلوع والي الام ما تبي يفارق عينها مع انها يايبه فوقه اجيال...

المهم هي حره تستخير وتشوف
تحياتي
ام جنى
بس لا تكتب مشكلتها بعدين بالمتدى لان انا اول وحده ما برد عليها .

والله تستخير
بس والله بدها تعد نعاي بعيله طويله عريضه
امه وابوه مش مشكله
بس اخوتوا وونسوانهم ولادهم مهم بزياره ويادوب كيف وهم بوجها اربع وعشرين على اربعه وعشرين
تحاول تطلب بيت لحالها وافق كان بها ماواقق خلص
كل واحد بحالوا
اذا هي حساسه مابتحمل بكره كل وحده بصير تقلها كلمه من هون ومن هون
وهي بصير تنكد على حالها

اذا الريال خووش واحد و زين لا تطوفه حرااام و بعدييين شي حلوووو ان عايلتهم دايما مع بعض ..... هذا رايي