تكفون بموت من الشرخ الشرجي وانا حامل

حبيبتي الشرخ الشرجي سببه الاول حسب معلوماتي من الامساك انتي عالجي الامساك بتناول الخضروات الخضراء والغنية بالالياف وراجعي الطبيب حتى يعطيج مراهم موضعية والله يسهل عليكي

تجنبي الامساك فهو العدو اللدود للشرخ الشرجي .

الله يشفيكي ويعافيكي

اختي هاذي النصيحه من دكتورررررره

شربيييي مااااااااي واااااااااااااااااااااايد واكلي برتقاااااال واايد 3 او 4 في اليوووم والخضروات بعد كثري ولاتاكلين اشيه يابسه
بس لازم حبيبتي تستعملين الكريمات الموضعيه حق الشرخ
انصحج اتروحين حق الدكتور مره ثانيه

واجر وعافيه

ماتشوفين شر الغالية سيري عند الدكتورة أخير لج...

حبيبتي لازم تروحين للدكتوره تكتب لج دوااء لتخفيف الالم وتساعد على التاام الجرح
في كريمات وايد مفيده او تحاميل..بس تاكدي انها ماتضر الحامل

والله يخفف عليج

حبيبتي والله حاسه فيك صار معاي على طول روحي للطبيبه تكتبلج كريم او تحاميل راح ترتاحين صدقيني وبعد الولاده خوذي فتره لاتحملين على بعض لانه ماراح يعطي فرصه للجرح يلتام ان اخذت فترة ثلاث سنوات بعد بنتي حافظت على الكريم واستعمل مسهل او تحاميل ملينه مثل تحاميل جلسرين للاطفال تساعد على تليين المنطقه لخروج البراز بسهوله اكرمكم الله والحين اناشفيت منه والحمد لله بس صحيح الامه فضيعه الله يشفيك

يا قلبي والله حاسه فيكي بس ليه ما هتميتي بنفسك بعد العمليه من ناحيه الطعام والملينات والكريمات وحمااااااااام الماء السااااااااخن وايد مهم للي تعاني من الشرخ الله يعينك
طيب عندي طريقه يمكن راح تهديكي شوي لين ما تولدين بالسلامه لانهم ما راح يعطونك شي جيبي فازلين واطحني مر وا خلطيهم مع بعض ثم استخدميها باصبعك داخل الشرج وامسحيها زين عسان ترطب المنطقه وتسهل خروج البراز بدون نزول الدم
كمان سوي تحاميل وهي مر مطحون واعجنيها بزيت زيتون وحطيها بالفريز حت تجمد واستخدميها حتى تغلق الجرح الداخلي ويوقف الالم
واااااااااااااااااااااااااااااهم شي والله راااااااااااااااااااح تدعيلي اجلسي في حمام ماء قريب للساخن مو الي يحرررقك اثناء ما تريدين البراز اكرمكم الله وراح يخرج بسرعه وسهوله بس لا تدفعي بقوه بشويش قد ما تقدري منتي ناااقصه يزيد عليك او ينزل دم
وخذي ملعقه زيت زيتون عالريق كل يوم حتى يلين المنطقه الداخليه وكثري من السوائل سواء ماء او عصير البرتقال
اهم حاجه للشرخ ان ينغلق وما ينزل دم منه لان هذا اساااااااااااس الوجع

حبيبتي الان انتي حامل
يعني ماتقدرين تسوين العمليه
لذلك لتخفيف من حجم المشكله نوعاً ما
ممكن مع العلاج الموصوف لج تكثرين من الماي
وشرب العصاير البرتقال والمانقا والكيوي وجوز الهند يعتبرن ملينات طبيعيه للبطن
اكلي صحن سلطه يوميا وبذات الخس واهم من هذا كله تكونين راجعتي طبيب باطنيه وخذتي علاج للمشكله والله يهون عليج اختي ويعدي هالفتره ع خير

ما عندي فكرة عن المشكلة اللي تعانين منها،، بس أحس فيج تتألمين كثير ...اتبعي ارشادات الأخوات ولازم تراجعين الدكتورة والله يهون عليج أختي.

مشكورين حبايبي كلكم على مروركم الأكثر من رووووووووعه

الله لا يحرمني منكم ولامن نصايحكم

ان شاء الله باذن الله راح اتبع نصايحكم كلكم وبجرب الفازلين مع المره ومن اليوم ما راح اترك البرتقال مع الماي وببتعد عن المأكولات الحاره والجافه

والله يا خواتي فرحتوني بمروركم الكريم

وبحاول أروح الدكتوره باذن الله

دعواتي لج بالصحه والعافيه والف والف سلامه لج واكثري من الفواكه وعصير البرتغال والخضروات وراجعي الدكتوره

البنات ماقصروا
الله يشفيك

اييييييييييييه عليييييييييج والله حاسه فيج يوم كنت حامل بغييييييييييت اموت وزاد علي يوم ولدت والله مت مت اقولهم يجيني الطلق ولا هالام وكنت اخس منج كان في بواسير خارجيه وداخليه وشلخ شرجي ااخ تذكرت هالايام بس كنت اتصبر باني اترسلي ماي حار في البانيو واتنقع وعقب ماتدخلين الحمام على طول تنقعي شان يخف عليج الالم بس تدرين انا سويت العمليه وافتكيت ولله الحمد عمليه ليزر وقبلها ماخليت دوى واستعملته زحبوب ولا فاد غير الليزر بس دكتوري قالي لو جايتني حتى لو انتي حامل عادي اقدر اسويلج لانه تخدير موضعي ماياثر على الجنين

نصيحه مني سوي لييزر ولا بتعيشين هالام المتعب وكثري من الماي اهم شي لا يصيدج لا امساك ولا اسهال

والله يهون عليج ياربي

مشكورين خواتي على دعواتكم يكفيني مروركم الطيب

اختي فراااااااااااااااااااااااااااااااااااااشه طمنتيني الله يطمن قلبج يعني يصير اسوي العمليه الحين

بس اخاف يعورني ولازم اخذ مسكنات واخاف مو زين للبيبي يا ريت تفيديني

والليزر يعور ولا لاء

والله ودي اسويها وارتاح والله تعبت

مشكوووووووووووووووووووووووره حبيبتي الله لا يحرمني منج

الله يســـــــــــــــــــــــــــــــــــــــــــــــــــــــــــــــــــــاعدج
مجربتها ولين الحين اتعالج .........اي صاجة المها اكثر من الطلق
انا جاتني قبل لاولد في الشهر التاسع وزادت عقب الولادة يستمر الالم عقب ماادخل الحمام وانتو بكرامة اكثر من 12 ساعة وهذاانا الحين لي 5شههور ولادة ولين الحين اخذ علاج .......
بغيت اسال في وحدة من البنات تعرف دكتور يسوي عملية الشرخ بالليزر في السعودية المنطقة الشرقية واذا دكتورة افضل؟؟؟؟؟؟الله يعطيكم العافية