نخيتكم وقفتكم معي قبل ماتنهدم حياتي

والله يااحياتي
الحل انج تتطلبي من زوجك انه يطرش لها رساله قصيره يشكرهاا على شعورهااا ويجيب سيرتج بان يقوول انج بسم الله عليج كنت تعبانه شووي وكنت مشغووول معاااهااا

خلها تحس انه متزوج وانتي تقدرين تشتركين في المنتدى وتشوفي مشااركااته ومشاركاتهااا

اشكرك على سرعة ردك لي

لكن مادري بحاول اقوله فكرتك اذا فاتحني

لكن ما سألت اني اشارك معه

لا هذا المبداء رافضه

بحجة انه اختلاط

وبعدين هو كان دايم يسب البنات اللي يدخلون منتديات مشتركه

ويقول ان نظرته لها

مو خوش

لا انا منك ارد عليها وكاني زوجك واشكرها واقولها ترا انا رجال متزوج واحب زوجتي ولاعاد ترسلين لي رسائل حب واعجاب لاني مو محتاج زوجتي مااهي مقصرة ولا من شاف ولا من دري

اختي الغاليه بقول لج نصيحتي ومن واقع تجربه انا ريلي صاحب منتدى وعنده مشرفات وعضوات
صدقيني اذا هو ماله بسوالف المغزلجين وحركات الرجاجيل الطايشه لو شووووه مايسوين مراح يقدرن ياخذنه منج لا برسائل خاصه ولاغيره انا حاسه فيج وعارفه بشعورج بس لا تقعدين تتحسسين من شي ماله اساس اذا انتي متاكده انه مخلص لج وعارفه اخلاقه ودينه ماله داعي الخوف والحلو انج تدخلين على المنتدى ويخليج تشوفين الرسائل الخاصه يعني ماعنده خصوصيات يخبيها او يخاف انج تشوفينها وصدقيني اذا حس انج شاكه بشي راح يبدا يخبي عليج على اساس ماتزعلين...انا بعض احيان اذا وصلت ريلي رساله خاصه فيها اهتمام زائد من احد المشرفات او العضوات واذا لاحظت ان اهتمامها بزياده عادي اسئله بطريقه فيها نوع من الظرافه والضحك واقول له ترا هي باطه جبدي بحذف رسالتها ..تصدقين انه يفرحه ويقول سوي الي تبينه ..ارد عليه واقول له كنت امزح اذا تباني ارد عليها برد وطمنها عليك ..والله العظيم انه يقول خليها تولي وحده ماعندها سالفه وفي العاده مايرد على الرسائل الي فيها اهتمام لشخصه من قبل المشرفات او العضوات لاه في حاله وحده هي لما يكون شي بخصوص المنتدى ولو شوه احكي لج عن حركات المشرفات والعضوات بس اذا هو يخاف ربه ومتقى الله فيج لو شوه يسوين مراح يوصلن معه بشي

وعندي اقتراح اذا زوجي من النوع الي ماعنده حساسيات سجلي معه بنفس المنتدى وتبادلو الافكار وخذي رايه با المواضيع انا مسجله بمنتدى ريلي واشارك معه >بس اكيد ماحد يدري اني حرمته :) وعاد اذا اسلوبج مميز راح تشوفين نظرات الاعجاب في عيونه يعني كل الجووو وسدي الطريق على كل وحده تبا تتسلل وتاخذ شي مو لها
والله يوفقج

بنات انا اكتشفت ان زوجي يراسلها ولا خبرني

وانا ما اقدر اتحمل

لاني يمكن اواجهه

لاني احس انها خيانه

وانا سبق قلت له اذا جك رسائل واجهن فيها

لاتمسحها

ياقلبي الله يعينــج بصرااحــه انا مومتزوجـــه وماعندي خبــره اخاف اعطيــج نصيحــه ماتكون بصالحج

والله يعينــج بصرااحــه شي يقهـــر ورأيي من رأي اختي اللؤلؤه السوداااء خليه يبين لها انه متزوووج وانها لازم تستحي على وجهها ولاتراسل ريايل


الله يهدي الجميييييييييييييــع

بنات انا تعبانه وابغى ارسله رساله اني دريت

لاني ما اقدر اتحمل

احس ان قلبي يبي يوقف

قوليله انا بسجل معاك بس دلوعة زماني وحطي لك صورة حلوة نب الاسم دلع يعني وقوليلة ابي ارد على المشاركين شوفي ردة فعلة



او انك بدون مايدري اذا شفتي رساله كذااا ردي انتي عليها قولي الحمد الله ياعمري الله يطمنكي بالعافية زوجي بخير بس شوية شغلات شاغلته عن المنتدى وحبيبي قالي ردي عني


وحبيت اطمنكي واطمن كل من سال عنه وشكرا على الاهتمام بزوجي نور عيوني بسسسسسسسسس
تعرف انك انتي معاه بالمنتدى وراح تشوفين رسايلها وانه مزوج

خلاصقعدي معاه وقوليله انا بعد بدخل لمنتدى مختلط واكلم فلان وعلان وارد على هذا والعب بهذا وش راح يكون موقفك اتجاهي لو انتي ترضى هذا الشي انا بعد برضى انك تكلم البنات
وانا برايي تتسجلي بهذا المنتدى وترسلى رسالة لهذه البنت وتقوليلها بطريقة غير مباشره انك زوجة المحروس وانه عيب ياشاطرة لي تسويه وتكلمين رجال بهذا المنتدى لو ابوك يعرفك كان ذبحك روحي ياامي سوي شي ينفعك غير انك تراسلي رجال بالمنتدى وبعد ايش متزوجين

وانتي خليك طبيعية مع زوجك بس قوليله الكلام لي قلتلك لو انت ترضى انه اكلم رجال بمنتدى والعب معاهم ماعندي مانع انت بعد تكلم بنات يعني 1+1=2

اشكركم على وقفتكم معي

لكن انا مثلكم ورائيي من رايكم

لكن زوجي رافض اني ادخل المنتدى

واخاف اسجل وهو مايدري

بعدين يصير شي اندم عليه

اختي الغاليه شكلك حساسه لابعد الحدود اذا انتي واثقه من زوجك طنشي هالسخافات وهولازم اي احد يدخل المنتديات يكون فيه اعضاء محترمين واعضاء نسأل الله السلامه منهم بس اذا انتي عادي تقدرين تدخلين موقعه

نصيحه اغلقي استقبال الرسائل عنده يعني مايأتيه ولا رساله الامن الاداره فقط وتقدرين ولاتحملين هم لو اي شي تسويه مافيه مفر من النساء الفاضيات هذول
والله يهبطك باسمه ويوفقك والحليم عند الغضب

ماراح يرضى اني اسكر استقبال الرسائل


وانا واجهته ويقول علشان ماتزعلين كنت اراسلها وامسحهن علشان ماتشوفينهن

وهذي الطامه بنظري

ودعواتكم لي ان الله يهبطن باسمه العظيم

انتي ماخذه الأمور بحساسية على فكرة

واذا وحدة راسلته ؟أنتي مو واثقة فيه وفي نفسك؟ خصوصا أنه موضح كل شي قدامك ويوم شافك تتضايقين قام يخبي عنك عشان ما تنجرح مشاعرك

نصيحتي لك خليك رايقة قدامه ولا تبينين أنك غيرانه بهالشكل التحكمي..ترى كل الموضوع منتدى يطلع منه ويقفله وتنتهي السالفة..

اذا لاحظتي أنه يجلس اوقات طويييلة على حساب وقتك معاه هنا يحق لك تتضايقين

الله يريح بالك يارب :)

انا ماتضايقت الا من الرساله الاولى

لانه ابدى اعجابه فيها

وبعدين خبرته انه لازم يخبرني برسايله

وما توقعت انه يراسلها من وراي وانا

ياغافلين لكم الله

لاتقولي يراسلها من وراك

لانك تقولي قالك انه راسلها

وبعدين زي ماقالوا الاخوات ارسليلها انه متزوج وانك زوجته ومن هالكلام

وهو حاولي لاتزعليه منك ولاتخلقي مضاربه معاه عشانها عشان ماتحلى بنظره تعرفي كل ممنوع مرغوب


انتي هالفتره حاولي تكوني مراقبه بس قد ماتقدري واذا حسيتي انه في تطور واجهي بكلمتين قويه

قوليله ماتوقعتها منك .. حط نفسك بمكاني واحكم .. انا صاينتك وصاينه كل شي لك وادور اللي يرضيك وانت شي تافه زي هذا وعارف انه يضايقني حتى لو ماكان له اساس من الصحه ماانت قادر تبطله عشاني ؟.. انا حرمه ولي كياني واحترامي واحبك ومن حقي اغار عليك

اذا ماراح تقدر هالشيء وتستمر باللي انت فيه لاتلومني على اي فعل او تقصير

وادخلي بعدها المنتدى وارسلي رساله للبنت هذي وفهميها انه زوجك ولازم تبتعد عنه وهزئيها بكم كلمه عساها تستحي على وجهها وتخاف ربها

واذا جد جديد خبريينا .. بس انتي قوي نفسك

الله معاك ان شاء الله

مشكوررره

الرساله الاولى منها قريتها

لكن امس انا دخلت البريد الالكتروني حقه

ولقيت فيه تنبيه عن وجود رسائل خاصه له في المنتدى

طبعا هو راحت عن باله قراهن في المنتدى ومسحهن

ونسى ان البريد يصير فيه شي

وانا ما ضايقني الا ليش يخبي علي موضوع الرسائل

يعني لو انا مادريت بالبريد

لكنت الى هالحين ما دري عن شي

واحس انها خيانه لانه وعدني يخبرني بكل شي

مرحبا حبيبتي انا اشوف ان ماعندج ابدا سالفه

انتي مكبره الموضوع ومخليه الموضوع ياخذ اكبر من حجمه وعلى فكره هالشي مب في صالحج لانج كانج ترغبينه فيها زياده

حبيبتي اذا رديتي عن زوجج في المنتدى وقلتي انه متزوج صدقيني راح يستصغر تفكيرج ويمكن هي تشجعه

انا اقول خليه هو يتصرف بطريقته من غير ما تتهاوشين معاه قعدي معاه اليوم في جو رومنسي حلو وطيري عقله وعقب ما تخلصون قولي له (( انت تدري انا اشكثر اغار عليك )) اذا فتح معاج الموضوع كلميه بدلع وقولي له اكتب رساله لها وقول لها ماابيك مااحبج ابي زوجتي بس ((((((((((((((((( بدلــــــــــــــــــــــع )))))))))))))

لان الرجال صحيح يحب المره اللي تغار عليه بس مب لهدرجة تغاار من نت وبنات وراء كمبيوتر وبعدين مب لازم تسجلين في المنتدى نفسه لكن كل يوم ادخلي


والله يهديج ويهديه

الغاليه لا تخلين هالوساوس اتخرب حياتح و صارحيه بأن هالشي يضيايقج و اشرحي له الوضع بس نصيحه مني لا تحاولين اتحسسينه انج تراقبينه

[GRADE="4B0082 FF6347 008000 4B0082"]الغاليه لا تخلين هالوساوس اتخرب حياتح و صارحيه بأن هالشي يضايقج و اشرحي له الوضع بس نصيحه مني لا تحاولين اتحسسينه انج تراقبينه لأن الريال موتع و لا حد يراقبه
انا ما الومج بس خذي الامور بالهداوه[/GRADE]