مب حشريه .. بس فيني فضول..

السلام عليكم..

هذي اول مره لي اقدم فيها موضوع وياريت الكل يبدي راييه..

وموضوعي هو ..(الاسم المستعار)

الكل منا في هالمنتدى له اسم مستعار معين وهو طبعا مب الاسم الحقيقي لصاحبته او صاحبه وانا بعد نفس الشي اسمي المستعار السؤال هو ليش غالبا يدخل الشخص باسمه المستعار وليس باسمه الحقيقي اوكي ادري عدة اسباب بس شو هي مع انى الكل يفتخر باسمه الحقيقي مثل ما أظن ..

وشي ثاني كل شخص فينا داخل باسم معين واختاره بارادته من ذوقه الخاص عكس الاسم الحقيقي اللي في الاغلب يكون الاهل اختاروه لنا وننقسم يا راضي على الاسم ولا لا .. طولت عليكم والي اباه..

** ليش دخلت باسم مستعار وليس باسمك الحقيقي؟؟
**ليش بالذات هالاسم المستعار ؟؟ أو على اي أساس اخترت او اخترتي هالاسم مع العلم انه الاسم الي اخترتيه دليل الشخصيه وكيف نوعها.. صح ولا..

وأنا ببدى الصراحه الصراحه** أولا: دخلت بإسم مستعار لاني ما أبى حد يعرف من أنا واخذ حريتي اكثر :D مب لشي بس جيه ومب لانه محظور علي ادخل باسمي الحقيقي.. (f)

**ثانيا اخترت هالإسم بالذات الورد الأحمر لاني اعشق الورد الأحمر (f)واااااايد واااااااااااايد وأحب اللون الأحمر بشكل عام ولعشقي للأجواء الرومانسيه وحسب علمي ان اليلسه الرومانسيه ما تحلى من دون الورد الاحمر.. وأشياء وااايد ما أحب أطول..
(f)
يله أعزائي عزيزاتي أتريا مشاركاتكم..
لانى الصراحه فيني فضول** خاصه ان ما شاء أسماءكم المستعاره كلكم كلكم حلوه وراقيه بس بعد جاوبوني ليش؟؟ :)

(والسموحه)