سؤال للاخوات اللي جربو الاسبرين وابر السيوله تحت الجلد

هلا اريج
بنسبه لي استخدمة حبوب الاسبرين في حملى
وصفته لي دكتورتي واستخدمتهم من بداية حملي لين شهر 7 تقريبا
ادكتوره قالت لي اتركيهم في شهر 7

غناتي اسالي دكتورتك قبل ماستخدمي

مشكوره اسيرة الدمعه ولكن سؤالي هل لازم استخدامه بكل حمل او الحمل الاول فقط ؟؟ مين جربت واستخدمته كل ما حملت؟؟؟؟!!

سلامتج ما تشوفين شر ..
بس ياريت اتوضحين ..

يعني انا اعرف صديقتي تاخذ ابر سيوله للدم لأنه صار معاها اجهاض اكثر من مرة بسبب تجلط المشيمة وعدم وصول الدم لها ..

فمستمرة تاخذهم من حملت لين ما تربي .

فما ادري انتي تقصدين نفس الشي واللا كيف

مشكوره عيون بوظبي عالمرور الطيب انا قصدي ((احتاج اخده بكل حمل ؟؟ يعني كل ما حملت لازم اخده ولا اول حمل بس)؟؟ انا حبيت اسال الاخوات اللي جربو قبل سؤالي للطبيبه واقارن
يعني انا الحين باول حمل واخده احتاج اخده لو حملت مره ثانيه او لا؟؟؟؟؟؟؟؟؟؟؟

نعم تحتاجينه في كل حمل لانه المشكله بتكون موجوده مانتهت يعني انتي مخلوقه بهذا العيب فالدم

في بنات وصفولهم الاسبرين ولما سألوا عنه دكتورة ثانية كانت النتيجة أن الوصفة غلط .. المشكلة أنو في أطباء يتساهلون في وصف الادوية للحوامل

روحي عند دكتورة ثانية وتأكدي قبل ما تستخدميه

دمتي بود

انا خذيت اسبرين في حمالاتي كلهن وسقطت

المره اليايه مدري شو بيعطوني ....

هلا خواتي .. انا متزوجه صارلي عشر شهور وحملت اول شهر من زواجي بس وقف النبض في الشهر الثالث الحمدالله على كل حال وحاولت احمل بعد ست شهور ونفس الشي صارلي اول ماحملت وقف نمو الجنين .. بعدين سويت تحاليل دم حق كل شي طلع فيني تجلط فالدم في المشيمه او تكسر بس هو بشكل عام يسمونها هالحاله مضادات الجسم .. المهم الدكتوره وصفتلي علاج حبوب الاسبرين بس انا خايفه اذا حملت يتكرر هالشي .. بليييييز اذا وحده جربت ونجح حملها والجنين بخير اطمني لاني صدق خاااااااااايفه وااااااااايد .. انتظر ردكم بفارغ الصبر.

هلا الاخت صلصوحه انا الصراحه خفت من الي قلتيه يعني مع انج تاخذين علاج بعد سقطتي ؟؟ اخااف امر مره ثانيه بهالتجربه سااااااااااااعدوني انصحوني شو اسوي الله يخليكم ؟
وابره السيوله اول مره اسمع فيها زينه . . يعني مفعولها اضمن واقوى ؟؟ ردووووووا علي بليييييييييييييييييز.

انا نفس المشكله وخايفه من الاسبرين هل له مضار او انه لايمنع الاجهاض مره اخرى اسال الله التوفيق

بنات وينكم ليش محد يرد علي انتظر ردودكم:ss:

وهج الشموع حبيبتي انتي فيج بعد نفس مشكلتي ؟؟ كم مره سقطتي؟؟

انا سقطت مرتين في خلال 3 سنوات وقالت الطبيبه اذا نويت مره ثانيه لازم استخدم اسبرين قبل الحمل بفتره مع الانتظام على الفوليك اسيد وان تعطيني كلوميد استخدمها ثاني ايام الدوره وايضا حبوب للفيروسات زي المضاد الحيوي لمده اسبوعين بس اني متردده جدا اخاف من الاسبرين او ان يكون الطفل فيه خلل وان شاء الله سوف استخير مع اني الحمد لله حملي السابق كان طبيعي جدا بس مادري ايش السبب والطبيبه تقول تحدث لمن تعدت ال 35 ان ياتيها بعض الصعوبات اسال الله ان يختار لنا الاصلح

خواتي انا وصف لي دكتوري من اسبوع ابر كليكسان لتمييع الدم تحت الجلد وباخدهم لحالي لانه بين في فحص الدم عندي انه بيصير تخثر للدم .. انا مو حامل ولكن حابه احمل.. الدكتور قاللي انه لازم اخدهم قبل الحمل واذا ان شاء الله صار حمل رح يحولني على اخصائي دم عشان يتاكد من الكميه من الابر الي لازم اكمل فيها اثناء فترة الحمل كلها ..مع العلم انه في حملي الاول ما كان عندي هاي المشكله ..ربنا يهونها يا رب..

يا اخواتي الاسبرين ما منه ضرر عالطفل بالعكس يسبب سيوله حتى يوصل الغذاء كامل لطفل ولا يصير تجلط بالمشيمه وابر السيوله تزيد من سيولة الدم يعني البعض يوصفون لهم اسبرين فقط والبعض حالتهم مستعصيه مثلي ونسبة التجلط عندهم مرتفعه يحتاجون اسبرين مع ابر سيوله ولا تخافووووو وربي يسهل للجميع انشاء الله انا قريبتي كانت تاخد اسبرين وابر سيوله والحمدلله ولدت على خير وعقبالنا يارب

مشكورين ياخواتي طمنتوني .. لاني ابا احمل انشالله وخايفه بس انشالله الله يهون علينا ويرزقنا الذريه الصالحه..

ربي يهون عليكي وللجميع باذن الله

اسال الله ان يرزق كل محروم بس سؤالي هل للهيبارين ضرر اذا وقف فجاه وا>ا كان الواحده التجلط عندها طبيعي هل لازم تاخذه او يكفي الاسبرين

وهج الشموع حبيبتي انا سمعت انه الهيبارين زين وايد حق تجلط الدم مافي منه مضره انشالله تاخذينه مع الاسبرين يوميا بس اذا وصفتلج اياه الدكتوره .. كم نسبت التجلط عندج .. اذا موجود عندج التقرير؟