ساعدوني في تصميم بيتي

وعليكم السلام

ما عندي تصميم معين لكن انصحك باستغلال اي مساحة زائدة بعمل خزائن حائط ، ترى تلزمك لكل شيء ، يعني لا تتركي اي مساحة من دون الاستفادة منها . لكن عندي افكار سأطبقها ان شاء الله ان بنيت منزل .

1_ اعملي بلكونة مفتوحة واخرى زجاجية .

2_ ان كانت الارض تطل على منظر مكشوف ومرتفع اجعلي الواجهات زجاجية من الجهة التي بها المنظر المطل .

3_ لا تنسي ركن الافطار التابع للمطبخ واجعليه زجاجيا يطل على حديقة خلفية او جانبية للمنزل تزرعين فيها الازهار المنزلية .

4_غرفة النوم الرئيسية اعمليها مثل غرف الفنادق ، يعني بلكونة تابعة لها تجلسين فيها انتي وزوجك تتعشون او في الصباح تشربون القهوة ، خلي اطلالتها على مكان غير مكشوف للشارع .

انتي قولي هالافكار للمهندس وهو يوزعلك اياها .

الله يوفقك وتتهني في الفيلا .

مشكورة اختي عاالافكار الحلوة بس ترى الفيلا مطلة عاالشارع وحولينا بيوت وفكرة الخزانات وايد حلوة ويصير اسوي الخزانات في الدور الارضي وذا عندتج افكار ثانية خبريني وتسلمين ياالغاليةةةةةةةةةةةةةةةةةةةةةةةة

شوفي حبيبتي سوي بحث في الإنترنت وشوفي الصور وتخيلي بيتج على حسب حاجتج ... صدقيني لما تشوفين الصور تقدرين تشرحين للمهندس الأفكار اللي تبينها في بيتج بشكل أوضح ... ولا تستعجلين في إعتماد الخريطة النهائي لأن صعب التغيير بعدين راح يكلفج تكسير في البيت وتغيير وبعد خساير فلوس ... فكري في أدق التفاصيل مثل توزيع نقاط الكهربا والتيلفون وحتى الصحي إنتي اللي حددي تنسيق شكل الحمام والمطبخ ... لازم يكون عندج تصور لكل غرفة وركن في البيت مثل مكان الباب وشلون راح يكون توزيع الأثاث في الغرفة ... وإذا تقدرين روحي إنتي وزوجج شوفي بيوت على الواقع مثلا أنا وزوجي رحنا منطقة يديده وإستأذنا من الحارس ودخلنا نشوف البيوت والأفكار اللي ممكن نسويها وتصلح لنا ... موفقة إن شاء الله ... وإذا عندج أي إستفسار أنا حاضره ...

مشكورةةةةةةةةةةةةةةةةةةةةةةة ياالغالية

أنا ما عندي تصميم معين بس احس اهم شي تكون الغرف كبااار .. وغرفه store تكون كلها خزانات ويكون فيها تهويه يعني شباك ومروحه ... غرف النوم لما تشترينها لا تشترين معاها كبت .. خلي الكبت داخل الجدار احسن نفس الفنادق يوفر مكان ... وشكل الغرفه يطلع ارتب .. خاصه اذا بغيتي تغيرين في ترتيب الاثاث اسهل لج .. والافضل يكون الكبت في ممر بين الحمام والغرفة .. انا احلى فندق دخلته وشفت فيه نظام الكبتاات صراحه يخبل هو فندق الانتركونتنتال في دبي في الفستيفال سيتي .. بشوف اذا حصلت صورة الغرفة بطرشلج اياها تقسيماتها وايد حلوه ...
لا تنسين تحطين مكان لحوض السباحه حتى لو مافيه امكانيات الحين ممكن في المستقبل ..