حبيت اخذ رايكم وافكاركم في موضوع ما ....
الموضوع يا اخواتي العزيزات:) ... طبعا كل وحدة عندها صديقات وطبعا في صديقة مقربة وتعتبر بمثابة الاخت ...واكييد اهديتيها الكثير الكثير الكثير من الهدايا وخاصة اذا كانت مدة علاقتكم ببعض طويلة مثلا من ايام الدراسة وحتى الجامعة ومابعدهاا
...[GLINT]طبعا اعقتد فهمتوا مشكلتي...:bigsmile:[/GLINT]
الله يسلمكم عندي صديقاتي 2ماشاء الله علاقتي بهم من زماااااااااان والحمدالله ... الله لايفرق بيننا .... عاد ياما مرت علينا مناسبات واهدينا بعض هدايا مثل حفلات الميلاد... او الخروج من المستشفى ... او صوغة السفر...
المهم وحدة منهم ميلادها يوم السبت ومحتاااااااااارة شنو اخذ لها هدية يعني ماشاء الله كل شي عندها ومو محتاجة شي... وكل شي خذت لها من قبل هدية يعني من شوكليتات و ثياب واكسسوارات و ساعات او اكسسوارات للغرفة وحتى ذهب خذت لها مرة يعني كل هدية تخطر على البال وماتخطر على البال خذت لها...
وايد وايد محتارة مو عارفة شنو اخذ لها ... فكرت اعطيها فلوس... لكن اهي تقول لا احد يعطيني فلوس لاني فيوم واحد اصرفها على اكل وبس وانه اعرف صديقتي خرارة في الفلوس ماتعرف تتصرف وبتقطها في شي مايسوى ولا يستاهل ...
يعني برايكم شنو الحل يعني صديقتج او بما معناه صديقة العمر واهديتيها كل شي شنو بتاخذين لها بتكررين نفس الهدية مثلا او شنو مثلا؟؟
ارجووووووكم انقذوووووني :dontknow:لاني حدي محتارة وراسي مفتررررررر ولا عارفة شنو اخذ لها وحاولت اتقصى منها واعرف شنو محتاجة ... الحمدالله مو محتاجة شي ولا عليها قاصر فشنو الحل في نظركم... ارجوكم لاتهملون رسالتي لاني محتاجة لافكار واقتراحات...:tears:
وشاكرة لكم حسن تعاونكم:clap: