حــاولتـي .. وفشــلتي

من وجهة نـظري أول سبب يؤدي للفـشل هي أحلام اليـقظة ..

والتوقـعات اللامنـطقية ..

وعدم القناعـة .. والسـعي وراء الربح الوفـير..

موضوعج رائع فعلا مشكوره عليه

بالنسبة لي عندي مشروع لكن ما احس المشروع ناجح كما ينبغي..
لماذا؟
ربما لوجود عدت معوقات اولها رأس المال قليل
ثاني شي احتاج الى مسوقين للبضايع خارج نطاق المعارف والاهل
ثالث شي ربما لعدم وجود الداعم والمشجع للمشاريع الصغيره المنطلقه من البيت
عدم وجود معارض تدعم المشاريع الصغيره

شنو رايج انتي اختي ؟؟

بنت النور صديقني راس المال ماهو بعائق

انا قبل كنت اقول جي بس احين وصلت لقناعة ان راس المال مو مهـم

لانه راس المال شوي شوي يـكبر

لانه صعبه تبتدين براس مال كبير جــدا او اكثر من طاقــتج وبعدين ما تقدرين تصغرينه

لانه المصاريف مالها أول ولا اخر ..

مـــسـوقـين للبضاعــة انا في البدايه افتريت يمكن على فوق عشرين مـحل كنت ابيهم يبيعون لي وياخذون نسـبه

من هالعشرين مــحل ما وافق الا محل واحد انه يبيع لي لوجــه الله وما تاخذ نسبه لكنها تزيد على السـعر

ومحل الصراحه حبطني خذ مني بضاعتي بنص السـعر .. بس الحمدلله نفس اليوم اللي وديته له ياتني طلبيه كبيره

اعتمدي على روحج في تسـويق بضاعـتج وحاولي تعرفين نوع الزبونة اللي تتعاملين معاها

يعني في ناس لو يدرون انها بضاعتج بساعدونج حتى لو ما عجبهم بيشترون

وفي ناس بالعكس ما راح يشترون لأنها بضاعتج فأنتي في البداية لا تقولين انها لج قولي انها لوحده ..

واللي بتشتري منج بتقول حق ناس والناس بيقولون حق ناس وشوي شوي تكون لج قاعده

الفئة العمريه وايد مـهمه يعني اذا بضاعـتج شبابيه عرضيها على فئة شبابية

والأمهات اللي عـندهم عيال في هالمرحـلة

ومب بس ما في دعم القوانين والتشريعات شويه صعبه


وفي الاخير لا تفكرين بالربح .. اهم شي في البداية تـغطين تكاليفج وخسـارتـج

وما عرفت محاولتج كانت في شنـو ..

موووووووووووووووضوع حلووووووووووووووووو الله يوفقج....

الاحلى مرورج اختي الامبراطوره

مزاج البحرين مشكوره على ردج ..

انا مشروعي بيع مستحضرات التجميل من كريمات ومكياج واكسسوارات هذا حاليا..

اما محاولاتي السابقه كانت في عمل توزيعات للمناسبات المواليد اعراس ...الخ ما حصلت تشجيع حتى اواصل

وايضا عندي موهبه الحمدلله في عمل تصاميم لبطاقات العمل بزنز كارد وسويت لكذا وحده وعجبهم شغلي والبطاقات اللي تنوضع على التوزيعات وما شابه بس ما اعرف شلون اشهر نفسي واجيبلي زباين ؟؟..!!

اذا عندك فكره ياليت تفيديني

حاولتي تنزلين إعلان في الوسيـط ,.،

تشوفين المكاتب القرطاسيه اللي يهتمون بهالشغلات لأنه في بعضهم احين يسون هالشغلات

عرضي عندهم نماذج واتفقي معاهم يعرضونها على زباينهم ولهم نسـبه

وبالتوفيق

{ هلا اختي مزاج البحرين

انا قصتي يمكن تكون عادية بس مافيها فشل بس فيها يأس

انا اعرف اصمم بالفتوشوب

يعني ستايلات للمنتديات او بنرات للاعلان بعد للمنتديات

وحركات بعد

واعرف اصمم بطايق للهدايا

والحمدلله عندي ذووق

انا قلت باسوي لي موقع اعرض فيه خدماتي للتصميم

بس مازلت واقفة في مكاني

اقوول باصمم للمنتديات وبعد واقفة في مكاني

مب عارفة شاسوي

محتارة والله

ماعرف شلون ابتدي

من جم يوم عرض علي اخو من دولة قطر الله يذكره بالخير عرض

قالي عرضي تصاميمج بطريقة لا مباشرة في المنتدديات المشهورة والكبيرة

يعني جي ستمباب بنرات اعلانية وجي

وظلي شاركي بالمنتدى فترة

يمكن يطلبج راعي المنتدى للتصميم

او يجوف شغلج راعي او راعية منتدى ويطلبج

وقالي خلي انشاء المنتديات والستايلات بعدين

طوري عمرج اول وكوني لج راس مال بالبنرات الاعلانية

وقالي بيساعدني لانه صاحب منتدى بعد

حبيت فكرته وقلت بابتدي

بس انا طالبة في المرحلة الثاانوية

يعني دراسة × دراسة

وماعندي وقت للتصميم الا في الويكند

ووااايد ابي اسوي اشياااء

واحس ان راسي افتر

=(

انا طالبه جامعيه وفي جامعه البحرين مافي مانع

وقت الشغل شغل ووقت الجد جد واكيد وقت اللعب لعـب

انا ماعندي خبره في التصـاميم

لكن في مواقـع تبيع تصاميم شوفي اماكنية انج تصممين لهم وتبيعينهم عليهـم

اعتقد احسن من صاحب المنتدى لانه غالبيه اللي عندهم منتديات

تكون عندهم خلفية عن التصميم او يشترونــه جاهـز

مجهود طيب يامزاج البحرين بصراحه تميزتي

انا بنيه خلصت دراستي الثانويه من ثلاث سنين ويلست في البيت وقت الفراغ اللي عشته فتح عيوني على اشياء وايده لكن يوم فكرت بشغله واطلع من وراها ماكان حد يدعمني يمكن حتى لين هالحظه بس اللي مقهوره منه انا اني بديت اني ابيع خلطات رغم انه مافي دعم فجاه توقفت والحين احاول ابيع ثاني مره وان شاء الله اتوفق

موووووووووووووووضوع حلووووووووووووووووو الله يوفقج....

مس شرايج تواصلين دراسـتج الجامعـيه وله في مانع ؟؟

وشنهي الخلطات اللي تسوينها تكلمي عنها اكثر ..


simsimaty3

الأحلى مرورج .. والله يوفق الجميع

والله يالغاليه كنت اتمنى اكمل بس الاهل كانوارافضين وحاولت معاهم بس ماطاعوا متخوفين من كثر السوالف اللي يسمعونها وبالنسبه للخلطات هي خلطات زيوت للشعر مشكلتي اني وايد طموحه وافكر بشياء وايد حلوه وغريبه بس محد عاطني المجال والمساحه مادري ليش مستصغريني اويتحسبوني بفشل اويمكن محد عنده وقت لي يسمعني

انا بقولج بعض الاخطاء اللي شفتها الصراحة انا عندي صديقة من سنين موظفة عندها عيال وتكدح مثل اي مواطن من سنه فتحت محل بضاعتها متميزة وعليها اقبال بس الغلطة اللي سوتها
1 اذا تهاوشت او تظايقت من زوجها ماتكمل الشي اللي فيدها تنسد نفسها اقولها البيت شي والبزنس شي تقولي ماقدر نفسيتي خلاص مالي خلق
2 مالتزمت بالدوام مرة تروح الصبح والعصر لا ومرة العكس ليش عيالها اتدرس فلان فلان مصخن وهكذا والحل انها تجيب موظفة تحل محلها
3 الغلطة الثالثة مادربت الموظفة عدل وفهمتها شلون تتعامل مع الزباين

هذي اشياء واقعية وفعلا عدم تنظيف الوقت واختيار الموارد البشرية بدقة من اهم اسباب الفشل في التجارة

بس هي مستمرة بس ممكن تكون الارباح اكثر مع شوية تنظيم وجهد

مس لا تيأسين وحاولي ابتدي ببنات خالاتج وعماتج

وصديقات الدراسه اذا مازلتي متواصله معاهم

وان شاء الله خير

كاشخه حـدي

كلامج مضبوط وسليم ميه بالميه