يبي يتزوجني ولكنه حلم بشي مب زين عن حياتي0(شو الحل)

بسم الله الرحمن الرحيم،،


السلام عليكم يا اخواتي العزيزات


القصة مو بالزواج او الشخص اللي ناوي يتقدم لي،، ان شاء الله احنا نوينا باذن الله تعالى يكون زواجنا بعد سنتين لين اخلص دراسه،،

المهم بدون الدخول في التفاصيل ،،، انه هو قالي انه من 3 ايام تقريبا حلم بحلم عني وعنه وانه يصير فيني شي ومن هالامور يعني ( اسمحولي ما اقدر اقول الحلم ) المهم ،، ومن يومها وانا متضايقه لانه في الحلم يصير فيني هالشي بعد زواجنا،،

والمشكلة اني قلقه من:: الحلم نفسه لاني انسانه حساسه ما اصدق حد يقولي شي الا تدب الوساوس اللعينه من الشيطان الرجيم -اعوذ بالله منه- واقول رح يصير لي كذا وكذا بس لانه هالشخص الخاطب حلم بهالشي

- و ايضا اقول قد يكون هذا الحلم حتى اعرف مثلا انه هالشخص ما يناسبني وهكذا ( بس هو اللي حلم مو انا)

- تعبت ادور لتفسير لحلمه ولكن ما لقيت، ماعرف هل صح لو تفسر الحلم ولا خلاص ماله داعي،،

انا يا بنات مو من النوع اللي ابني حياتي على احلام ورؤى ولكن هالمرة ما عرف شو صار لي،، يمكن اول مرة حد يحلمني بهالطريقه المزعجه،، و اعرف ان الاحلام مقسمه الى ثلاث اقسام::

1- رؤيا صالحه وحسنه من الله
2- حلم محزن من الشيطان الرجيم
3- حديث النفس

ولا يصح تفير الا الرؤى الصالحه ،، اما احلام الشيطان فالمفروض الشخص ينفث عن شماله ثلا مرات ويتعوذ من ابليس،، وان شاء الله ما بتضره لانه الشيطان يبي يحزن المؤمن

وبالنسبة لهذه النقطة قلت لنفسي الحلم اللي حلم به الشخص الخاطب قد يكون من هالنوع فما علينا الالتفات له ،لانه يبي يفرق من بينا، بس بعد احس نفسي محتارة وخايفة،،

بس ادعي واطلب من الله يساعدني،،

المهم يا بنات صح الموضوع مب واضح لكم لانكم ما تعرفون شو الحلم ،، بس يقولون مب زين ينقال الحلم لاي حد ،الا لشخص مفسر يتقي الله،،، ما تعرفون حد مضمون للتفسير؟؟


طيب شو اسوي ؟؟؟ الحمدلله اقرى الاذكار وما الى ذلك،، بس ابي حد يقولي عن طريقه اغير فيها تفكيري او وحده تقولي اذا حصل لها موقف مشابه؟؟ قلت استشيركم لان البنات اللي في هالمنتدى عاقلات وفاهمات ماشاء الله عليكم...


ملاحظة:: أرجو ان تكون الردود من صلب الموضوع نفسه


وشكرا