شخباركم شعلومكم
بصراحة اشتقت من فترة احط مواضيع وتكون مبتكرة والله دوم
افكر واحاول احطهم بس ما يكون في وقت او ما ارتب بشكل سريع
وفي فكرة في بالي اني اتكلم عن تجاربي مع كل الميكاج الي عندي :wink:
يعني كل مرة اتكلم عن شي معين بس عسى يكون ما اكسل مثل كل مرة :ss:
وقلت خليني ابدا وبشكل خاص عن البيسات الي عندي سواء كانت
--- عن العين
---- عن الوجه
---- الشفايف
وعن بعض الحيل الي انفذهن بروحي او اتعرفت عليهن من بنات في المنتدى
او المحلات
شو رايكم نبدا ببيسات الوجه وصورة عامة توضح عن تجربة كل منتج وشنو حبيته
وذميته فيه :D
بسم الله نبدا :)
بيسات الوجه
- من اليمين all mat هالمنتج من ميكاب فور ايفر بانه ما موجود في مسقط فخذيته من
زيارتي لدبي حبيته بس فضلت استخدمه بالليل وفي النهار ابى اخلص بسرعه ما عندي
وقت احطه كثير في هالمرة لما رحت دبي سئلت البايعه قالت ان هالمنتج يفضل يترك لفترة
قبل وضع الاساس يعني حتى لو تحطيه اكثر من عشر دقايق :eek:
وقالت ان راح تظهر عندك على طول ان بشرتك امتصته وخاصة اذا بشرتك دهنية في هالمنتج واي منتج شبيه تحطي نقط منه وما راح تقدري تحطي زيادة بعدها لان راح يخرب مكياجك فقط تحتاج طبقه وحده لا اعادة يعني انتبه دووم لما احطه ان الطبقة كافية :D ولما عرفت ان سماش بوكس عندنا في اريج مسقط البنت الي هناك قالت ان توتل فينش الشبيه بنفس المنتج في حركة ممكن تستخدميه وكثير امانة تحطي نقطه بسيطة على الجفن وتوزعيه على عينك كبيس للشدو وراح
يظهر اللون وجربتها مع المنتج عندها حق :D
- نارس بيس نوع فيه نسبة ترطيب وحماية من الشمس لوقت النهار هذا حبيته بس للاسف اكتشفت انه يدهن بشرتي اذا حطيته قبل الاساس وخاصة بالنهار فبدات اتوقف عنه واستغنى عن البيس لوقت النهار ااذا بحط اساس بس ما حبيت احط الاساس ينفع احطه بروحه وفي فكرة في بالي اني اخلط نسبة من الاساس خفيفة بعد بحيث تكون الكمية بسيطة بجرب :wink:
-احلى شي جربته وما زلت مغرمة فيه واحب استخدمه وقت النهار والمسا فيه نسبة للحماية من الشمس ومع الاستعمال المستمر له يوحد البشرة ويفتحها بشكل امن وبيس فعال انصح الجميع فيه بس للنهار افضل يكون للزيارات لانه فيه جليتر خفيف وما حلو ينحط للداوم فاستخدمه للمناسبات وبوقت الليل والزيارات العائلية فقط
- اخيرا الفكس من ماك هذا استخدامه رهيب ومرة كنت اشوف استخدماته العديدة للوجه مثل فيه نسبة ترطيب ومغذيات بالاحرى للبشرة وحلو يكون بيس خفيف قبل الاساس وبعده لانه يثبت الاساس وممكن تتخلي عن المرطب ايضا اذا حابة يكون وجهي خفيف وبنفس الوقت ممكن يكون لتبريد الوجه اذا حسيتي بسخونة او رفرش بين فترة وفترة ترشيه للوجه
خلصنا الوجه نبدا بالعيون وبشرح كل صورة واحب ما عندي بيسات العين
لاني احب يكون الشدو ثابت وما يخترب لوقت طويل وغامق اللون لذا منوعه
التشكيلة واحب ادور على بيسات اذا حصلت اي فكرة تنحط ببالي على طول
هالاقلام من سيفورا حلووين كبيس لاي لونه وخاصة البنفستي :wink: حلو يكون بيس
للون الشدو البنفسجي يكون واضح وحلوو وفي درجات الالوان الفاتحة حبيتها حلوة للجميع
درجات الشدو
وفي قلم ابيض هو شدو جمبو من nyx هالماركة حلووة وشفت القلم في موقع وخذيته
ولسة اتدرب عليه لان مب سهل ينضبط من اول مرة
من ماك الكحلات الكريمية بيسات حلووة ومرة اي درجة تنفع تنحط يثبت الشدو ويظهر اللون
بالنسبة للبينت عندي نوعين البينت بوت درجة الاسود والاخضر الفلاش بصراحة حلووين
واحب استخدمهم وحاليا خذيت العصار ونفس الشي بس الطريقة تحتاج تدريب ليهم
- البينت بوت احسه يحتاج سرعه في وضع الشدو بانه احسه يمشي واحسن من العصار
- العصار على قولة البياعه انه يجف ويحتاج تحطي الشدو بس ما اعرف حسيته عادي مع التجربة
يمكن لاني خفت قمت احط الشدو على طول انصح فيه بالعكس حليووو :)
نشوف هالبيسات المتنوعه في الكحلات الكريمية الاسود من سيشدو ورووعه هالكحل
بصراحة حبيته صح ما جربته كبيس بس اكيد اي وحده عندها راح تحبه انا جربت الكحل الكريمي من ايفون لونه بنفسجي حبيته كبيس وبعده حطيت اللون البنفسجي ثبت وطال ثبوته :o
في بوت ابيض صح هذا من بنفت هو حلو لسة اتدرب على وضعه كبيس بس لمعه للعين حلوو
يحتاج توزيع زين للجفن حتى يثبت والبرونزي او البني هذا من بنفس هذا شدو او اضاءة خفيفة سائلة للعين انا جربت كذا مرة احط نقطع وواوزعه على كامل العين ويكون كبيس خفيف بعد للعين
السائل من انجلوت هذا رهيب استعمالاته ممكن تحطي نقطه فقط للجفن ويثبت ويظهر لون اي شدو عندج واذا عندج بيجمنت لونه رهيب وحبيته ككحل او شدو راح يساعدج انك تحوليه
لكحل او شدو وفعلا جربت مع شدو طلع شي :o
اخيرا .. بيس مكياجي حلوو واستخدمي له نادر لكن انصح فيه البنات لانه حلوو وسهل
بيسات الشفايف
الاخضر من بنفت هذا تحطيه على حدود الشفايف حتى الروج او الغلوس ما يطلع وممكن كبيس
قبل الروج او الغلوس ..... ما يتفوت :wink:
الكونسيلر الخاص بالشفايف حلوو ثبت الروج في حفلة كنت سرت لها من كروجو ويغنيكي انك
تحطي الاساس هذا مخصص للشفايف توزيعه حلووة في طريقة اذا تحطيه على خطوط وبعدها
توزيعه باصبعك بيتكون لون بيج خفيف وخاصة اذا لوكج برونزي او درجات السموكي يطلع لوك شي :)
واخيرا بيس مكياجي للشفايف هو نفسه للعين ما جربته للشفايف كثير بس حلوو مع التجارب النادرة له :o
وخصلت اتمنى قدرت اوصل التجارب مع الماركات والبيسات وانتظروني مع جزء ثاني
وتجارب مع الميكاج الخاص فيني بالتفصيل والعذورة من الاطالة :o
