وجدت هدايا الفالنتاين.........وصرت انا الغلطانه

يسعدني اني اكون اول من يرد عليك ياعمري اولا جلسي معاه وكلميه بكل هداوه عن موضوع الهدايا ثانيا خبريه بانك حامل وصدقيني انه بيطير من الفرحه وراح يبوس يدك عشان تسامحينه اسالي مجرب ولاتسالي طبيب والف مبروك على الحمل والله يتمم لش على خير

جيان حبيبتي يعطيك الف عافيه و يو فقك والله من كتبت الموضوع وانا مقابلته انتظر الرد
انا ثاني يوم طرشت مسج و قلتله اني حامل ويوم شافها كلمني و تاكد كنت اكلمه بجفاوه في نهايه المكالمه قالي الله يباركلك كانه ما يخصه

معلش استحملى
وحاولى تكلمية معاة انتى

فديتج اول شي عشان اللي شفتيه
لج الحق انج تتضايقين
بس انتي يمكن غلطتي بانج كلمتيه عن الموضوع بالتلفون
يعني كان الاصح انج تنتظرين لين ما يرجع البيت و تقعدين معاه وجها لوجه و تفتحين الموضوع بهداوه
ممكن يكون هو غلطان و ممكن لا
و الله بنات الحرام مازرات الدنيا و ما يخافن ربهن مب شرط انه يكون الريال مسوي علاقة معاهن عاساس يقدمن ع هالشي
بس بعد ممكن يكون هو عنده علاقات
وهالشي انتي يوم بتكلمينه بالهداوه بتعرفينه منه
تقربي منه .. عرفي منه اذا انتي مقصره معاه في شي
شوفي علاقته مع ربه كيف؟
و اذا تحسينه مقصر .. باسلوب حلو حاولي تشجعينه ع التقرب من الله
و انتي زيدي من اهتمامج فيه من خلال اهتمامج في نفسج قبل و من اهتمامج في تلبيه رغباته
طبعا الطلاق شيليه من مخج خاصه انج حامل الحين و مبرووك و عسى الله يتمم لج ع خير

و طمنينا عليج خيتو

السلام عليكم ورحمة الله وبركاته

مساء الخير اختي

اختي انتي الحين حامل وهذي نعمة من رب العالمين
(( انت اريد وانا اريد والله يفعل ما يريد ))
انتي كنتِ تفكرين بالطلاق وبثاني يوم دريتي انج حامل
معناته ربج كاتب لج وحاب يفتح عينج عن شي كنتي غافله عنه

يمكن انتي غلطتي لمن طرشتي مسج وريلج يفكر انج ما تثقين فيه
ويمكن اكون انا غلطانه .. بس كان المفروض تحلين مشكلتج بسياسه اكثر

كان ممكن تسالينه بشكل غير مباشر او لمن ترجعين بيتج تفتحين معاه الموضوع
باسلوب هادئ وتستفسرين منه .. عالعموم الحين اللي صار صار

حاولي تعتذرين منه وتكلمينه .. لمن يرجع البيت استقبليه بابتسامه وطلبي منه
انكم تتفاهمون وتتكلمون بهدوء وتحلون المشكله .. كل اثنين تصادفهم مشاكل
بحياتهم والحمدالله انتوا تحبون بعض .. طلبي منه يسامحج وفرحيه بحملج ^_^

الله يسهل عليج ان شاءالله وييسر امورج ويقومج بالسلامه يارب
وصدقيني اهو بعد يحبج بس يمكن عتبان عليج

طمنينا عليج ولا تنسين ربج .. ادعيه بكل وقت واقري قرآن وربج معاج

لا تسكتين وسوي سالفه

سالفه الفالنتاين ماينسكت عليهااا


الصراحه لو انا منجاقوله انت ليش تسوي جذي ليش تزوجتني اذا تبي تلعب وتدور بذيلك

ليش تظلمني وانا اقدر اخذ الي احسن منك


وهكذاااا

لا تسكتين وسوي سالفه

سالفه الفالنتاين ماينسكت عليهااا


الصراحه لو انا منجاقوله انت ليش تسوي جذي ليش تزوجتني اذا تبي تلعب وتدور بذيلك

ليش تظلمني وانا اقدر اخذ الي احسن منك


وهكذاااا

يا بنت الناس تبين تخربين بيتها!!!!!

يا سراب يا عمري، لو حطيتي مشكلتج قبل لا تكلمينه بيكون وايد احسن، لان بتصرفج هذا خربتي كل السالفة من ساسها لراسها... ما كان لازم تتصلين له وتتهاوشين معاه لسالفة الهدايا، ولا انج تباتين مع اهلج ذاك اليوم،،، والبنت ما يصير تطري الطلاق مني والطريج!!!!
يا حبيبتي كان لازم تسكتين عن سالفة الهدايا، وتحلين المشكلة بطريقة ثانية، وحتى لما سويتي هالشي وقال لج بترجعين البيت لازم ترجعين، لان لو كان صج في وحدة ثانية في حياته ما لازم تخلينها تنتصر عليج، وخاصة انها خطفته منج وكسرت قلبج، كان لازم تفكرين بعقل اكثر وتسوين نفسج ما شفتي شي وحاولتي تغيرين من نفسج للأحسن علشان يجيج من نفسه مو تفرضين نفسج عليه،،، ويمكن هذي الهدايا كانت عاجبته وجابها لج، ليش على طول شكيتي انها من وحدة؟؟!! انا زوجي جاب لي من هدايا الفالنتين بس بعد الفالنتين بفترة وقال لي هذا نزل في الفالنتين وعجبني بس تعرفين ان الاحتفال بالفالنتين حرام... ما كان لازم تحسسينه بالشك بهالطريقة، وحاولي الحين تتناسين موضوع الهدايا وتعتذرين له عن تصرفج وتعيشين حياتج معاه طبيعي، ودوري الخلل فيج وينه؟ وليش ممكن يخونج مع وحدة ثانية؟ حاولي تكسبينه مرة ثانية وتتغيرين للأحسن... ولا تفكرين بالطلاق يا حبيبتي علشان اللي في بطنج... والله ييسر امورج ويصلح من بينكم

أخــتي افتحي الموضوع بكل هــدوء

قولي لــه وتفاهمــي معاه وشوفي وش يقول لك

ممكن مايعيدها مره ثانيه ..

اشكر كل وحده تفضلت مشكوره بالرد على مشكلتي............
المشكله ما تدرون اني شايفه من قبل الي اقوى شايفه اغراض لها في سيارته و مسجات واتصالات كل هذا و سويت نفسي ما شفت شي و من قبل ما اتزوجه وهو مدمن علاقات بس ما كنت ادري الا بعد الزواج و حاولت اغيره لكن سالفة الهدايا كانت القشه اللي قصمت ظهر البعير

بس انتي قلتي انكم تموتون في بعض!!! وكل هذا شايفته من قبل؟!!!!
اختي مدمني العلاقات ما لهم حل الا انج تعطينهم العين الحمرا،، وهذي الحقيقة... بس اي طريقة تجي مع زوجج ما ادري، لكن ان كان اكثر من مرة صدتي عليه شي فهذا ما ينسكت عنه صراحة ولازم تلقين حل لهالمشكلة

عزيزتي حاسه فيك ترى ه الزمن صار فظيع

لازم يكون تصرفك حاسم

واللي تقول ليش شكيتي ان الهدايا من وحده

ربنا ما شفناه بعيننا عرفناه بالعقل
((يعني را تكون من واحد ههههههه والله بلوة لو من واحد اهون من وحده))الا لو تبين نكذب عليك لين ما يتعمق مع الحقيره اللي يعرفها

ترى لا تزعلي الزمن دا صار الزواج حرب وصراع

تجلسي تحاربي عشان تحافظين على بيتك من بنات الحرام

لا تطلبي الطلق ابدا ترى اللي يسويه زوجك مافي رجال ما يسويه اللي عليك انك تلحقي عليه وترجعيه لك

حسبي الله عليهم خرابات البيوت فاتحه نفسها كمان ترسل هدايا فلنتاين فلنتاين ياخذ عمرها ان شاء الله
خليك زكيه ورجعي زوجك ليك واكسبي الجوله

ايه الجوله لان الزمن اللي احنا فيه راح تخوضي جولات غيرها وغيرها

الله يهدي الجميع


وموضوع انه يعاملك كانك انتي الغلطانه عادي

كلهم يسوون كذا ((خير وسيله للدفاع الهجوم))

الله يعينج ويهدي ريلج يارب العالمين..

شكله عنيد وراسه يابس .. ومصرّ على الغلط اللى مسونّه..

إذا أنتي من الأمارات روحي مكتب للأستشارات الأسريه..وإن شاءالله تلقين الحل معاهم..

لأن وايد ريايل من هالنوع اللى يزيدون من هالتصرفات يوم الحرمه تكتشفهم..!!

ونصيحتي بعد لا تحاسبينه على الأشياء اللى تشوفينها ..طنشي ..وحاولي تكسبينه وتخلينه يحب القعده معاج

وفى البيت ..وخصوصآ أن الله بيرزقكم يطفل ..وبيملى عليكم البيت..

وبالتوفيق أختيه..

اشكركم اخواتي على مساندتي قبل لاكتب كنت احس اني يائسه و ان الحياه انتهت في عيني حتى فرحتي بالحمل تلاشت لكن بعد ردودكم حسيت انه فيه احد معي يشاركني همومي اشكركم من كل اعماقي ...........
تدرون انه كان يحسب انه في نظري الرجل المثالي و يذم اللي لهم علاقات و البنات العديمات التربيه كنت اغذي هذا الشعور عنده من غير ما يدري اني كاشفته و ان انا الانسانه الوحيده في حياته ........
انا ما اتحسب عليها اتحسب على زوجي اللي عطى لمثله و غيرها يدخلون حياتي ............
ابي اعرف الحين كيف اتصرف معه خصوصا انه من النوع اللي ما يسمع لي و لاعنده طولة بال و مجرد ما افتح الموضوع راح يسكره و يقوم و يخليني .... شسوي ؟؟

شوفي ياقلبي دام علاقتكم حلوه والحمدالله انتي حملتي

اجلسي معاها بكل هدوء وتكلمي معاها وتفاهمي وصلحي اللي سار

وان شاء الله بيتصلح وادعي ربك

والله يهدي بينكم يارب

حبيبتي سراب اذا زوجك يستخدم الإنترنت حاولي ترسلي ليه مواضيع عن أضرار الخيانة في العلاقة الزوجية من ايميل مجهول بدون مايعرف انج انتي اللي ترسليله ,,,وبما انج حامل سولفي معاه عن مولودكم اللي جاي والله يحفظه ويخليه لج وتقومي بالسلامة ان شاء الله وقوي شخصيتك قدامه بإحترام بدون مااتنقصي في رجولته بس اهم شي شخصيتك تقوى وتكون لك مكانة اقوى واكبر من قبل حتى مايتجرأ يخونك.

الله يفرج همك ويكون بعونك

شوفي يالغلا لازم تتكلمين معه خصوصا انك حامل حرام تخربين فرحتك وفرحته
عشان بنات حقيرات مايستاهلون
تعوذي من ابليس وتفاهمي معه
تكلمي بس لايكون اسلوبك جاف ولا اسلوبك سهل مره
خليه يحس انك مجروحه من التصرف الي سواه
وانك تغارين عليه وفهميه ان عندك استعداد تسامحينه بشرط انه وعدك مايكرر الغلط هذا طبعا بطريقه غير مباشره

الله يوووفقك ويسخر لك زوجك

الغاليه تناقشي معاه بكل هدوء دام انه يحبج
و شوفي ربج شو يريد

حبيبتي اذا زوجج ما يجب النقاش استخدمي اسلوب السكوت، يعني لا تتكلمين معاه بهالموضوع او غيره، بس اهتمني بنفسج وبيتج ولا تهتمين لحركاته انه زعلان او انه متضايق، لانه في الاخير بيرجع لج وخاصة انج بتصيرين ام عيالة