بنـات لو سمحتوا ابي مساعدتكم و خبرتكم .. !

السلام عليكم و رحمة الله تعالى و بركاته ..


صديقتي عندها مشكلة صغيرة .. و استشارتني فيها .. و انا بحاول اساعدها بكل الطرق ..

.. تقريبا من شهر تمت خطبتها .. و الله يتمم عليهم بالخير ..

.. بس الاخت للحين ما كلمت خطيبها غير مره وحده .. ولا حتى شافته غير مره وحده .. ولا تعرف كثير عنه .. يعني يا دوب الاشياء اللي كل الناس تعرفه عنه .. يعني ما تعرف عنه غير الكلام اللي وصلها عنه عن طريق اخوانها .. و خواته ..

صديقتي وايد خجولة .. لابعد درجة تتخيلونها .. لدرجة اني اسالها لما تكلمتوا شو قالج ؟ تقول ما اذكر شيء ابداا .. يعني الاخت رايحة فيها .. ههههههههههه ..

.. المهم هي اللحين حابه تهديه هديه .. بدون مناسبة .. بس تبي تهديه هديه .. عشان يكون هالشيء اول شيء بينهم ..
وفي نفس الوقت هي حاسه انه هو حاس انها هي بنت صغيرة و طفله .. لان هو عمره 32 و هي توها 20 ..
وودها تهديه شيء يخليه يحس ان عقلها كبير

يعني بالمختصر ودها تبين له حبها .. و تكسب قلبه من اول شيء بينهم .. اللي هي الهديه ..

.. بس المشكلة انها ما تعرف شيء ابدا عنه .. عن شخصيته ..

هو يشتغل في مجال الاعلام .. و الصحافة و الاخبار .. و تقريبا حياته كلها اخبار .. و شوي جاد .. و شخصيته هاديه .. صح عمره 32 .. بس عقله اكبر بكبير .. لان الحياة علمته وايييد .. واللي يكلمه يحس ان للرجال هيبة و قدر .. بس في نفس الوقت متواضع .. و طيب كثير و حنون ..

بس هي ودها تكسب قلبه .. و تخليه يتجنن عليها و يحبها اكثر و تكبر بعينه اكبر و اكبر ..

.. طبعا هالنوع من الرجال ما ادري شو يهدونهم ..

صعب تهديه هدايا دلع و دبدوب و احمر و شوكلاته و هالسوالف ..
و في نفس الوقت ما تبي تهديه اشياء جادة .. يعني مثل قلم او اشياء المكتب او عطر او دهن عوود والخ ..

ما ادري شلون اشرح لكم .. بس تبي هديييييييييه تخليها مميزه بينهم طووول العمر .. و تخليه اول ما يشوفها يدق عليها على طووووووول ..

نبي الهدية تظل معه طووووووووووووووول العمر .. مو هدية لشهر او سنة او سنتين و تنهتي .. لا هاي اول هدية تهديه اياها .. فلازم تعيش العمر كله .. و تظل ذكرى حلوة بينهم

.. ان شاء الله فهمتوني ..

ترى انا احترت واييييييييييييد ..

بس اقتراحي لها كان انها تهديه شيء من عمل ايدها .. و خصوصا انها ترسم .. فقلت لها حاولي تحصلي صورته و ارسميه .. و كتبي خلف الرسمه مشاعرك تجاهه بكل صدق و طفولة .. ولا تستعيني بكلام الشعراء و الغزل و الحب و المسجات .. و حطي الرسمة بباقة ورد .. بس تكون بطريقة حلوة .. و اتفقي مع اخته تحطها في حجرته .. عشان عقب ما يرد من الدوام يشوفها ..

.. ما ادري شو رايكم ؟!!!!!!!

ابي خبراتكم يا بنات و خصوصا المتزوجات .. و اللي عندهم ريايل من نفس هالنوعية .. :D


.. اسفه طولت عليكم .. بس طالبتكم لا تردوني ابي نصيحتكم .. عشان نساعد صديقتي تزيل الحاجز اللي بينها و بين خطيبها .. و هو حاجز الخجل و العمر ..

و اشكر كل اللي بيردون علي .. عسى الله يوفقكم و يسعدكم دنيا و آخره