صباح الحب!!

اختي يمكن عندهم عذر ما تدرين بظروفهم... يعني انا لو عشت في منطقة بعيدة يستحيل ازور اهلي لان صعب علي هالشي بحكم المرض، وخاصة ان السيارة تزيد علي التعب... اما عن الاتصال فيا انها تنسى تتصل او انها ماخذة موقف من اختج... بس بغيت اسالج هو تزوجها بشور من؟ يعني من خطبها له؟؟ اذا اختج اكيد تعرف طبايعها دام هي اللي خاطبتها... اما اذا هو اللي خاطبها لنفسه فيمكن تخاف من نغزات اختج وكلامها، او انها سمعت منها شي قبل... والله يهديه

[COLOR="RoyalBlue"]و انا مع كلام ام عبدالله
منو الي خطبها له..
اذا هو مختارنها فأكيد تخاف من النغزات او مستحيه تكلمها
خلي اختج تتصل لها لو حتى كل يوم و بعد فتره تقطع وهم بيرجعوا يتصلون فيها
انزين كم شهر صار لهم متزوجين.. يمكن معاريس يداد و مايبون حد يأذيهم [/COLOR]

بس يمكن عندها عذر او يمكن عندهم مشكله انا عندي حل انتي بناء على انش خالت الريال حاولي تتواصلين مع زوجته قربيها منك شوي يعن تواصلي معاها وبرسايل وسوال واهتمام اكيد في غضون شهر رح تعرفين حالهم وقصتهم واسباب غيبتهم وبالمره خلقي بينها وبين اختك محبه وبهذا تكسبين اجر وتفيدين اختك وعيالها...


تحياتي لك واتمنى يعجبك رأي....

الله يهديهم

امنيه

حبيبتي لازم الام تدعيله الله يهديه ويحنن قلبه ... ويهدي زوجته

والله احنا صرنا في دنيا عجيبة ..لكن مالنا الا الصبر والدعاء
وانا عندي رأي .. لو انت تتصلين على ولد أختك وتذكريه ببر الوالدين وان رضاهم من رضا الله
والذكرى تنفع المؤمنين
ربنا معاكم

هو تزوجها بشور من؟ يعني من خطبها له؟؟

امه الي خطبت له:)

خلي اختج تتصل لها لو حتى كل يوم و بعد فتره تقطع وهم بيرجعوا يتصلون فيها

امه ماقصرت..كل فتره وفتره تتصل فيهم..حتى من الادب الزايد اذاجت تسولف مع خالتها تجلس تسولف مع رجلها

بالله مايدل على ادبهاالزايد<<تستهزيء
:(

انزين كم شهر صار لهم متزوجين.. يمكن معاريس يداد و مايبون حد يأذيهم

لامومعاريس...لهم حول السنه!!

احلى ظفاريه..حياك..ومشكوره اختي:)

امنيه..اللهم امين:)

حبيبتي لازم الام تدعيله الله يهديه ويحنن قلبه ... ويهدي زوجته

ماقصرت والله تدعي لهم هي:)

والله احنا صرنا في دنيا عجيبة ..لكن مالنا الا الصبر والدعاء

صحيح

انزين لا حاولت اختج تعرف السبب بهدوء وبطيب؟؟ ما اعتقد انها بتعاند من الهوا!! وبعدين دام اختج اختارتها اكيد تعرف عن اخلاق اهلها واخلاقها... وبعدين عادي وهي مع خالتها تسولف مع زوجها، وهذا طبع ناس بقول لج عنهم...
اذكر وحدة تقول امي حضرية وابوي بدوي، والبدو دوم عزايم وزيارات، وامها ما تطيق الطلعة ابد، طبعا ابوها متضايق من هالشي وخاصة ان فشيلة بالنسبة له جدام اهله بس تعود بعد فترة، يعني في ناس بطبيعتهم ما يحبون الطلعة ولا يحبون يحتكون في الناس، اختي بعد نفس الشي لو صار لها سنة ما شافت اعمامي وبناتهم هم ترفض تزورهم اذا قلتي لها، لان عندها مرض البيتوتية وما تحب تحتك في الناس كثير، لدرجة انها مرات اذا خصبتيها تزور احد ترجع البيت تصيح...
ليش ما تحاول اختج هي اللي تنظم عزيمة بس تكون في بيت ولدها طبعا بعد شور البنت، وتكونون انتوا اصحاب العزيمة وتعزمون الاهل كلهم، يمكن هالشي يساعدها على انها تحتك في الناس وتعرفهم عدل، ويمكن لو اختج ما تشيل عليها هالشي ولا تعاتبها ترجع لنفسها وتفكر في الموضوع اكثر... والله يهديها

المفروض الأم تكلم ولدها وتخليه يعلم حرمته أنها تزور هله ..في حريم أعوذ بالله يتحكمن فى الزوج لين يخلنّه يقطع اهله ..

وبالتوفيق..

الغايب عذرة مهاة يمكن عندهم ظروف ومايحبون تشوفهم بهذي الحااالة تاكدوا انهم بخير

وبعدين اسالوهم عن السبب

لاحول ولاقوة الا بالله
والله الشباب ذول الله يصلحهم
بس يمكن بينه وبين زوجته شي ؟؟
احتمال دامها ماتكلمها ولا تجي نهاائي عندكم
وبعدين ليه ابوه ماايكلم الولد يمكن يسمع منه او احد المهم ان الولد يحترمه ؟
والله مدري الله يهديه بس