الفتق السري عند الاطفال بليييييييز ساعدوني

ح

حبيبة جيمي

عروس ذهبية

21-02-2008 | 07:34 PM

مرحبا بنات

ياريت احد منكم يساعدني

انا عندي ولد عمره 3 سنوات ونص وعنده فتق سري والدكتور قال لي مدام وصل لهالعمر وما صحى يعني خلااااااص ما يصحى بروحه ويحتاج جراحة

وانا خايفة من هالعملية بلييييييييز الي عندها فكرة تطمني

والدكتور قال لي عادي نصبر مو ضروري نسوي العملية الحين عادي ننتظر لين يوصل لعمر المدرسة

بس الدكتور ينصحني الحين اسوي العملية لانه صغير اسويها ويرتاح ولدي لانة مستحيل يروح الفتق بروحه وولازم عملية واذا مو الحين بعدين يعني ما في مفر من العملية

وسؤالي هو هل اسويه العملية السنة هذي او انتظر لين يكبر ؟؟؟ لانة ولدي وايد كاسر خاطري

وفي انتظاركم بنات بلييييييييييز ردو علي وطمنوني

ع

عاشقة الاسمراني

عروس برونزية

23-02-2008 | 12:17 AM

[GRADE="00008B FF6347 008000 4B0082"]بصراحه ماعندي معلومه عن الموضوع وانصحش تتوكلين على الله وتسوينها لولدش فأقرب وقت مدام انها ضروريه علشان ترتاحيين وتشيلين هم العمليه من راسش
والله يقومه بسلامه ومايشوف شرر[/GRADE]

أ

أميرة القلب

عروس جديدة

25-02-2008 | 11:20 AM

هلا اختي
انا عندي بنت عمرها سنه و11 شهر والدكتور قرر الها عمليه وبنتي الثانيه 6 سنوات وقرر الدكتور الها عمليه وانا صليت صلاة الاستخاره ويوم رحت ادخلها المستشفى علشان العملية كان فيها كحه واجل العمليه وقلت الحمد لله كل تاخيره وفيها خير
بس قالت لي يدتي خذي صبره وحطيها في ماي وامسحي على الفتاق بين يوم وترك مش كل يوم وحطي بعد الصبرة ورقه برقع
علشان تمتص الفتاق وانا بجرب وانشاء الله يكتب اللي فيه الخير واسمحيلي يا اختي

h

haduih

عروس رائعة

15-03-2008 | 02:13 AM

انا اول مره اشوف هالموضوع واخاف اني اتاخرت في الرد انا ولدي عمره ثلاث سنوات وسويتله العمليه والحمد لله هو بخير والعمليه ما تخوف انا كنت مثلكم خايفه وتوكلت على الله وسويتله العمليه وما يلسنا فالمستشفى الا يومين وقالي لا تخلينه يتحرك وايد ومن ثاني يوم والولد عادي ويتحرك والحمدلله ما صارله شي

م

ميس الجمال

عروس جديدة

18-03-2008 | 12:26 AM

حتى انا راي حبيبتي اتوكلي على الله وسويها
انتى تراجعين اي مستشفى ومين دكتورك للافاده

ا

اوسكار

عروس مشرقة

19-03-2008 | 05:14 PM

انا ولدي كان عمره سنة و شهر يوم سوي العملية..
و كلام الكتور صح عادي انج تصبرين على العملية بس اذا الفتق طلع من مكانه و ظل الولد يصيح بسبب الفتق لازم العملية على طول.. بس يمكن مكان الفتق يفرق لان ولدي كان مكان الفتق عنده فتق اربي ..

ا

اوسكار

عروس مشرقة

19-03-2008 | 05:16 PM

توكلي على الله .. و انا ولدي سووي العملية و الدكتور حط له شبكه قال عشان ما يرجع مرة ثانية..
و هي ما تخوف .. ولدي طلع ثاني يوم الظهر من المستشفي و كان مسونها بالليل يعني ما كمل 24 ساعة..
و انا الي كنت خايفة لانه كان توه بادي يمشي بس الحمدلله الياهل ما تفرق عنده...

ح

حبيبة جيمي

عروس ذهبية

04-04-2008 | 12:43 AM

مشكورين بنات على النصايح

وانا خلاص قررت اني اتوكل على الله واسوي العملية

وانا اتابع علاج ولدي في السلمانية وعند الدكتور محمد امين العوضي

وان شاء الله شهر 5 عنده موعد وراح يحددون له موعد للعملية

دعواتكم بنات لولدي حبيبي