اللي ما عندها لسان .. شلون اتصرف ؟

غاليتي

تجنبيها قد ماتقدرين ولا تحتكين فيها او تسولفين وياها ...

حتى لو كنتي بمكتب واحد معاها سوي شغلج و ماعليج منها و لا تفتحين اي موضوع معاها و اذا اهي افتحت جاوبيها على قد السؤال لين ماتسكت بروحها

هل نوعية مثل ماقلتي مع الكل جذي .. لا يفيد معاها انج تناقشينها او تتراددين معاها .. و نفس ماقلتي انتي بشغل يعني بس حطيها في بالج ابهل شكل

مجرد ساعات معدودة من الدوام و خلاص كل واحد يروح لبيته .... و انشاءلله هاي فترة مؤقته و اكييد بتتحولين لمكتب غير او اهي بتتحول يعني كلها مساله وقت

ولا تفكرين في الموضوع كقضية ماتنحل او تكبرينها في راسج لانه هل امور عادي و تصير في كل مكان .. انتي بس الي عليج تجنبيها ولا تحتكين فيها ولا تسولفين معاها و انشاءلله مع الوقت المساله بروحج بتلاقين لها حل يوم تتعودين على الوضع


الله يوفقج انشاءلله

هههههههههههههههه

الله يعينج والله مقدرة موضوعج

جوفي عزيزتي الناس اجناس ومستحيل تحصلين كل الناس اخلاقهم وتصرفاتهم مثلج او مثل ماتبين

لكن موقفج انتي احسن واقوى لانج احترمتي نفسج واحترمتي انوثتج يعني صدقيني بين زميلاتج وزملائك بيقولون انج انسانه مسالمة وحاشمة نفسها وهي دفشة و..........زو.............

لاتخلين مثل هالموضوع يأثر في قدرتج الانتاجية بالعكس جدي واجتهدي واثبتي وجودج بالعمل ولا تفكرين بها الموضوع وايد عشان ما تتأثر نفسيتج وتذبلين

والله يوفقج ويسعدج يا بشة الكويت

سلامي لج

حبيبتي كل شخص يعمل باخلاقه وانتي اخلاقك عاليه ولا تسمحي لهذا الموقف انه ياثر بصورتك بين الناس وافضل شي انك تبتعدين عن كل شخص سفيه لانك لايمكن تحصلين منه لاحق ولاباطل

عندي فكره حلوه وجهنميه فى نفس الوقت.. هههه

اكتبي لها رساله بس مو بخط إيدج..تقوليلها انها أنسانه طيبه وخلوقه يعني أمدحيها ..أولآ

وبعدين قولي لها الصفه السيئه اللى تخرب شخصيتها الحلوه ..

وبس ..وشوفى النتيجه..

اختي اكتبي لها رسالة قصيرة اختصري فيها اللي تبين تقولينه عن اسلوبها وتعاملها، عاد كتبيها بالكمبيوتر علشان ما تعرف ان انتي اللي كاتبتها وطرشي الفراش (الخادم) يحطها على المكتب علشان لما تسالج انتي اللي حاطتها تقولين لا، وما تكونين كذابة :)

إنا لله وإنا إليه راجعون .. اللهم أجرني في مصيبتي وأخلف لي خيراً منها[/COLOR:
[/SIZE][/FONT]

إعذريني بشه منفشه
موضوعك مره مكبرته
مو محتاج الموضوع الا تزيدين دفاشتك وياها
البنت شكلها فللللله
أحب الدفاشه أنا
وأنا مثلك مسالمه جدا
بس هالنوع من البنات يستهويني
إنت قلتي إنها أسلوبها مع الكل كذا
وأتوقع إن قلبها بعد طيب
ماأدري ليش لما جبتي طاري البنيه
تذكرت إختي الي أصغر مني بسنه
تعاملها مثل الدفشه هذي
ولسانها سليط يمه منه :D
بس قلبها ياحليله والله طيب
صرت أدافش مع إختي ونخلق جو من المرح
يعني السالب والموجب وش يكونون = خخخخخخ
على بالها معادله
هههههههههه
صديقتك طيبه مره وودامك مسالمه معها
حتقدر هذا الشي وماحتكون شايله عليك شنه عظيمه
وقولي لها إنك ماتحبين هالتعامل بأسلوب لين عشان تتقبل وماتنفجر عليك
وتحوش شراعك خخخخخخ
واكسبيها صديقه
لاتقولين جايه تشتغلين وتخلصين وتمشين .... لا لاتفكرين كذا
بعد نفسك لها حق ترفينها بين الشغل

دمــــــــــــــــــ بود ـــــــــــــــــــت

{ هههههههههه

والله حدج وناااااااسة خخخخخخ

انا عندي صديقات جي

وانا من النوع النعووم { (a) }

صج واللله خخخخخخ

يعني مالي في الدفاشة

بس صديقات دفشااات ويضحكوووني

حتى بنات العايلة يتغشمروون بثقالة شوي

انحرج صح بس عقب اضحك وياهم

مايصير اغييرهم ولا اغير اسلوبهم معاي

بس يصير انا اغير من عمري واسلوبي وياهم

يعني اضحك واتغشمر


{ لاتخسرينها مدامها طيب ^^

السلام عليكم ورحمة الله وبركاته

جزاكم الله خير با ينات .. اعذروني طولت عليكم بس ماني عارفة شكتب ! والله احترت
بس الحمدلله الوضع تحسن الحين من فضل ربي .. والله قمت أدعي من كل قلبي بهالدعاء :
اللهم أكفنيها بما شئت وكيفما شئت إنك على ما تشاء قدير

وطبعاً اتبعت نصايحكم إني ماحتك فيها وايد ولا أطيح الميانة زيادة عن اللازم

يمكن بعض البنات مافهموني .. انا ما أبالغ وما أقصد إن غشمرتها ثقيلة لالالا هي الله يهداها ويستر عليها لسانها طويل وكلامها استغفرالله شوي بذيء ومحد عاجبها ودايماً تتكلم بالناس وشي طبيعي جداً إذا قلتيلها كلمة تمسح فيج الأرض وبالعكس هذا فخر بالنسبة لها .. دايماً تسولف بأنها مصخرت فلان وعلان !!!!!!!

قلبها طيب ما أنكر بس شالفايدة ؟ يا إني أصير طوفة هبيطة وأتقبل كل شي منها وأقلبه ضحك وهالشي مستحيل أسويه لأن عندنا بنت تماشيها ومرات ودي أقولها وين كرامتج ؟ وبنفس الوقت ماقدر أواجهها لأنها اتخوف وما تضمنين شنو اييج منها .. حتى نظرتها اتخوف

هالأيام الحمدلله لأني ماحتك فيها وايد شفتوا اللي ودها تحرني مو عارفة شلون !!!!!! كل ما شافت وحدة اقعدت تسولف وياها وهات يا تنكيت وضحك وانا حاقرتني ههههههههههههه خبري أنا اللي متعودة تسولف معاي لأننا بنفس الغرفة .. بس الحمدلله رب العالمين الحمدلله الحمدلله عساها دوم ما اتحاجيني وايد أريح

--

rدلوعة باباتها
مشكورة يا عمري .. كلامج صحيح ومضبوط

بنت_الدوسري
كلامج وااااااايد مشجع يزاج الله خير

اغلاهم ويسواهم
تسلمين يا عمري يزاج الله خير

Boo0ooBle
Um.Abdullah

صعبة سالفة الرسالة .. احنا بمكان مختلط وبعدين تكبر السالفة لالالا خصوصاً إن شخصياتنا واضحة ومعروف منو المحبوب ومنو اللي الكل يسولف معاه ومنو اللي الناس اتجنبه

نونهـ
ShwaQy

إذا على الغشمرة تهون .. هي الله يسامحها محد يقدر يجاريها إلا اللي مستغني عن كرامته
اتكون طيبة معاج وفجأة تقلب ومو بعيدة تسمعين لج كلمة بايخة

الله يرحمنا برحمته ويستر علينا ويهدينا أجمعين

وعليكم السلام


موقفج صراحه ما تنحسدي عليه :)

انا فاهمه عليج نعرف وحده مثل طبايع هالبنيه ..... المشكله ان هالتصرفات حتى بالشرع بعضها حرام

يعني صوت عالي

و مناقر و زف و تشخيط بخلق الله رياييل وحريم

ما يصير هالشي حتى لو القلب طيب


اذا صار لج بالمستقبل لا قدر الله موقف معاها ..مالج حل الا انج تزعلي يعني اول ما يصير الموقف بققي عيونج و نافخي :) وروحي على كرسيج واقعدي بقوه و خبطي بالاوراق اللي قدامج والملفات بشكل قوي عشان المظهر العام لج يقووووووووووووووووووووووووووووووول انج عصبتي :)


و اذا سالتج شفيج

قوليلها اللي في قلبج

قوليلها صراحه ما عمره حد قالي هالكلمات ولا عاملني بهالاسلوب وانتي طايحه فيني اذا تعامليني هالشكل تبي اطفريني وما تبينا نكون اوكي مع بعض قوليها بويهي وخلصيني لكن ما احب تعامليني مثل ما تعاملي وتكلميني هالشكل

سويها فيلم هندي و ان شالله تتعدل معاج

ترى اي خطوه بتسويها هي بالاساس لصالحها


الله يهديها و يكفيج دفاشة خلق الله :)

والله انتي مشكلتج نفسي بالظبببببببببببط انا لما تواجهني مواقف جذي مادري شسوي لاني بصراحة ماعرف ارد بقلة ادب و لا اطق الي جدامي والله مشكلة لوووووووووووول .......... ع العموم تحاشيها و حقريها والله يكون بعونج حبوبه

علمي روحج تكيفين مع الناس ..

لانه صعبه تكيفين الناس عليج