بنت عذاري ممكن دقيقة..!

شلونج يالغالية ؟ ان شاء الله بخير

والله يابنت عذاري انا شفت خبرتج وقلت محد راح يساعدني غيرها

واتمنى تساعديني لاني حاطة املي فيج...

بصراحه انا مشكلتي وسالفتي سالفه

اني ما مهتمه بنفسي وما اعرف كيف اوافق بين الاهتمام بالنفس والدراسة وبصراحه بعد اختج عيازة >>ههههههههههه

اتمنى انج تشجعيني وتعطيني شغلات اقدر عليها..

يالله راح اكتب لج اللسته:

1_ احس وجهي باهت وبياضي مصفر وانا بشرتي دهنيه وخصوصا خشمي مضوي وعندي نقاط سودا في وجهي شويه في الجبه وشويه في خشمي وعلى خدي وذقني ابي حل يكون مشرق ونظيف ونظر...

2_ جسمي شويه مليان ابي اكون رشيقة ولونه مش موحد ابيه يكون كله لون واحد عندي اثار حبوب على جسمي شويه ابي حل تكفين..

3_ بالنسبه نزل الشعر بالحلاوة ما اعرف استخدمها ابد ابد ابيج تعلميني الطريقه الصحيحه لنزع وكيفية الاستخدام وشو هي الاشياء اللي اسويها قبل وبعد النزع.

4_ ابي اهتم بايدي ورجلي ابيهم يكونو ناعمات ونضرات.

5_ شعري باهت وخفيف وايد ومتقصف وما يطول وفيه قشرة لا وازيدج من الشعر بيت صبغته قبل اسبوعين ابي اهتم فيه خاطري يكون شعري مثل غيري والله ياختي جربت كل شي وما نفع معايه...

6_ وعندي قشرة في حواجبي مادري من شو ياتني.

7_عندي تشققات في الجسم.

8_ الركب والاكواع والمنطقه الحساسه ابي حل لسواد.
المهم يابنت عذاري طولت عليج واااااااااااااااااااايد وااااااااااااااااااايد وادري اني ازعجتج بعد وراح تقولين عليه شنو هاي ما تهتم بنفسها

بس هذا الواقع عطيني الاشياء وانا اوعدج اني اواضب عليها واخبرج بالنتايج

وراح اكون شاكره لج

اختج:

miss uae