ماهي مؤشرات قرب وقت الولادة ؟؟

&

【 فجـــر 】

عروس مبدعة

20-02-2008 | 10:49 PM

السلام عليكم ورحمة الله وبركاته ..

انا قربت ولادتي واحس بألم في المطقة بين الافخاذ والمنطقه الحساسه

هل هالشي طبيعي وله يدل على نقص فيتامينات او كالسيوم لاسمح الله ؟؟

وشتحس الوحده لي قربت ولادتها ..

يعني قبل الطلق ستحس الووحده ..

ان شاء الله استفيد منكم حبايبي ..

(f)

ولاتبخلون علي بالرد .. :15:

د

دلوعة محمداني

عروس برونزية

20-02-2008 | 10:59 PM

هلا ملاك اختي

الله يسهل عليج ياربي
و يقر عينج بشوفته سالم باذن الله ...............

و الله الغالية مؤشرات الولادة كثيرة ....
منها
ينزل عليج ماي
او دم

اييج ويع ف اسفل الظهر و البطن
و يتم هالويع يسير و يرد

و اللي انتي فيه اظن البيبي الله يحفظه نازل و ظاغط ع المكان

شكله مسعيل يبا يطلع فديته !!

الله يحفظج و يحفظه

و يسهل عليج
و طمنيــــــــــنا

&

【 فجـــر 】

عروس مبدعة

20-02-2008 | 11:04 PM

دلوعة محمداني ..

تسلمين حبيبتي على الرد السريع ..

والله صرت ماقدر امشي عدل بسبب هالالم :(

الله يعدي كل الامور على خير ان شاء الله ..

Q

Qtr Girl

عروس ماسية

20-02-2008 | 11:11 PM

انا قبل ولادتي بيوم

يعني اخر الليل قمت ارجع والله يعزج جاني سهال ولوووعة مب صاحية

جاتني ام زوجي قالت لي انتي فيج طلق

ما اصبحت الا الدم نازل علي وولدت في نفس اليوم

والله يهون عليج ويسهل ولادتج

&

【 فجـــر 】

عروس مبدعة

21-02-2008 | 02:35 AM

انا جايني اسهال خفيف اليوم الله يكرمكم .. ومادري من الاكل وله ايش !!

Qtr Girl

تسلمين حبيبتي على الرد ..

والله يسهل علينا جميعاً

N

NooNz

عروس متألقة

21-02-2008 | 07:47 PM

ماعندي فكره

حبيت ارفع لك موضوعك

الله يهون عليك يارب وادعي لي بالذريه الصالحه وانتي تولدين الله يقومك بالسلامه

ح

حروف القلب

عروس برونزية

21-02-2008 | 08:22 PM

بالنسة لي جاتني آلام في البطن وبالأخص هي تقلصات تروح وتيي تروح وتيي.. وتقريبا أسبوعين في الثامن..ولما رحت المستشفى على أساس أرتاح وأشوف ليش ها التقلصات .. شافوها تقلصات ولادة بس الرحم موش مفتوح .. وكانوا يعطوني دوا علشان تروح التقلصات بس حولوني غرفة الولادة لأن التقلصات تتقرب من بعض.. وفجأة وانا أنتظر الإبرة علشان يخففون التقلصات عبال ما أدخل الشهر التاسع..بس نبضات البنت خفت وعلى طول عملية لأنه لازم عملية ثالثة....
والله يسهل لج إن شاء الله..

&

【 فجـــر 】

عروس مبدعة

21-02-2008 | 08:41 PM

NooNz

الله يرزقج بالذريه الصالحه المعافاه عاجل غير آجل ان شاء الله ..

وتسلمين على المرور والرد ياقلبي ..

حروف القلب ..

انا اول حمل لي ماحسيت بشي نهائيا الا يوم الولاده يوم جاتني تقلصات الولاده ..

بس الحين احس بآلام في المنطقه بين الفخذين والمنطقه

مادري شو سببها .. هل من البيبي وله ايش !!

عشان جي خايفه واحاتي :(

والله يسهل ان شاء الله ..

وجزاج الله خييييير على الرد .. ماقصرتي ..

ح

حروف القلب

عروس برونزية

21-02-2008 | 08:51 PM

طبيعي حبيتي بتحاتين واااايد وخاصة ها الأيام الله يتمم عليج على خير ويرزقج بالذرية الصالحة والحافظة للقرآن الكريم..وبالنسبة للآلام تحت أحسها عادية لأن البيبي يضغط على الحوض..
لا تحاتين وإقري سورة الزلزلة عند الولادة تسهل لج بإذن الله.. إسمعي سورة مريم.. أحب أسمعها.. وكلي التمر..
وجهزي للبيبي.. واستانسي بتشوفين النون قريب آمين يارب العالمين...قومي إمشي .. مع من تحبين ..يالله ..

&

【 فجـــر 】

عروس مبدعة

21-02-2008 | 10:31 PM

تسلمين ياحروووف ..

والله يطمن قلبج مثل ماتطمنيني .. (f)

*

*~JeWeL~*

مشرفة سابقة

23-02-2008 | 09:32 AM

شوفي في موضوعي بعنوان فيلم الولادة

فيه مؤشرات الولادة

الله يسهلها عليج

خ

خيال ملاك

عروس برونزية

23-02-2008 | 04:43 PM

المؤشرات من وحدة لوحدة يختلف أني قبل ولادتي بإسبوع كان عندي ألم أسفل الظهر يجي و يروح
و في يوم ولادتي كان الالم شبيه بألالام الدورة...والله يسهل عليك يارب
ادعي لنا بالسلانة وقت ولادتش

س

سموالكلام

عروس مشاركة

08-03-2008 | 03:25 PM

ماعندي فكره

الله يهون عليك يارب وادعي لي بالذريه الصالحه وانتي تولدين الله يقومك بالسلامه

س

سموالكلام

عروس مشاركة

08-03-2008 | 03:27 PM

الله يهون عليك

ا

ام فجر

عروس متألقة

08-03-2008 | 07:07 PM

انا حسيت من بعد العشاء بنغزات خفيفه بظهر ماتعور بس تضايقني وكتها كنت رايحه السوق اشتري اغراض للي وللبيبي بس ماقلت لحد اولا عشان روحه سوق تعرفون لو المره بتموت وقالولها تروحين السوق تقوم مثل الحصان خخخخخخخخ>>>>>هاذي انا مع ان امي محذرتني اذا حسيت بشي اعلمها لاني تعرفون صغيره عمري 18 لازم تخاف علي وانا البكر عندها استمرت النغزات طول الليل وكل مالها تزيد ونمت شويبس ماقدرت من النغزات صارت قويه وصار فيه الم كل خمس دقايق واضن هاذا الطلق

ر

ريمه 2007

عروس رائعة

08-03-2008 | 11:33 PM

الله ييسر لك وييسر لي

ع

عضوة

09-03-2008 | 10:04 AM

هلا عيوني انا عندي طفلين بحملي الاول لانه قيصري فماكنت حاسه بشي ولدوني قبل وقتي

اما طفل ثاني كانت تجيني الام خفيفه وتبطل ماي وعقبها اشتغل طلق

والله يقومج بسلامه

على فكرة كل حمل يختلف عن ثاني فلاتقارنين بينهم ابدا