الحقوني يابنات تكفون انا متضايقه بالحيل ..

السلام عليكم ..

الحقوني يابنات تكفون انا متضايقه بالحيل وماعندي غيركم طلبتكم لاتردوني ساعدوني هذي اول مره اشارك في المنتدى وماتمنيت مشاركتي الاول تكون كذا لكن شسوي الضروف حكمت كذا

راح اقول لكم قصتي وياريت ترشدوني للصواب وتخففون عني ضيقتي ..

انا قبل 3 سنوات ونص تعرفت على شاب كان التعرف عن طريق الماسنجر وماكان ودي اكمل معاه لان عارفه هذا الشي خطاء لكن جذبني بأسلوبه وهو انسان محترم نفسه ومايوم غلط علي او طلب مني شي خطاء وملتزم والحمد لله بعد 3 شهور قالي انا حاب اتعرف عليج اكثر انا فهمته غلط وتخانقت معاه وقطعت العلاقه لاني فكرته من النوع العاب وهو جلس يرسل رسايل يعتذر وكذا واني فهمته خطاء وطلب مني انه يكلمني عشان يفهمني قصده وانا وافقت ..

ولما كلمته قالي انه معجب فيني وحاب يخطبني بصراحه كبر في عيني لان مالف ولا دار بس بعد انا ماعرفه زين ولا ادري عنه شي بس من خلال معرفتي فيه عرفت انه انسان زين وظيفته زينه وكل شي فيه اوكي بس قلت له انا لازم افكر وهو قالي اوكي فكري عدل وقالي ان لو الله وفق راح يكون السكن في المنطقه الي اهو ساكن فيها انا خفت وترددت لاني خايفه اصير بعديه عن اهلي ومنطقتي ..

انا ماعندي خوات كلمت مرت اخوي وقلت لها واهي من النوع المتفهم وقلت لها كلمي اخوي لان اهو بعد متفهم مثل زوجه وكلمته وجا وكلمني وقالي انتي تبينه قلت له اي قالي انا بسأل عنه وبشوف وبعد فتره سأل عنه والكل مدح فيه وقالي اخوي خلاص قولي له اوكي خله يكلمني ..

وكلم الولد اخوي واخوي ارتاح له وايد وانا فرحت بس بعدني خايفه من سالفه السكن انا كل شي فيه عاجبني وهو طيب وحبوب وفوق هذا كله يحبني واييييييييد بس خايفه ابعد عن اهلي ..

المهم بعد كذا اخوي كلم اهلي على ان واحد من اصدقائه بيخطبني قال لهم على كل شي عنه لان اتفق مع الولد كذا بس لللاسف امي مارضت اني ابتعد عنها وابي بعد مارضى لانه مو من نفس المنطقه (( طبعاً هذي اول مره خطبني قبل 3 سنوات )) حاول اخوي يقنهم بس هم مارضو وقال اني بعدني صغيره وقتها كان عمري 18 وان بدري علي ..

انا تضايقت بقووووووووه واهو بعد بس قالي انا مستحيل اتخلى عنج لو شنو يصير لاني احبج وانا بعد قلت له بصبر لاني احبك وصبرنا بعد كذا اخوي رجع كلمي اهلي بعد فتره وبعد رفضو ..

وصرنا على هالحال كل مره يتقدم لي واهلي يرفضون جاو اهله وخطبوني بنفسهم وكلمو خوالي وعمامي وماضل احد غالي على قلب ابوي ماكلمه بس اهو معند ومو راضي ..

طبعاً في هالفتره انا تعرفت على خواته واهم حبوني وانا حبيتهم وكل مره يقولون لي يالله متى نجي نخطبج ومن هالكلام ويقولون لي يالله سرعي اخونا كبر والشيب بدا في راسه وانا اتضايق اكثر من كلامهم انا عافه انهم مو قصدهم بس من حبهم لي ولخوهم (( طبعاً الولد اكبر من بـ 10 سنوات والحين اهو عمره 31 وانا21 ))بس مره متفاهمين في كل شي وهذا الي محببني فيه اكثر واكثر ..

(( ادري طولت عليكم تحملوني )) المهم بعد هذي الـ 3 سنوات والنص انا طفشت من الانتظار بس اهو بعده متحمل وقررت اني اكلم امي اني انا اعرفه واحب ادري تصرف متهور بس وشو اسوي لازم اشوف لي حل ..

الحين نجي للمشكله الاساسيه الي مضايقتني وايييييييييييييييييييييييييييييييييييييييييييييييييييييييييييييييييييييييد

كلمت امي وقلت لها السالفه واهي في الباديه عصبت بي وجلست تهذر وتقول كلام يعور القلب انها ماتوقعت هذي الحركه مني وكيف انا اسوي كذا واكلم واحد في النت (( ترا والله غصب عني وشو اسوي في قلبي الي حبه )) بعدين تفهمت الوضع وقتنعت بس انا احسها من داخل قلبها مو مقتنعه وخايفه اني ابعد عنها واذا سكنت بعدي انساها لاني وحيدتها وماعنها غيري بنت وانا الحين متضايقه بقوه لاني امي تقول انها موافلقه بس من داخل لا والدليل انها تقول فكري قبل ماكلم ابوج انج بتسكنين بعيد عنا وبصير ماحد حولج يداريج لو صار فيج شي انا عارفه كلامه صحيح بس محتاره وشو اسوي ..

وفوق هذا خايفه اذا ابوي ماوافق بعد وشو اسوي بمووووووووووووووت والله من الخوف من ابوي والتفكبر ..

زبدت المشكله يابنات ابيكم تساعدوني وشو اسوي مع امي الي تقول انها موافقه واهم شي سعادتي بس من داخلها لا وشنو اسوي في خوفي اني اكون بعيده عن اهلي وكلام امي خوفني اكثر من السكن بعيده عنهم ..

وابوي الي خايفه من رفضه ومو عارفه شنو اسوي طلبتكم ..

ساااااااااااااااااااااااااااااااااااااااااااااااااااااااااااااااااااعدوني والله بموت من التفكر 3 سنوات ونص وانا على هالحال طلبتكم لاتردوني .. ادري طولت عليكم بس الله يوفق على وحده تقرا مشكلتي ويعطيها الي في بالها ياااااااااااااااااااااااااااارب