ساعدوني بمشكلتي اللي بتخليني افقد ناس احبهم

ياااهلا اختي ,,

انا كنت اعااني هالمشكله

مع اغلى نااسي ,, امي ,, جعلني افدااهاا

تلاقيني اصرخ وارفع صوتي وبعدها على طول ادخل الغرفه واصيح ندماانه ليش صرخت

بس الحمدلله تغلبت ع الشيطان وكله اذكر روحي ان رضى الله من رضاها

واتذكر كلام الشيخ ,, لاني حضرت موضوع عن الام

ويقول فيه حتى لو كانت امك على خطأ والحق معاك لايجوووز رفع صوتك عليها
وحتى لو كانت سيئة الخلق

ودايم اقول لنفسي هذا الشيخ ينصح بتحسين المعالمه لو كانت الام سيئة خلق

شلون امي الطيبه اللي تخاااف علي وتحبني من كل قلبها

وصرت اضغط على نفسي اكثر وان كان مثلا رايها او أوامرها ماتعجبني ,, احاول اقنعها بهدوء

والحمدلله على كل حال

وربي يسااعدج ويكون بعونج

ويفتحها بوجهج :)

خلي بينك و بين نفسك حركه...

يعني مثلا تضغطين على ايدك كل ما علا صوتك...

فتتذكرين و تخفضينه...

في البدايه شوي تستصعبين الامر...

بس مع التعود كل ما تضغطين بتخفضين صوتك لا ارادي...

الله يوفقك...

هلا وغلا باختي

انا مع ندايم

تحطين بأيدك مطاط

وكل ماعصبتي تمدينه وتعورين نفسك شوي عشان ماتعصبين وتتراجين

اتمنى من كل قلبي تبشرينا انك بطلتي من العصبية الزائده مع اغلى الناس وخاصة " امك"

لكِ ودي وودادي ..

مشكورين وماقصرتو

انا مشكلتي اني بعد ماارفع صوتي انتبه واندم

ولما ارفع صوتي ممكن بس بكلمه

اختي هالموضوع شفته في منتدى ثاني

بس رديت عليكي وقلت مافي شي يستاهل بهالدنيا الواحد يعصب عليه

حاولي تهدي ولما تتعصبي تعوذي من ابليس او بدلي الجو روحي لمكان ثاني او غرفة ثانية

انا عصبية صح وكثير بعد
بس العصبية تجي قدام امي وتروح اتعصب صح بس بسيطره على عصبي قدام امي

في مره وحده اعرفها عندنا نفس مشكلتك ماتقدر تسيطر عن نفسي فراحت عند طبيب نفساني تدري وش قال لها قالها اول ماتحسي بنفسك انك بداتي تتعصبي او راح تنفجري روحي لمكان تروحي فيه بروحك حتى ولو كان الحمام الله يكرمك وصارخي بكل جهدك بس من دون مايطلع صوت فهمتيني وخرجي كل لي عندك وبتصيري ماعندك شب
وفعلا البنت سواتها وكان في تحسن واضح وصارت تقدر تضبط حالها
اتمنى اني اكون افدتك شوي

والله انا نفسسسسسسسسسس الحاله...وبعد ما يعلى صوتي ادخل اي غرفه واتم اصيح لاني عليت صوتي على امي ... والحينه مب بس امي حتى ريلي وحتى خواتي ومره عصبت على زميلي بالعمل

وانا يكون عندي سبب يعني مب من فراغ بس مهما كااااان لازم نتعلم كيف نيود اعمارنا ما يصير جذه والله

بصي حاولي لما تضايقي اقري قران في سرك وابعدي عن الشخص اللي مضايقك علطول

وان شاء الله مش هتتعصبي في وش حد

يعمي ادخلي اوضه لوحدك وابعدي عن الناس وخليكي كوول شوية

عزيزتي مشكلتج تعاني منها الكثير من النساء

اولا اعلمي ان حلاةالمراة بهداوتها وانوثتها بعيد عن العصبيه
ثانيا اعلمي ان العصبيه قد تجلب لج امراض انتي في غنى عنها
ثالثا اول شي حبيبتي خبري اللي حواليج انج عصبيه حتى ما ياخذون موقف منج وعشان تحطينهم بالصورة انهم يتفهمون عصبيتج وعشان مايتخلون عنج

قومي بممارسة الرياضه الرياضه ترفع هرمون السعاده وتخليج في حالة استرخاء وبعد اقرئي عن كيفية التحكم بالاعصاب ومارسي تمارين تفيد في هذا مثل تمارين الاسترخاء او اليوغا واستشيري خبراء في هذا الامر

ابدئي بمعالجة نفسك لانك تعرفين مشكلتج وهذا شي طيب الان ابدئي بتغير نفسج عشان تعيشين مستقبل حلو ورائع وهادي وعشان اذا تزوجتي تنعمين بحياتج (اذا ماكنتي متزوجه)

والله يسعدج

سلامي

خلج دايما منتبهه لنبرة صوتج ودرجته وانت تتكلمين مع اي شخص وتتبتدين تركزين فيه وتحددين في نفسج الطريقة والدرجه وتبتدين تصححين لنفسج لين ما توصلين للطريقه المثلى اللي تريدين تتكلمين فيها
مع الوقت بيصير الموضوع عادي لانج تعودتي تتحكمي فيه من دون وعي

عادي اختي .. كلمن تجييه حالات اعصاب و كلمن ساعات مايتحكم بعصابه

بس هم الواحد لازم يحط احدود حق كلشي علشان يستمر بحياته ...

بالذات مع الناس الي نحبهم لازم نكون حريصين مانعصب عليهم وايد ... لامه بالذات الي نحبهم اهم الي يحز في خاطرهم صراخنه عليهم و يمكن يتحملون و يتصبرون لانهم يحبونه ... لكن من قد مابيحطون في خاطرهم خلاص بيطفح الكيل

و تلاقين بيتصولون لنتيجة الي لا يبون يقربون صوبنه و لا يناقشونه بسبة الاعصاب الي فينا .. بينفرون .. و طبعا هذا آخر شي انتي تبينه .. لانه ماودج تخسرين الناس الي تحبج و تحبينهم صح؟؟؟

حاولي اذا عصبتي حبيبتي ... او مجرد ماتحسين انج بتصرخين .. تكتمين ... و تروحين تفرغين اعصابج بطريقة غير لصراخ .. ممكن تطلعين تغيرين جو او تكتبين كل الي بخاطرج بورقة ... و تعاودين ترجعين تقرين الي كتبتيه لما تهدين و تشوفين نفسج هل كنتي على صح او لا؟؟ لج حق تغضبين او لا؟؟ و وقتها بتفهمين نفسج في تكبير الاشياء و بتشوفين اذا معظم الوقت كان لج داعي تكبرين المسائل او لا؟؟

تره محد يعرف نفسه 100% و اتحدى من الي تقولج ايي .. بتطلع اهي الي ماتعرف نفسها .. لانه كل شخص فينا ساعات يسال نفسه حتى داخليا في موقف من المواقف الي مرت عليه بحياته .. انا ليش سويت جذي؟؟؟ معقولة انا تصرفت جذي؟ ولا ليش قلت هل كلام؟؟ انا يطلع مني هل تصرف؟؟؟ سوى كان تصرف سلبي ولا ايجابي .. كل روح لها قابلية تستكشف نفسها زياده مع الوقت و من خلال التجارب الي تخوضها فلحياة ... و الشيطان فديتج اهو الي يجمل كلشي غلط تسوينه حزتها ... و يحسسج بالرغبه انج لازم تسوين هل شي حزتها ....


علشان تقطعين هل عادة قولي هذا الشيطان يدخل في مواقف مثل هذي علشان يفرق .. وانا بدوري كمؤمنه عاقله المفروض ماسمح له ياثر علي ... دووم كل مابتعصبين تعوذي قولي اعوذ بالله من الشيطان الرجيم ... و استغفري كل ماتحسين انج بتعصبين ... و انشاءلله مع الوقت اذا عودتي نفسج تستغفرين .. بيروح عنج هل طبع

و بتكسبين شيين

1) اانج تذكريم الله دائما ... و السانج يكون رطب بذكر الله
2) انه نفسيتج ترتاح اكثر من دون صراخ و بتكسبين الناس الي تحبينهم و ماراح تخسرينهم

و الله يوفقج انشاءلله