معلومات راح تفيدج في الرجيم،،

[GRADE="0000FF B22222 008000 DEB887"][GRADE="FFA500 FF1493 00BFFF 4B0082"]أهلين حبيباتي،، اليوم جبت لكم مجموعة معلومات تفيدكم في التغذية و الحمية،سمعتها من خبير تغذية مصري مقيم في السويد، والمصدر تراه موثوق،،
النصيحة (1): لاتشربي موية خلال الأكل، أنا بصراحة عن نفسي كنت أحسبو كلام ينقال وبس،لكن طلع فعلا إنو يطلع الكرشة، وكمان بعد الأكل على طول أو قبلو على طول.
النصيحة (2):حاولي قد ماتقدري إنك ماتاكلي أي شيء بعد الساعة 9مساء، لأنو بعد الساعة 9 الكاربوهيدرات تتخزن في الجسم على شكل دهون.
النصيحة(3):لاتنقصي في الأسبوع أكتر من كيلو واحد،لأنو لو نقصت أكتر من كدا الوزن راح يرجعلها مرة تانية ويمكن أكتر كمان، وهادا غير الترهلات والتشققات اللي راح تصير في جسمها.
النصيحة (4):إنك لمن تعملي الرجيم تكوني جاهزة نفسيا وعندك إرادة،يعني متلا ماتسوي ريجيم بس عشان زواج أحد قريباتك وإنتي أصلا مالك نفس تسويه، لأنو لو ماكان في دافع قوي للريجيم صدقيني راح تقعدي فترة وبعدين حتخربي الريجيم.
النصيحة (5) وجباتك في اليوم قسميها إلى خمس وجبات، الفطور وبعدها بساعتين وجبة تانية ،والغداء، وبعدها بساعتين وجبة، والعشاء،وطبعا كلها راح تكون خفيفة ،وفايدة هادي الطريقة إنك ماراح تحسي بالجوع كتيير،وكمان ما تزيدي في السعرات الحرارية،،
النصيحة(6):حاولي إنك تمشي ساعة،حتقولي في البداية صعبة،وأنا فعلا كنت كدا،لكن عارفين إيش سويت، جمعتلي بنات الجيراان وأحيانا أخواني وأقعد شويا أمشي وشويا ألعب معاهم الألعاب اللي فيها جري:زي الطيرة،وواحد طش، وألعاب الصغار التانية، أو ممكن تسمعي قرآن أو أناشيد إنتي تحبيها وقت المشي، وطبعا ذكر الله،،
ويلا صبايا اللي حابة تتبع معايا الحمية اللي تتكون من هادي النصايح غير النصايح المعروفة واللي تنقال في كل ريجيم،، وأنا إن شاء الله راح أستمر عليه،، والله يمتعكم بأجسام حلوة ورشيقة وصحية،،، محبتي لكم،،[/GRADE][/GRADE]