اهل البحرين<<دخول دخول

بنات البحررررررررين شكثركم في المنتدى الله يزيد ويبارك
بس وييينكم:(

هلا أختي وتنورين البلد أنا من البحرين وحبيت ارد عليج جو البحرين حليو على قولتج فصلين في فصل واحد مره حر ومره برد وبالنسبه للمطاعم عندج خير من الله يكفي أقولج 2 في واحد روحي مجمع الدانه فيه قسم للمطاعم وسينما وفي نفس الوقت قلت لج عن أسم مجمع وعندج مجمع السيف هم نفس الشي مطاعم وتسوق وسينما ومجمع البحرين فيه مطاعم وتسوق بس بدون سينما ومجمع مارينا مول ومجمع اللؤلؤ ومجمع ستره ومجمع الرفاع ومجمع العلوي وبعد في أماكن تسوق شعبيه وعاديه عندج سوق المحرق وسوق واقف وسوق الرفاع والبوكواره وسوق الأيرانيه بمدينة عيسى ونسيت اقولج في بعض المجمعات اللي ذكرتها أماكن ترفيهيه للأطفال وحياج الله والعين والقلب أوسع لج من المكان واي سؤال أنا حاضره

تنورين الديرة يالغالية واتمنى اني ما دخلت متأخرة

جونا بدا يصير حار الحين والشمس تحرق شوي بس في الليل يعتدل


مجمعاتنا كثيرة واهمها


مجمع السيف في منطقة ضاحية السيف

مجمع العالي عند السيف

مجمع البحرين في السنابس

مجمع الدانة في السنابس

مجمع اللؤلؤ في المنامة في ظهر المارينا مول

مارينا مول في المنامة

مجمع الرفاع مول في الرفاع

مجمع العلوي في سترة

مجمع سترة في سترة

هذي اشهرها واكيد في غيرها بس الاحسن انج ما تروحينهم لأنهم يا يكونون وس البلد وتحصلني نفس الاشياء في مجمعات ثانية


بالنسبة للمطاعم


شيليز في السيف

الأبراج في سند والسهلة

مرمريز في السنابس مقابل مجمع البحرين

رنديفو في السيف (بوفيه)

نينو في منطقة السيف ويمه بعد مطاعم ثانية وكلها حلوة ونظيفة

في مجمع البحرين فود كورت كبير فوق فيه اغلب المطاعم

اصفهاني في شارع المعارض (اكل ايراني)

تياترو في مجمع الدانة (بوفيه)


محلات ترفيهيه للأطفال


ماجيك آيلاند في السيف

صالة العاب كبيرة في مجمع الدانة

الحديقة المائية (الجنة المفقودة) في الصخير

.
.
.
.

اتمنى اني افدتج وحياج الله في ديرتج
تنورين

اعتقد اختي الفرس كفت ووفت مشاء الله عليها