..الــوحـأم ..

الله يعينج انشاء الله

...تسلمى اختى ...

وانا ماحب ريحة العطر كلشش ولا احب ريلي يجرب يمي بس ماقوله فشيله لين جرب يمي اقوله ريحتك عطر وويع وهو مب حاط عطر ولا شي وكله فيني لووعه وتزيد علي في الشغل الله يعينه ويعدي هالشهور على خير

الله يعينك هذا وحم ما تقدري تغيري فيه شئ....حتى لو مسكتي نفسك شوي بالنهاية خوفة تستفرغي
ترى كلنا في الهواء سواء...يعني الوحم أشكال و ألوان

انا مثك ماشتهي زوجي ولااحب اكل شيء نفسيتي مسدوده

الله يطير الاايام استغفر الله نفسيتي متعبه

الله يعينج اختي الله يهون عليج مالج الا الصبر

الله يعينج اختي

ماعلية فترة وبتعدي ان شاء الله


وزوجج اكيد متفهم هذا الشي


والله يسهل اموركم

لازم حبيبتي ..تستحملين:o
هذا وحام وكل وحدة وهرمونات حملها .. وتغيراتها مع الوحام ..:ss:
المهم حاولي تتغلبين مع نفسج .. :rolleyes:وتتكلمين مع نفسج:wink: وتقولين أنا أحب ........وأحب..... :21_235:وكل شيء ما تحبينه تقولينه أنا أحبه.. :21_218:يعني تعالجين نفسج بنفسج ..وهالطريقة جربتها والحمدلله بتعدي أخف :21_104:..

انتي نفسي بوحامي في بنتي البكر كل شي كرهته زوجي وشقتي وريحتي انا حتى لو متسبحه كانت حياتي حياه ووكنت اتوحم لي الشهر السادس وكنت اكل حبوب للوحام ماتنفع معاي بس اللحين في حملي هذا جربت التحاميل وارتحت عليهم حييل هذول تحاميل للوحام جربيهم وشوفي وقولي ماقلت بترتاحين عليهم بس لاتدمنين خخخخخخخ انا ماصدقت حسيت صار ادمان عنذي عليهم لانه بصراحه انا وحده اداوم وموحاله كل يوم ارجع ادري طولت عليج

الله يعينج أنا نفسج توني حامل في الشهر الثاني وما أحب ريحة ريلي ولا الجماع ولا البيت ولا أكل البيت وصادني جفاف من كثرة الترجيع ، ما أعرف أي حل بس أن ريلج يتفهم مشكلتج ، حاولي تشرحين له بطريقة لبقه وقولي له أن أي ريحه تسبب لج لوعه ، مب بس ريحته ، لأن فيه رياييل يزعلون ويحطون في بالهم إنج تغيرتي وإنج ما تحبينه ،وحاولي تبتعدين عن أي شي يسبب لج اللوعه وبتخف إن شاء الله.

إن شاء الله فدتج ولو بالقليل.

فديييييييييييييييييييتج

والله عورتي قلبي لاني مريت بنفس حالتج في حملي الاول

وخاصة سالفة الجماع تخيلي زوجي كان مسافر بس اتذكر سالفة الجماع على طول ارجع

هذي شي طبيعي حبيبتي تحملي من الجفاف والله يوم صادني بغيت اموووووووووت

حاولي تاكلين اشياء مالحه بسكوت شبس برينغلز أي شي يخفف اللوعة

لان مافي شي اسمه علاج الوحام

الله يخفف عليج ويهون عليج فتره الحمل والولاده

انا بعد متفشله صايره ما احب اخوي الصغير كل ما اشوفه اكشر في ويهه مسكين وهو يحط فخاطره...

هههههه
سبحان الله
هو كل الوحم كده
انا كمان اصبحت اكره مووووت ريحت زوجى مع انى وربى المعبود كنت بعشقها
والشقة ما عدت اطيقها وكل ما ادخل المطبخ اجرى عالحمام عشان ارجع الله المستعان
صرت اكره كل شئ فى الشقة والله هالايام اول ما رحت عند امى تغير كل شئ واصبحت ارجع قليلا
لكن لما بييجى زوجى يزورنى عندها والله ترجع لى نفس الحالة حتى استغرب وقال لى مابك يا كريمة انتى متضايقة منى ههههههه وانا يستحيل اقوله شئ
الله المستعان
فذهبت للدكتورة قالتلى هذه ايام وحم وحتعدى وبعد كده حتحبى زوجك وبيتك وكل شئ اكتررر من الاول بس استحملى
سبحان الله بحسب انا بس ال بيحصل لى كده وجدتكم كلكم مثلى
اللهم خفف علينا

سبحان الله .. حتى أنا مثلك .. أول حمل لي .. وماأطيق ريحة زوجي
اذا جلس معاي شوي أصدع على طول من الريحه

أنا أقولك اصبري وان شاء الله كلها أيام ويروح عنك كل اللي تحسين فيه
وان شاء الله زوجك راح يتفهم هالشي


أختك / بنت الجروح