خطبني اعز الناس و احتاج دعاءكم..ادخلي لا تكوني بخيله

السلام عليكم و رحمة الله و بركاته

حبيباتي بنات عروووس
هذا اول موضوع انزله عندكم.. و ما جيتكم الا لأني احس اني عن جد انتمي لهالعائلة
سنين و انه ادخل و اتابع مواضيعكم اللي تنزل و اللي هي اكثر من رائعة ..

و اليوم أنه الجأ لكم بعد الله سبحانه و تعالى عشان تدعوووون لي..
خطبني اليوم أعز انسان على قلبي.. عمري ما كنت توقع اني احب احد بهالدنيا لهادرجة..
لكني حبيته و تعلقت فيه كنت احاول اني ابعد نفسي عنه و استخير على طوول.. بس كنت في المقابل ازداد قرب منه..
انه بنفسي مستغربة من هالشي.. مع اني بنت متربية في عائلة محترمة.. و لا يمكن عمري اني اسلك سلوك مب زين..
الحمدلله ما صار أي شي مب زين بيني و بينه و لا عمره قرب مني او اي شي من اللي تتخيلونه لما اقولكم اني احب واحد .. كنت احبه من بعيد لي بعيد
بس هو غريب عن العايله.. و من عادة اهلي و على كلام بابا اني بنته الوحيده و ما رح يعطيني لأحد غريب :confused:
هو يحبني للجنون و مخبر كل اهله عني.. و انه بنت ما يحتاج سمعتي ما شاء الله طيبه و معرووفه بين الناس..
تحدى كل شي عشاني.. و ضغط عل نفسه.. و قام بهالخطوة مع انه في بداية مستقبله بس حتى ما يخسرني..
اول ما عرفت انه اهله كلمو اهلي لجأت لله سبحانه و تعالى ..و قمت ادعي و استغفر..
عندي يقين بأن الله اللي وصلنا لي هالمرحلة رح يبقينا مع بعض لباقي حياتنا..
بس هو خايف لأن اهلي قالو لهم انه بناتنا ما يطلعون بره العيله و من هالكلام.. مهزوز مع اني على طول اذكره انه لازم ما يكون في قلبه شك 1% ..

المهم

انه الحين لجأت لكم يا بنات عروس و الله انه اكتب و الدموع تنسكب من عيني.. ادعي من كل قلبي و ابي الكل يدعي لي و ان شاء الله يكون لكم مثل الخير اللي بتدعون لي

ادعو لي انه الله يحنن قلب اهلي عليه و مابي اقوول حق امي اني احبه.. عشان ما اعور قلبها..
و انه ضغطت عليه عشان يخطبني لأني مابي استمر اكلمه في معصية الله.. و انه بنت سمعتي طيبة و احفظ القرآن و اسوي الخير..

اتمنى انه اللي تقرا الموضوع تدعي لي في تهجدها..و ما تكون كسوله.. لا تبخلين علي بركعتين تدعين لي فيهم و الله يجزيكم خير منه ان شاء الله

احبكم في الله
و انه متأكده ما رح يخيب ظني بالله لأنه شاب خلوق و طيب و كفاية انه جاني بالطريق الصح..

اتمنى اني في المرة الجاية اكتب لكم و ابشركم بالخير ان شاء الله :)