حبي لزوجي من نوع غريب.

بسمه تعاآلىى:


مع أني ما جربت بس عندي لج راي....
(بقولج بشكل عام لأني ما أعرف طبيعة وظروف حياتكم واللي حولكم، إذا ناسبج كلامي خذيه وإلا فخليه:wink:)

أنتِ تحبيه وهو ضايج من طريقة حبج.. أنتو الاثنين على حق.. كل واحد فيكم يشوف نفسه الصح.

خلّي اهتمامج فيه ما لدرجة الضغط. إذا حبيتِ تتصلِ فيه حطي فبالج انه فالشغل محضور عليج، ولما يظهر برع (باعتبار انج تعرفين متى يبدا دوامه ومتى ينتهي) فبعد ما يطلع من الدوام اتصلِ عساس انج تسألينه إذا بيتأخر أو أنه عنده شغل..... حتى ما لازم تتصلين إذا هو يرجع البيت على طول..

بيني له حبج باهتمامج بأمور ثانية غير المساءلة، يعني الزيارات العائلية بين فترات، الاهتمام بالبيت من نظافة وأكل (بالقليلة الغرفة يعني)....
لكن لا تهمليه لدرجة انه ما يحس باهتمامج..

سويله اللي يحبه واللي ما يحبه حاولي تبتعدي عنه... لأن الزوجين كل واحد منهم ياي من بيئة مختلفة، وله أطباع وكيان مختلف.. لهالسبب لازم تحاولين تتأقلمي معاه.. هالشي صدقيني بحسسه (حتى لو ما بين لج- ولو طالت المدة) أنج صدق تحبينه وتتحمليه بما فيه من سلبيات وإيجابيات. (ويمكن يحبج أكثر مما تحبيه)...


بين فترات يعني من شهر وشهرين سويله جو - مثل ما تقولون- رومنسي.. على أساس تخففي عنه ضغط الشغل (بينيله هالشي)

إذا هو يظهر من البيت بروحه مع الأصحاب أو شي من هالقبيل.. إن اشتقتِ له استبدلي الاتصال - اللي يزعجه- بإرسال مسج بسيط بتعبير منج حتى لو كلمة وكلمتين...

اتسلي بوقتج وشغلي نفسج بحيث ما تبقي ملانة لدرجة أنج مباشرةً بتتصلي فيه...

لا تسألينه وايد عن كل صغيرة وكبيرة.. خبريه أنتِ عن سير يومج والأحداث الحلوة _ لكن حاسبي فالوقت اللي هو تعبان أو متضايج كلميه يوم بتحسين أنه يبا يرمس أو يستمع_ . بالتالي هو بخبرج بنفسه. إذا بغيتِ تسألينه لا تسأليه دوم..

فيه رجال ما يحبون حد يسألهم وايد.. >صحيح نقطة مهمة<.. طبع الرجل أنه يفضل الصمت أكثر من الكلام، يعني مب مثل النساء كثيرين الكلام وأنتِ أدرى بطبع زوجك.
فصبري عليه والله وياج...


خذي كلام الأخوات اللي قبلي ماشاء الله عليهم يمكن يفهمون أكثر مني.. وبالأخص المجرب..وعذراً على الإطالة..