سؤال لكم من تعرضت للاجهاض

بنات الله يعافيكم ردوا علي ... أنا أدري إن في كثير بنات في المنتدى تعرضوا للاجهاض قبل.

أهلين حبوبه انا تعرضت قبل جدي والله لا يعود هادي الايام علينا عادي حبيبتي يبيلج كل راحه وحاسبه في كل شى في الشغل ادا كنتي تشتغلين وفي البيت ولا تشيلن اشيه ثقيله ولا تمشين وايد يعني راحه لين ما تستردين عافيتج من جديد واشربي حلبه وعلج البان وايد مفيد للظهر علشان كلها كم شهر وتستعدين لحملج الجديد والف والف صحه وعافيه

مشكورة أختي عيون النجلاء الله يطمن قلبج ويعوض عليج وعلينا... بس يعني لمتى بيستمر هالألم أنا كملت الأربعين هل هذا يعني إن للحين جسمي ورحمي ما رجع لوضعه الطبيعي؟؟

هلا اختي انا اجهضت مرتين الحمدالله ظهري ما كان يعورني يمكن على حسب البنات وان شاء الله البنات يفيدونج

وحبيت اقولج الغالية لاتشيلين اشياء ثقيلة

الله يرزقج ويرزقني ويرزق كل محروم ومحرومة بالذرية الصالحة امين يارب العالمين

بالفعل قرنفله اللآم تختلف من حرمه لحرمه انا هم فيني اللام قبل الحمل وبعده بس من استخدمت المرهم الحمدالله خفت علي بشكل تام ولله الحمد ماعليك شر غلا قلبي

شكراً خواتي شوق وعاشقة على الرد ... وفعلاً أختي سقطت كذا مرة قبل وتقول إن ما كانت تجيها آلام في الظهر يعني يختلف من وحدة للثانية،، وبالنسبة للراحة أنا ما أشتغل وأغلب وقتي في البيت وساكنة في شقة يعني ما عندي أشياء متعبة كثير أسويها وبصراحة مليت من القعدة والآلام أبغي أرجع لطبيعتي:ss:

إن شاء الله بروح للدكتورة مرة ثانية وأشوف شيصير علي.

حبوبه يختلف الم الظهر من وحده الي وحده وتحملي الملل وقعدت البيت بس صدقيني بتدعين لي بصيرين وايد احسن وحتي ادا الله عوضج بحمل بعد الم وايد بالظهر بس راح تتحملين التعب كله لاجل الحمل يسنمر والله يرزق الجميع

,والله اختي انا كمان نفس الشئ بعد الاجهاض ظهري بيموتني ألم شديد بس احيانا يخف
مع العلم الالم ده من قبل الاجهاض

عيون النجلاء ... شكراً على المتابعة والرد والله يصبرني ويروح عني ألم الظهر .

Private ... كم صار لك من أجهضتي؟؟ وهل سويتين تنظيف أو لا ؟؟

مرحبااا انا سقطت من فتره بس قبل اسقط كان ظهري يؤلمني وزاد قبل الاجاض بيومين وبعدين سقطت وماسويت تنضيف بس لحد الحين احس انه مضايقني ماقول غير الله يعافينا ويعوضنا بالحمل السليم

مها قطر ... الله يعوض علينا وعليش بالخير.

أنا اليوم رحت المستشفى وسويت أشعة وخبرتني الدكتورة إن عندي شد عضلي وبتخليني أسوي علاج طبيعي .

الله يعوضكم يارب بالذرية الصالحة ويعوضني

انا كان معي آلام بالظهر قبل الدورة وتاخرت 5 ايام تقريبا ما اذكر بالظبط بس نزلت عليي الدورة مثل النزيف وبغيت اموت جسمي تعب حده واستمر النزيف مستمر يومين ما قدرت اصبر من الالم ولا النزيف رحت المستشفى قالو لي حمل وطاح

والغريبة انه شهر واحد بس ليش صادني الم الظهر مدري؟؟

ومن شهر 10 للحين وانا اعاني مع الظهر ورحت مجمع التاهيل وتعالجت علاج طبيعي بالكهربا وارتحت شوي بس غيرو لي الاخصائية اللي اتعالج عنها وتبهدلت وتركت العلاج وافكر ارجع له..

الله يمن علينا جميع بالصحة والعافية والذرية الصالحة

أختي بيان... الله يمن عليج بالصحة والعافية، ومثل ما ذكرت لي الدكتورة إن في واجد نساء يعانون من ألم الظهر بعد الاجهاض وما دام ارتحتين للعلاج واصلي عليه، والله يعوض علينا جمعياً بالحمل الثابت المعافى بحق محمد وآل محمد.

يسلمو حبيبتي على دعوتج وبإذن الله يروح الم الظهر اللي عندك وعندي

صديقة اختي كانت جايه تزورنا ولما شافتني مو قادرة من ظهري قلت لها مأساتي مع ظهري والعلاج

قالت لي ليش ما تروحين لمراخة اعرف وحدة وصدقيني الالم اللي عندك ما يبيله مستشفيات

بصراحة خايفة وبنفس الوقت ماعندي حل غير اني اجرب لاني بموت من الالم لا ليلي ليل ولا نهاري نهار

دعواتج لج خيتو وربي يسر لنا جميع ويعطينا الصحة والعافية والذرية الصالحة يارب