صدق لازم ما تفكرين بالحمل عشان تحملين؟؟؟؟؟

الله يرزقج بدريه الصالحه يارب ويرزق جميع المحرومات يارب
ويرزقني بالولد الصالح يارب
اختي لا تفكرين في موضوع الحمل لان التفكير له دور
في الحمل انا للحين ما الله رزقني بدريه الصالحه
لكن الي اعرفه ان التفكير له دور في تاخير الحمل

حبيبتي التفكير بالحمل (لما يوصل لمرحله الهوس.. وانك تحسبين متى التبويض وتسوون جماع بس عشان تحملين..) صج له نتيجه عكسيه تماما!!
اسألي اكثر من طبيبه واكثر من بنت في المنتدى عارفه هالشي.. ومتيقنين منه!
بيخرب عندك التبويض.. بتأخرك الدوره .. الخ الخ..

حبيبتي شيلي الفكره من بالج.. حاولي تلهين نفسج بأي شي ثاني غير انج تفكرين بالحمل وبإذن الله تحملين!

الله يرزقج بالذريه الصالحه ويرزق كل من تتمنى ياااارب!

مشكورات خواتي على الردو بس أنا مضطرة أفكر وأحسب أيام التبويض لان ريلي دايم يسافر بسبب الشغل
ما قلتولي خواتي بعد كم محاولة حملتو .

انا من سقطت لين ماحملت صار لي تقريبا 6 شهور
وكنت بس افكر في الحمل..
وتحاليلي وتحاليل زوجي كلها سليمه والدكتوره قالت لي بسبب التفكير الزايد انتي قاعده تخربي على نفسك
والشهر اللي حملت فيه طنشت التفكير في ايام التبويض وماقمت افكر.. والحمدلله! حملت

أختي الله يرزقك الذرية الصالحة

بالنسبة لموضوع التفكير في الحمل ومايسببه من تأخير فأنا أؤيده 100%

تخيلي اني في الشهر اللي قررت فيه اني ماأريد أحمل في الوقت الحالي ومقتنعة في داخل نفسي بهذا سبحان الله حملت بعد انتظار سنة ونصف

:21_95:هبه يالغالية لا تفكرين خلي امورج تمشي حسب مايريدها رب العالمين..
ولا تفكرين وااايد
انا من كم شهر كنت اتوقع حمل وما يصير وكنت قبل الدورة أسوي تحليل ..
بس من قلت في نفسي ما بنتظر ها الشهر صار الحمد لله ..
لازم الوحدة فينا تفكر والتفكير لا إرادي بس نحاول قد ما نقدر.. مانحاتي ..
إلي الله كاتبه بيصير.. المحاولات كانت بعد 5أو 4 شهور
أختي دوم قولي بصلاتج وبدون ماتفكرين واااااااايد "ربي هب لي من لدنك ذرية"
والله الرزاق إن شاء الله

عن تجربه نعم ياخر الحمل،،

والخوات كفوا ووفوا

إي حبيبتي لازم تخففين تفكيرج في هالموضوع،، وأنا بعد الشهر اللي حملت فيه حاولت قد ما أقدر إني أبعد تفكيري عن الحمل.

اكيد التفكير يأثر ع الحمل سأليني انا الي عانيت من اول ماتزوجت اصيح صياح واحسب الايام والساعات والدقايق بعد من كثر ما كنت افكر حسيت نفسي مريضه عادي اقوم نص الليل من النوم اقوم زوجي اصيح بس جذي يسألني اشفيج اقووله ابي ياهل خاطري في ياهل ومن اشووف ياهل اذا كنت طالعه والا شي قلبي يعورني اقول متى باشوف ولدي والا بنتي متى باشيلهم وبلعبهم ووواخر شي عقب ماسمعت ان التفكير يأثر حاولت اني ما افكر في الموضوع طبعا كلش واخليه ع الله حتى التحليل يوم حللت في البيت وطلع حامل ماكنت مصدقه طبعا انا صار لي 10 شهور احاول احمل بس يمكن اخر شهرين تركت التفكير وحملت انصحج ماتفكرين وايد لان التفكير يخربط الهرمونات عندج ودايما خلج ريلاكس... اسفه طولت عليج بس انا مثلج وحاسه فيج لاني عانيت واايد..

والله يرزقج الذريه الصالحه المعافاه يااارب...

انا بعد سمعت ان التفكير يأخر الحمل ومع هذا دوم افكر في الحمل وخاصة قبل الدورة باسبوع

الله يرزقج ويرزقني ويرزق كل محروم ومحرومة بالذرية الصالحة امين يارب

اللهم ارزقني وارزق أخواتي في الله بالذرية الصالحة عاجلا غير اجل انك سميع ‏مجيب .

انا مثلكم ذابحني التفكير والقلق احاول ابعد نفسي عن التفكير ما اقدر كل من حولي يذكروني ان في شي عندي ناقص ..
يالله الله كريم يرزقنا عاجلا غير اجل يارب

على حسب علمي انه صدق التفكير ياثر سلبيا على عدم حدوث الحمل ..

انا شخصيا كنت ابداااااا ما افكر في الحمل مع اني ما حملت لمده 3 سنوات و ما فكرت في الموضوع نهـــــــــــــــائيا والحمد لله انا حامل احين ربي يسهل على الجميع و يرزقكم الذريه الصالحه ...

أنا بحملي الأول تخيلت أنه صار حمل لدرجة الدوره نزلت عليه غزيره و قلت يمكن مسقطه بس هذا كله من كثر ما اتمنى الحمل بس الشهر الي بعده طنشت و لا فكرت أبد أحاول أتناسى و لله الحمد حملت...

مشكورات خواتي على اهتمامكم و على دعواتكم ، بس اللي تقولونه لي صعب
صعب إني ما أفكر بالحمل ، حتى لو حاولة أنسى لازم حد بيذكرني بطريقة أو بإخرى
اللي تحكي لك عن وحده حامل واللي تخبرك عن ولدها، والله إني ما احسدهم وأدعي لهم
بس أعوذ بالله من الشيطان اللي يخليني أتوسوس و أخاف من إمكانية إن فيني شي مو طبيعي
لأني ما حملت

ليش يا أختي العزيزة تتعبين نفسج جيه؟
غلط حبيبتي لازم تتناسين موش تنسين طبعا ما نقدر!
لازم تقوين إيمانج بالله تعالى وتصبرين شوي.. لو ما مجربات جان ما نصحناج ..
إذا تبين تحملين خليها على الله .. ولا تفكرين .. وادري تشوفين هاذي وذيك بس إصبري ..
وقولي دوم إلي الله كاتبه بيصير .. إقري قرآن وإدعي.. وتوكلي على الله وقولي في نفسج أنا ما فيني شي ..
الحمد لله إن شاء الله متى ما الله كاتب بيكون..

اي صحيح التفكير والنفسيه الشينه تأخر الحمل

الله يكتب لنا الذريه الصالحه عاجلا غير آآجل ياحي ياقيوم ..

لالالالالالالالالالالالالالالالالالا تفكرين في الحما أبد :mad:

و الله انا و صديقتي تزوجنا في نفس الفترة تقريباً بس أنا كنت ما أفكر في الحمل لان في الأساس ما أحب الاطفال عكس صديقتي اللي كانت ميته تبي تحمل و الله أنا حملت و هي لي الحين و أنا الحمد لله ما كنت متوقعه الحمل و تفاجأت لما سويت تحليل :21_235: بس الحمد لله على كل شيء

و الله يرزق كل محرومة يا رب و اعلمي ان هذا بأمر الله لا دخل للإنسان فيه متى كتب الله لك الحمل سوف يكون

خليها على الله يا الغلا و انشاء الله نسمع الخبر اللي يفرحنا:21_112:

الله يرزقك ويرزقنا

عاجلا غير آجل