السلام عليكم ورحمة الله وبركاته
يابنات المنتدى حابة اسوي البوم لطفلي
بس ناقصني الافكار والتنسيق
حابة انكم تساعدوني اذا تقدرون تزودوني بإطارات واستيكرات اقدر احطها في الالبوم
عشان ازين ابها الالبوم
وتعطوني افكار وكلام حلو اقدر اضيفه الى الالبوم
وخاصة الي عاملة البوم لطفلها تعطينا افكارها
عشان الكل يستفيد من الموضوع
يابنات المنتدى اتمنى انكم اتساعدوني
اتمنى من الكل يدخل يشارك في موضوعي حتى ولو بفكرة بسيطة
والله ماعندي غير فكرة الأستيكرات الليي تزينين بها الألبوم و حبذا لو تبدلينهم بصور من نفس الألبوم بس بحجم صغير يحيط كل صورة رئيسيه
أو تسوين شريط لجميع الصور المحتوي عليها الألبوم بحيث يكون أطار للصفحه الأولى
و اسمحي لي هذا الليي عندي لأنه أولادي ما أستخدم اليهم غير تخزين صورهم على دي في دي و بس لأن صورهم ديجتال و ما طلعت منهم الا القليل و أخليهم في ألبوم عادي من المذركير
مشكورة اختي نجمة الرضا على الفكرة الحلوة
مشكورة اختي الدمشقية على الاطارات حلوة ايضا
بس اتمنى الكل يشارك ويزودني بأفكار واطارات
والي ماعنده يشارك بفكرته الي عاملها في البوم اولاده
الله يخلي اولادكم انشالله ويحفظهم
انا هم مثلك قاعدة اجهز البوم بنوتاتي واددور اطارات وحركات ثانكس ايصير اسرقهم بعد خخخخ
اختي faty zezy اذا حصلتين اطارات وافكار الى البوم بنتك الله يخليها لا تنسيني
روعه الاطارات ... اسمحوللي ممكن ااخذها خخخخخخخخخخخخخخخخخخ
وانا صار لي سنتين واجهز بهل الالبوم وبعده ما بديت فيه ... ما اعرف كيف ابدأ ؟؟ يعني من الولاده لغاية سنتين اخليهم في البوم واحد ولا كيف خواتي ؟؟؟
انا لين الحين عندي فوق ال 500 صوره لحمودي و ما عبيت الا 3 البومات و الباقي بعده...:( و متعايزه اشتري البومات و احطهم
من كلام الاخوات احس اني مو الوحيدة الي محتاجة هالموضوع
فياريت الي تقدر تساعدنا بهالافكار
ومن بحثي عرفت انه فيه سكرابات للألبوم
بس مو عارفة شنو هي
بس يستخدمونها لتنسيق الالبوم وكتبت موضوع بس ماحد رد عليي
ياريت تزودونا ابها
ر
ريحانه المصطفى
عروس مشرقة
18-02-2008 | 06:54 PM
السلام عليكم ...
حبيت أشارك بألي عندي ..:)
سويت ألبوم لبنتي قبل كم شهر أخذت لها ألبوم وردي " علشان انها بنت ":D
في بدايته حطيت صور صغيرة متفرقه من زواجي " الصور كنت ويا ابوها " ..
بعدين حطيت صور الأشعه ألي سويتها لبنتي .. وبعدها حطيت صور لي وانا حامل .. وبعدها علطول شهادة ميلادها مع ورقه صغيرونه مكتوب فيها بخط يدي وخط ابوها ... " إلى الملاك الصغير .. إلى من حويتها بين أضلعي وحملتها في أحشائي زهرهُ تنمو يوماً بعد يوم .. يا وردةٍ أضفت على حياتي مزيداً من الروعه والحب والسعادة .. ياقمراً أستنرتُ به في حياتي الرائعه .. أهلاً بك يا أغلى وأجمل وأحلى " جود " يا وردةِ أهداني إياها رب الوجود .. مرحباً بكِ في حياتنا الدافئة ... " التوقيع . . أمكِ يا أغلى الوجود ..
بعدين حطيت صورها بالمستشفى أول ماطلعت وتوالت الصور في صفحات الألبوم كل صورة مكتوب تحتها التاريخ والوقت والمكان .. " حتى بعدين تشوفها "
زينت الألبوم بأستكرات لاصقه وورد جاف وبطاقات جاهزة ..
وأي سؤال وخدمة أحنا حاضرين للطيبين:15:
الاطارات شلون تستخدمونها؟؟
اختي ريحانه المصطفى مشكورة جدا
الكلمة الي كتبتينها في البوم ابنتك رائعة
ومشكورة على الرد
واتمنى المزيد
ريحانة ماشاء الله افكارك روووعة واكيد الابوم يجنن الله يعطيكي العافية
انا رائي تخلي كل سنه من عمره لوحدها يعني من الولاده لغاية ما يكمل سنه واخر حاجة في الالبوم تكون صور عيد ميلاده وبعدين تفتحي الالبوم اللي بعده وربنا يطول عمره ان شاء الله ويحفظه ليكي.
انا بنتي اغلب صورها علي سي دي .
&
".. ترانيم .."
عروس متألقة
19-02-2008 | 01:06 AM
عندي فكرة إن شاء الله تعجبك
فكرة الألبوم العادية أو التقليدية " شكل كتاب " مو عجبتني
ليه ما تخلي الألبوم على شكل شريط سينمائي
أقول لك كيف
جيبي الله يسلمك شريط ستان يكون عريض " أكبر عرض تلاقيه " وترتبي الصور على طول الشريط بس هااااه لا تنسي تخلي فراغات بين الصور " من فوق و اسفل كل صورة " زي الشريط السينمائي بالضبط لو بقي معاك مسافه على طرفي الصورة من اليمين و اليسار ارسمي عليها مربعات سوداء صغيرة كأنها فراغات زي الموجودة على فيلم الكاميرات التحميض ,,
بعد ما تخلصي من تثبيت الصور جيبي قطعتين فلين اسطوانية الشكل حسب الحجم اللي تبغيه و لو كانت كبيرة راح يكون أفضل و ثبتي طرف الشريط بس في الفلين القطعة الأولى و لفي الباقي عادي والقطعة الثانيه ثبتي عليها الطرف الثاني للشريط تمام ,,
مركزة معاي
قطعتي الفلين دخليهم بكرتون يكون شكله حلو و شيك
فرغي في واحد من جوانب الكرتون فتحة تقدرين منها تشوفي الصور لما تعرضي الشريط
زي شريط الكاست مو تشوفي الشريط البني اللي عليه التسجيل
و عشان تقدري تلفي الشريط اعملي لقطعتي الفلين زي الهنقل "ما أدري ويش يسمونه "
تقدمي فيه عرض الصور أو تتراجعي
إذا الفكرة ماعرفتي شو قصدي فيها قولي لي ,,
ترى الفكرة حديثة اللحظة ,, يعني جاتني الفكرة وانا أقرأ في الموضوع
ممكن تعرضي الفكرة على أصحاب محلات الهدايا يكمن يساعدك أكثر ,,
سامحيني يا قلبي دوختك معاي ,, بس لأني ما حبيت امر من غير ما اساعدك ,,
ليش ما كل وحدة مسوية البوم طفلها بشكل حلو تصورلنا الالبوم؟؟
طبعا فضلا و ليش امرا
عشان نستفاد
أ
أم القمر والعسل
عروس ماسية
19-02-2008 | 03:33 AM
افكاركم حلوه
وريحانة المصطفى
بنتي وحيدتي اسمها جود مثل بنتك واسمحي لي بعد اذنك باخذ العباره اللي كتبتيها لبنتك
وجزاك الله كل خير
واضم صوتي لصوت اختي ابرار الجنه ليش ماكل وحده تصور البوم طفله عشان نستفيد
وعن نفسي البوم بنتي لسه مانستقته مجرد صور واضيف الجديد منهم كل مره بدون تزيين
وان شاء الله استفيد منكم كلكم
مشكورين مقدما
هلا امهات ،، ما عندي افكار وايد بس بعدي افكر وبنتي بعد بعدها ،، بس من افكاري اني راح اسوي لها البوم من عمر يوم لي سنه وبعدين لين كبرت من عمر سنه لي سنتي او ثلاث لانه يمكن تقل وهكذا حتى تزيد كل مره سنه ههههههههههههه وبعدين اهيه تسوي حقها البوم
وابغي اسوي الغلاف الخارجي من قماش شمواه او شي حلو بلون وردي وراح احط عليه فراشات تنباع في اي مكان او حتى ورود وحق ولد ممكن تكون حيوانات بعد
ومن داخل ممكن اطارات حلويين او لماع وبيطلع وايد حلو
إن شاء الله نشوف افكار غير بعد
.jpg)
.jpg)