أبي أحد يحس فيني...!!!

مرحبا يا بنااااات
كيقكم وشو عاملين مع هالدنيا القاسية.....!!!!
اعذروني بس والله العظيم محبطة من الدنيا وما فيها
قبل كل شي أحب أخبركم أني عضوه جديده ف منتديات عروس
بس منتديات عروس ماهي جديدة علي
كنت ف أوقات الفراغ أحب أتصفح الجديد فيها
وبصراحة ما شفت منتدبات أرقى منها
أو أعضاء أرقى منكن
واستفدت منكن كثير
وهذا الكلام مو مجاملة
بس ما فكرت فالمشاركة إلا من بعد ما مريت بأزمة نفسية ف حياتي
وبعيد الشر عنكن جميع
فكرت أشغل نفسي بشياء كثيرة عشان أنسى
ومن ضمن هالأشياء أني أنشغل معاكم بالمنتدى
كنت مرتبطة بشخص ب غلاقة حب مافي منها
نسقي بعضنا ونوكل بعضنا حب
والله أحبه حب أتحدى بيه الحب اللي قرينا عنه بالروايات وشفناه بالأفلام
و مشاعره ماهي بأقل من مشاعري
كان مالي علي كل لحظة بحياتي
مابي أحكي أكثر شكثر كنا وما زلنا نحب بعضنا
لاني بطول عليكم كثييييييير
وطبعا كان بينا وعد الزواج
وما خبي عليكم ،ماكنت أتصفح المشاركات بالمنتديات هنا إلا عشان أستفيد وأستعد عشان أظهرله أحلى عرووس وأسعده وأهنيه
استمرينا سنتين ونص بحبنا
ولما جا وقت الجد ، وقفوا الأهل ف طريقنا
أهلي رفضوه عشان إنه مو من عربنا ( أونهم ) وهو من مكان بعيد عنا
تقريبا 4 ساعات بين منطقتنا ومنطقتهم
وأهله بعد رفضوا عشان أونهم يبون بنت عمه زوجة له
ودخلنا بدوامة مشاكل مابي أحكيها
حاول وحاولت مرات ومرات عشان نلقى حل مع أهلنا
بس لا حياة لمن تنادي
الله يسامحهم :confused:
يأست وما عدت أشوف أنه الموضوع هذا له حل
تعبانة نفسيا .... يا ناس أحبه أحبه أحبه
وما أقدر أنساه (w)
ويقولولي انسيه لأنه زواج منه مستحيل
شو أسوي ، ساعدوني
كيف أنسى كل هالحب ، كيف أصبح الصباح من دون كلمة صباح الخير منه
كيف أنام من دون ما أقوله تصبح على خير
كيف اقدر أمنع نفسي من أقوله بعدما يخلص دوامه الله يعطيك العافية يالغالي
وكيف أقدر أمنع نفسي من الرد على مكالماته
وآآآآآآآه لو تدرون بالعبرة اللي خانقتني
قولولي الله يخليكم شو أسوي بحياتي