وش رايك إذا تقدم لك واحد

ر

روح ماتت برحيل زايد

عروس جديدة

17-02-2008 | 06:43 PM

السلام عليكم ورحمة الله وبركاته

اشحالكن خواتي

بصراحه بغيت اخذ رايكن ف شغله

لو خطبج ريال على دين وخلق وطيب واهله ناس طيبين ويشتغل ويعني فل اوبشن مثل ما يقولون
لكن
امه هنديه

بتوافقين
؟؟ وشو اللي يمنع انه ما توافقين ؟

لانه اشوف البنت اللي امها هنديه ما تنخطب الا من واحد امه هنديه !! والرياال نفس الشي ما بيزوجونه الا اذا كانت البنيه امها هنديه !!
لييش انزيين

يعني شو الذنب هالبنيه وشو الذنب الريال

ابى اعرف ارائكم وشو نظرتكم للي امهم هنديه
ولو انحطيتي ف هالموقف شو بتسوين
وابى افهم ليش هالنظره ولين متى بنتم جذيه

ر

راعية الزين

عروس مشاركة

17-02-2008 | 06:51 PM

بنالسبه لي شخصيا ايهمني الريال اكثر ما بتهمني الام
انا بعيش معاه فاذا كان شخص ما فيه عيب ما عتقد اني برده عشان اصل امه
يكفي انها ربت هالريال احسن تربيه لدرجة انج ما تلقين فيه عيب عشان انه ينرد والكل يمدح فيه
ويمكن اهي تكون احن عليج .... الجنسيه ابد ماها دخل ... بس احنا مشكلتنا دايما تهمنا المظاهرو كلام الناسز

بالنسب لزواج ابناء الامهات من الجنسية الهندية للبعض. لانهن هن يحبذون ذلك من حيث سهولة التعامل مع الطرف الآخر وعشان محد يعاير الثاني.....تلااها وايد تصيرللاسف

غ

غلا أمي

عروس جديدة

17-02-2008 | 06:55 PM

.. لا نحن ما عندنا هالعلوم .. أمه هندية و أمه هب من مستوانا .. ^^

.. أهم شي الريال زين وعلى دين وخلق .. ^^

.. وأنا عن نفسي بوافق طبعاً .. لأنه ما يهمني أصل الأم وفصلها .. ^^

.. والسموحهـ ^^

م

ملكة الغروب

عروس ماسية

17-02-2008 | 06:55 PM

والله انا اشوف بنات وووووايد متزوجات وامهاتهم هنديه
وحياتهم اوكى وهذا ما يمنع اذ الشخص زين واخلاقه اوكى
ليش تفوته من يدها وعقب تتندم والوحده تشوف بالعقل شنو الاحسن
لي اذ الرجل ما يعبه شي واهل البنت ما يعارضون لان بعضهم لازم من نفس العايله
او القبيله ما عندها مانع اوكى في بنات يتزوجون من بنات امهاتهم مصريه او لبنانيه
شنو الفرق اللى امه هنديه تكون اطباعها مثل الدوله اللى اهى عايشه فيها
بس احنا بالبحرين وووووايد متزوجات وسعيدات والله يوفق الجميع

ب

بنت_الدوسري

عروس نشيطة

17-02-2008 | 07:12 PM

ليش كل هالتعقيدات

ريال على دين وخلق وبحطني بعينه شابي اكثر من جذي

اذا كانت امه حليوة وطيبة وعارفه ربها شابي اكثر من جذي

المشكلة مش في امه سواء كانت هنديه لو مصريه لو شنو

المشكلة في بني ادم اللي يطالع المظاهر والماديات

فكروا بعقل

شكرا

أ

أناناس & فرولة

عروس فضية

17-02-2008 | 07:25 PM

انا بخبرك عن نفسي من سابع المستحيلات اهلي يرضون لانهم وايد متشددين بسالفة الاصل والفصل
بس عن نفسي ما احب التفرقه كونه انسان والنعم فيه ليش لا طبعا اذا خذته بتطلع علي كلام ما لها اول ولا تالي بس الي يتبع كلام الناس بتشيب راسه

ر

روح ماتت برحيل زايد

عروس جديدة

17-02-2008 | 07:39 PM

راعية الزين
صدقج والله ... كلامج عين العقل
مشكوره اختي

غلا امي
شي طيب انه ما يهمج هالشي
لانه للاسف وايدات يهمهن
مشكوره الغاليه

ملكة الغروب
صح كلامج اختي
البنت شو تبى غير ريال زين ودين وخلوق !!

بنت الدوسري
للاسف مجتمعنا وايد معقد .. وخاصة ف هالامور

strawing
للاسف حبوبه الحال من بعضه

مشكورات خواتي على رايكن

ا

الجوهرة السعودية

عروس برونزية

17-02-2008 | 07:44 PM

يااختي مااعندي مشكلة وبالعكس اذا امة هندية اكيد بيطلع مزيون ورومنسي ويحب الاكل الحاار في احلى من كذا انا اشوف ان ماافي اي مشكلة اهم شي الاخلاق والدين

ا

امااآراآتية كيوؤتـ

عروس جديدة

17-02-2008 | 07:52 PM

بسمه تعاآلىى:_

الصراآحة انا ماتهمنىي امه ..حتىى لو شو اصلها المهم دين وخلاقة الرجال ..قال رسول الله صلى الله عليه وسلم: (إذا جاءكم من ترضون دينه وخلقه فأنكحوه )
تسلم ايىدج..

أ

أحب-زوجي-ومدلعني

عروس جديدة

17-02-2008 | 08:36 PM

اذا على قولتك فل اوبشن من اللي ربته غير امه..

تدرين ذكرتيني بسالفه امس وحده تقولي شوفي لي وحده من عمرك لواحد يبي يتزوج وحط قائمه طويله ومنها يبي امها قبيليه،، واللي يضحك بالموضوع امه هنديه سبحان الله تخلف وعقول مبنده،، والله الشباب بعد مو هينين ما قالت يبيها مصليه وعلقت عليها بهالموضوع قالت ماجابوالي هالطاري شر البليه مايضحك..

r

row3a

عروس مبدعة

17-02-2008 | 08:37 PM

للحين في ناس تفكر امي ولا امه

ل

ليالي الحنين

عروس رائعة

17-02-2008 | 08:59 PM

مااعتقد انها مشكله بالعكس امه هنديه او غير هنديه
الناس مو بالجنسيه بالاخلاق العاليه والتربيه السنعه

م

مرموم

نائبة المشرفة العامة

17-02-2008 | 09:11 PM

أختي شوفي...

إذا أهلك ما يوافقوا...مستحيل تقدري تغيري نظرتهم...

و إذا تم الزواج...زوجك و والدته بيكونوا في موقف محرج لو أحسوا إنه أهلك ينظروا نظرة دونية لوالدة زوجك...و بتظلك في معاناة بسبب هذا الموضوع

لذلك لازم تراعي الحالة الإجتماعية علشان ما تأثر عليكي بعدين و تصير مشاكل...

بالتوفيق أختي...

ل

ليالي عروس

عروس جديدة

17-02-2008 | 10:31 PM

السلام عليكم ورحمة الله وبركاته
بنات وش رايك إذا تقدم لك واحد امه هندية وهو من نفس قبيلتك وملتزم وطيب
هاه كل واحده تقول رايها بصراحه يعني تقول رايها وكأنه الحين يخطبكِ
تكفون رددددددددددددددددددددووووووا بصراحة وهل فيها شيء(i)

س

سماء الحياة

عروس مبدعة

17-02-2008 | 10:32 PM

يعتمد حسب العوائل
في عائلات ماترضى الا بشخص اصيل النسب علشان محد يعايرهم عقب

س

سماء الحياة

عروس مبدعة

17-02-2008 | 10:42 PM

موضوعج يالغلا شرات موضوع الأخت/
http://www.3roos.com/forums/t312892.html

واتراه هذا يرجع حسب مدى قناعة الأسرة التي تنتمي لها
توجد أسر ترفض هذا الشيء حتى لو من نفس القبيلة ويقولوا - ضاع النسل أو اختلط -
وتوجد أسر لاتمانع لكونها تريد ستر البنت بالمقام الأول ، فهي عندها من الأولويات وليس الحسب والنسب

استخيري الله والله يكتب اللي به خير
ولو صار نصيب ارضي فيه حتى لو حد علق عليج فيما بعد - والناس عاد تدور سوالف - لاتعيرنهم اهتمام
اهم شي سعااااادتج

ل

ليالي عروس

عروس جديدة

17-02-2008 | 10:56 PM

جزاكم الله خير انا مثلكم ماحب التفريق وهذا امك الفلانية وانا امي الفلانيه وهذا نسبه كذا ونحنا نسبنا كذا
صراحه اهم شيء الحب هو سيد الموقف وهو إلي يعطي الوحده شجاعه قدام اي احد يعايرها

آ

آآآآآهات الصمت

مشرفة سابقة

17-02-2008 | 11:00 PM

أكيد أهم شيء الخلق والدين

وبعدين في هنود حلوين ( بموت بالأفلام الهندية):D

U

Um.Abdullah

عروس فضية

17-02-2008 | 11:01 PM

اختي زوجها امه هندية، وبنت عمي بعد، وصديقتي... عادي عندنا مو ان عيب او شي، كلنا عيال ادم وما تفرق ويانا ان كانت هندية او شرقية او غربية،،، وبصراحة انا اشوف ان الهنديات تربيتهم وااايد زينة، يعني هذول الثلاثة اللي تكلمت عنهم كلهم ملتزمين تبارك الله

3

3afary

عروس مبدعة

17-02-2008 | 11:23 PM

starwing;5212317:
انا بخبرك عن نفسي من سابع المستحيلات اهلي يرضون لانهم وايد متشددين بسالفة الاصل والفصل
بس عن نفسي ما احب التفرقه كونه انسان والنعم فيه ليش لا طبعا اذا خذته بتطلع علي كلام ما لها اول ولا تالي بس الي يتبع كلام الناس بتشيب راسه