تعبانة نفسيا من حملي خلاص انهدحيلي

بنات انا الحين تقريبا في الاسبوع اعتقد 15 او 14 المهم في الشهر الرابع ويوم كنت عند اهلي صارت لي مضايقات ومشاكل وايد من خواني حتى لو حامل او مب حامل وتعبت نفسيا منهم ورجعت شقتي مع انه قلت مع الاهل اريح بس الله يهديهم خلوا نفسيتي تعبانة وكله صياح

المهم عقب الضيق والنكد صار لي الم ماادري نغزات على جهة اليمين من بطني وتالمني نفس الشرخ وتعبانة وخايفة منه وايد ومااعرف شو سبب الالم

مرات اقول من الجنين ........بس مااعتقد لاني اعرف حركات الجنين بس للحين مااحس بالجنين

ومع اني بالشهر الرابع من دخلته خفت اللوعه والدوخة بس بعد سالفة الضيق امس صارت لي دوخة قوية وضغطي نازل ومااكلم حد وتغذيتي ضعيفة كاني هالمرة مو مهتمه للجنين ولا حق نفسي ماادري ليش عافه كل شي

والحين حاسة بالجنين انه ميت والدوخة تلازمني وايد ومااكل سكريات عشان تنشطني فقمت اكل تمر واليوم اول مره اكل عسل طبيعي

وخايفة وايد خواتي انه يمكن علامات انه الجنين ميت او فيه شي

وابي اعرف منو جربت اخصائية التغذية في مستشفى الكورنيش شو رايكم فيها ابي امشي على نظام غذائي زين وابي احافظ على جسمي لاني من حملت كل حد قالي منتفخة وايد بالرغم من قلة الاكل


وريلي يتنازع ويد لانه من حملت ابدا ماشربت حليب ولااكلت فواكه مثل الناس

وقالولي الخبز الاسمر مب مفيد للحامل فهل هالشي صحيحح وابي اعرف شو هي فاكهه السفرجل هل هي فعلا جيدة وزينة للجنين