أبغى أعرف السبب..؟

و الله صدقتي اختي

الله يسهل امور الجميع ان شا الله

صج شي يحير !!!!!!!!!

صراحه كلامج صح

اي والله دائما جذي ما ادري ليش ...
يمكن لانه ما تقدر تفرض رايها على زوج بنتها انها تسكن معاها ..لكن الولد تقدر عليه ...واردد اقول لو احنى في مكانهم بعد يمكن نفس الشي يصير....نتمنى اولادنا يعيشون معانا بس بعد المفروض ما نفرض راينا عليهم ...يعني اذا الاولاد والبنتات صاروا بره البيت بيكون موحش عليهم...والله حيره هالموضوع

أكيد أي أم في الدنيا تحب عيالها يكونون حولها بس ليش ماتدور سعادتهم بالنسبه لي أنا هي عارفه ومتأكده أني طفشانه والدليل أني أقعد عند أهلي باليومين والثلاث وهي سأله زوجي وقاله من حقي أطفش وعلى فكره هي اللي ساكنه معي في بيتي ومن أول يوم العرس وأنا بيتي شقه وأنا قايله لزوجي إدا في نيتك تشتري بيت لا تاخد إلا شقه لأني ماأبغى عيالي إدا تزوجوا يسكنون معي ونفس القصه مع أخوي أهلها شرطوا بيت وأنا اللي أقنعت الوالده لأني للحين ماأرتحت ولا أخدت راحتي تحش غير تعيبها في أكلي قدام زوجي والحمدالله أنا طباخه بشهاده الجميع وأنا أبغى أكسب فيها الأجر بس عجزت لأنها تستفزني وأنا صار لي فتره في بيت أهلي وزوجي كارهه البيت يجي من شغله ينام وإدا قام طلع دايم يتمنى نستقل بحياتنا للمعلوميه عندها 2 غيره وأنا أسفه للأطاله بس أبغى أطلع القهر اللي في قلبي.

بسمه تعاآلىى:







مايــ ح ــق لهاآ تفرض ع بنت الناس ان اتمـ بيت اهل روجهاآ ..وماترضى ع بنتهاآ..والله المستعاآنـ ..



مشكوؤورة ع الموؤضوؤع الحلوؤ ..

اعتقد بالحالتين تبي عيالها يكونون مرتاحين

ولدها: ما يتغربل مع الاجارات،، وتشوفه ياكل ما ياكل مرتاح مو مرتاح..

وبنتها: ما تتغربل مع اهل ريلها ولها حياتها الخاصه..
بس للاسف مافكروت بعيال الناس وهاذي وايد تصير بس الحمدلله في امهات فاكين اعمارهم ومخلين عيالهم براحتهم والا كان محد تزوج:)..

الله يكون في عونك أختي...

مشكلتك تتكرر كثيرا...

هو فكرة إنه والدة الزوج تقعد عند إبنها تحصل كثير...

لكن المشكلة لما تنكد عيشة إبنها و زوجته...و تبدأ تدير البيت على كيفها...

معلش أختي...تحملي كله بأجره إن شاء الله

و ما تنسي زوجك يزعل لما تبيني له إنك متضايقة من أمه...لأنه تظل الأم أم...

صدقتي اختي هي ظاهرة منتشره بكثرة ... بس مانقدر نقول تنطبق على الكل

في امهات يوقولن حق بناتهم لا تتشرطون و الي ايكم ارضوا فيه لا ايكم اخس منه و احمدوا النعمة

فديتج اذا كلشي بنفكر فيه و بنحلله بنتعب .. كل واحد يرضى بلي الله كاتبله و يحاول يصلح الي عنده بس من غير مايقارن علشان مايتعب ..

صحيح اهو واقع عايشينه و وواقع يزعل بعد ... بس نقدر نقول صار هل شي جزء من الواقع .. و مانقدر نغير منه شي غير انه احنا نصبر .. و نحمد ربنا على كل حال ...

و تره الاوضاع ماتغير مافلبشر كثر النفسية ... نفسيتتج اهي الي تغير نظرتج بلي حواليج .. فحاولي تشوفين الوضع الي انتي فيه بنظرة فيها اكثر قناعة و شوفي الغير الي بس يبون اي زوج يتزوجهم و يستر عليهم و خلاص ...

تصبري فديتج .. و حمدي ربج على كل حال و لا تسئلين اسئلة مالها اجابه نصيحة .. لانه الاسئلة بترد ترجعلج من غير اجابه :)

انا لما ام زوجي جات تخطبني سالت امي قالت لها تبينها في بيت بروحها؟ لان احنا ما نقدر على هالشي ونبيها تقعد معانا، طبعا امي قالت لا عادي، ومافي داعي تكلفون على عمركم، وبالعكس معاكم اونس وبتساعدونها اذا احتاجت لكم،،، ولما انخطبت اخت زوجي قالت لهم ام زوجي لا ما راح اشترط بيت مستقل لها، ليش اشرط هالشي وبنات الناس مقعدتهم عندي؟؟؟ يعني مو كل الناس عندهم هالتفكير، على حسب اذا كانت الام تعرف ان ام زوج بنتها مسيطرة ولسانها طويل اكيد بتشرط بيت بروحها، اما اذا واثقة من ام الزوج ما راح تشرط هالشي... ويمكن لانها تعرف ان حالتهم المادية تسمح انهم يخلونها تسكن في بيت مستقل... هذا رايي :)

في حالات من هذه النوعية وهذه تبغى الخير لها بس

أناااااااااانية

هيه والله ليش ؟

أنااللي قاهرني أنها ماخده بنتها عندها سنه عشان زوجها يطلها بيت ونفس الحركات اللي تقول أهل زوج بنتها يسونها في بنتها تطبقها فيني وأنا ربي يشهد علي لوجاها مني خير ولا ماشافت مني شر وأنا مستحمله عشان ولدي وزوجي أنا بأرجع اليوم وجايبه بنتها ورجلها ينامون عندنا والشقه صغيره أدعولي بالصبر والله يفرج همي وهمكم.

انا اقولج

حق بنتها تبالها احسسن شي
و تشوف انه الاحسن حقها انها تكون في بيت مستقل

اما الولد
الام ما تقدر ع فراقه و بعد عشان تتاكد انه اموره طيبه لازم بكون عندها في نفس البيت
جداام عينها
لانه تشوف الولد بيبي لو شعره ابيض!!

خخخخخخ

الله يعيييين الجميييييع

أنا أحاول أحسن العلاقه معها بس عجزت لأنها ملسونه واللي ترضاه لبنتها المفروض ترضاه لبنت الناس وعلى فكره هي ماتبغاني من الأول أتزوجه كانت تبغاه يتزوج بنت أختها بس هو أصر علي ولو ماتزوجني مستحيل يتزوج غيري بس أدعولي بالصبر كلها كم ساعه وأروح لبيتي.