يا هلا بكل من دش و يبي يعرف قصة ولادتي :D
تفضلوا تفضلوا و خذوا اماكنكم و لا تنسوا الفشار لان الفلم طويل شوي :poster_av1:
يلا نبدأ
الله يسلمكم يوم الخميس تاريخ 27 /12 بالليل كنت في بيت امي و كنت راقده ويا اخواتي في غرفتهم الساعه كانت تقريبا 11 و كنت احس بالام خفيفة جدا مثل الام الدورة و ما قلت حق احد المهم انا ما ياني رقاد لاني كنت افكر وايد بالولادة و خايفة شوي لين الساعه 2 كنت اتقلب اختي الكبيرة حست فيني قالت شو فيج قلت لها ما شي بس شوية الام المهم رقدنا و الصباح يوم الجمعه تاريخ 28 صحينا و كنا مخططين نروح نتريق في مطعم بوفيه مفتوح :21_21: اخواتي سالوني تقدرين اتجين ويانا قلت لهم دام السالفه فيها بوفيه انا وياكم خخخخخخخخ و لا مهتمة بالالام عالعموم لين ساعتها كانت الامي خفيفة و رحنا المطعم و قعدنا و تريقنا و ضحكنا و سولفنا و استانسنا :21_93: .. من خلصنا متريقين رحنا دورات المياه نتعدل دشيت الحمام الله يكرمكم و شفت دم خفيف نازل مني عااااااد اهني انا حدي استانست و طلعت من الحمام اصارخ حق اخواتي و اقول (( لقد حان الوقت .. لقد حان الوقت )) ما ادري اللغة العربية الفصحى من وين طلعت خخخخخخخخخخخ :21_133: اخواتي قالوا لا تصرخين لا تفضحينا تموا يقولون لي الحين اضحكي وقت الولادة راح تبكين و انا مو مهتمه بكلامهم و فرحانه اني بولد قريب و طبعا الامي كانت على حالها خفيفة جدا المهم رحنا تمشينا في المول و رحنا بيت خالي نسلم عليه كان راجع من شهر العسل ويا مرته و رحنا نتمشى عالشاطى عشان الامي تزيد بس ما زادت :sad: انا اهني بديت انحبط شوي بس اخواتي رفعوا من معنوياتي و امي كانت تتصل كل شوي تتطمن علي هي كانت في البيت و عقبها رحنا الخياط اخواتي فصلوا حقهم عبايات و خلصوا .. اختي الي تسوق السيارة سالتني هاااااه العيون وين نروح المستشفى و لا البيت و والوقت كان المغرب قلت لها نروح المستشفى نشوف اذا الرحم مو فاتح نرد البيت قالت اوكي رحنا المستشفى ع الطواريء و قاموا يشوفون البيبي بالسونار و الدكتورة قالت البيبي راسه فوق انا اهني قلبي نغزني اني راح اولد بعملية و فحصتني الدكتورة و قالت الرحم مو مفتوح بس في انقباضات في الرحم و قالت تنويم قلت لها ما ابي .. قامت تقنعني تقول افضل لج توقعين على العملية لانه خطر على البيبي (( طبعا كل هذا و ريلي ما عنده خبر )) و بعدها اقتنعت و وقعت و دقيت على ريلي الا 5 دقايق حصلت امي و ابوي و ريلي و عمي و عمتي قدامي عااد اهني انا خلاص في السرير و مركبة المغذي و جاهزة للعملية .. اول شي دشوا امي و ابوي و اختي سلمت على امي و ابوي قال لي ( سلامات بنيتي ) عااد انا قمت ابكي مثل الاطفال :cry: :cry::cry: و اهلي يطمنوني و يهدوني و عقبها قالوا اذا صار اي شي اتصلي فينا و ودعوني و راحوا كانت الساعه تقريبا 9 و نص و جاتني الممرضة و قالت اذا حسيتي باي شي دقي الجرس و راحت ... تميت ادعي ربي انه يسهل علي حاولت ارقد ما قدرت لين الساعه 10 و نص حسيت و كأن شي انفجر تحت و نزل ماي واااااايد خفت و دقيت ع الجرس و جاتني الممرضة قالت شو فيج قلت لها ينزل مني ماي و قمت ابي اروح الحمام قالت وين رايحة قلت لها ما ادري خخخخخخخخ صرت هبلة من الخوف :21_218: قالت الممرضة قعدي مكانج و فجأة جاتني الام قوية وااايد و حسيت ببروووودة مب عادية المهم الممرضات التموا حوالي و قالوا اتصلي باهلج بندخلج عملية و انا ما فيني قوه اخذ الموبايل من الالم بس مجبورة اتصل خذيت الموبايل ابي اتصل حصلت مسج من اختي تقول ( هلا طالعي التلفزيون قناة ام بي سي 1 شوفي شيرين حامل و تغني ) انا اقول في خاطري انتي وين و انا وين يا حليلها ما كانت تدري اني بالمستشفى دقيت لها و انا يا دوبك اقدر اتكلم قلت لها انا بالمستشفى و بيدخلوني العملية دقي حق امي و قولي لها ...تدرون شو قالت .. قامت تضحك و تقولي مب علي هالحركات تبين تقصين علي ما اصدقج :angry::angry: .. قلت لها يا بنت الحلال انا تعبانه و مب يالسة امزح وياج قالت لا ما اصدق و شفت الكلام ضايع وياها صكرت بويها و دقيت حق اختي الثانية و قلت لها و صكرت بهالوقت الممرضات كانوا يبدلون ثيابي و دخلوني غرفة العمليات و كنت اقول لهم ابي بنج ابي بنج ما اتحمل هالالام و عطوني تخدير كلي و ما حسيت بعمري الا و احد يناديني يقول لي العيون قومي انا على بالي انا في البيت قعدت اقول ابي ارقد خلوني ارقد:21_164: و الممرضة تقول قومي فتحت عيوني حصلت عمري في غرفة العمليات و فيني الم فظييييع في بطني تذكرت
اني ولدت و تعبانة و بعدني متخدرة سالت الممرضة شو جبت قالت بنت قلت لها تشبهني قالت اكيييد حلوة مثلج و استانست :smile: و رقدت مرة ثانية و عاااد عقبها ما اتذكر شي ... و يومين عقب العملية ما اتذكر شي و اليوم الثالث بس شفت بنتي لاني كنت حييييل تعبانة من العملية ... و اهلي يقولون لي لما كنتي تحت تاثير البنج كنتي تصرخين على الدكتورة تقولين ابي بنتي و تسالين اي احد يمر عندج بنتي تشبهني و لا تشبه ابوها و تقولين لهم بي نظير بوتو ماتت و وايد اشياء .. تميت 5 ايام في المستشفى و وزني نزل واااااايد من التعب و الحمدلله على كل حال المهم بنتي وياي الحين و كل شي عشانها يهون ..
و توتة توتة خلصت الحتوتة
