والله تعبت نفسيا...

السلام عليكم ..


كيفكم بنات؟؟


انا بقولكم وش فيني من الآخر..


انا الحين تميت22ودخلت23

ولاتزوجت الى الآن..

المشكلة موهنا..

المشكلة انو دايما يجيني خطاب كثار يناسبوني واناسبهم بس فجاءه كل شي يتفركش..

يعني الولد ياخذ رقم ابوي على اساس بيتكلم معاة وانتظر ويطول الانتظار ولا احد يتصل..

وهنا يضيق صدري دايما اقول ليش يصير لي كذا؟!

ويجيني انواع التحطيم..

علما باني الحمدالله متربية كويس ومن قبيلة معروفة بالسمعة الطيبة ..
ولا اتشرط على اللي يجيني..لدرجة اني اقول لاهلي عادي لو اسكن مع اهله اذا كان بيتهم يكفي..والفلوس اهم شي انها تغطي احتياجات حياتنا مااشرط انة يكون مليونير..او يكون وسيم..

وزيادة على كذا مواصفاتي مطلوبة بس ينقصني اني انحف شوي..علما بان الخطاب ماكان يهمهم
جسمي قد مايهمهم شخصيتي ومواصفاتي الاخرى..

دايما ابكي لاني اتفاءال خير في الخطيب الحالي وفي الآخر لا حس ولاخبر..

وانا ماكان يصبرني ذيك المدة الإ امي..

بس الحين امي توفت من 6شهور صدق عندي اخوات بس كل وحدة لاهية في حياتها..

حتى اختي اللي اصغر مني ولاتزوجت لاهيه في دراستها وصديقاتها..

وانا يابنات والله اجتماعية واحب ساعة الصدر بس كل لاهي عني..

عشان كذا ابي اتزوج واعيش حياة جديدة وانشغل في زوجي واهلة وعيالي وارتاح نفسيا اولا..


بنات الله يوفقكم ساعدوني بحل مفيد واكيد بعد اذن الله..

عن جد ضايقة فيني الدنيا..