هل من بديل للحليب؟

عندك اللبن واروب والأجبان بشكل عام تحتوي على الكالسيوم

مثل ماقالت لج الاخت عندج اللبن والروب واذا ماتحبين الحليب مثلي شربي حليب فراولة ولا حليب بالشكولاته ضروري حق صحتج وصحة البيبي انا خالتي خرعتني تقولي اذا ماشربتي يمكن لاسمح الله تطيح اسناني خوفتني فقمت اشرب اللبن والرووب وهالسوالف.

يعطيكم العافيه
الله يسهل ويفتح الشهيه موقادره كلش:(

انا كنت مثلج تلوووع جبدي من الحليب

بس انا اكله مع الكورن فلاكس الصبح وفالليل اخلط معاه عسل او شوي احط معاه شربت ورد يصير يهبل

حاولي تشربين حليب وايد اختي اذا مو عشانج عشان اللي في بطنج

هو الافضل تاخدي الحليب واو احد مشتقاته

لكن اذا ماتتحملين قولي الى دكتورتك تصف لك حبوب كالسيوم

مثل ماقالت اختي وحي الفيروز
حاولي تشربينه واذا ماقدرتي خلي طبيبتج توصف لج حبوب كالسيوم..

والشي الثاني اذا ماقدرتي تشربينه .. حطي في الخلاط كاس حليب + موزه + ملعقه عسل.. وشوية مكسرات اذا تبين.. وجد بيطلع طعمه لذيذ

مرحبااا اختي...

انتي لين الحين في الثاني وتتوحمين ولا تغصبين عمرج على شي ما تحبينه... انا كل اللي كرهته اول 3 شهور في حملي لين الحين مب قادرة اتقبله....

مب لازم تشربين حليب هالفترة .. بس من تدخلين الرابع ابتدي بشرب الحليب او حتى مشتقاته... احسن من انج تغصبين عمرج عليه وتكرهينه طول حياتج

أنا ما أقدر أشرب الحليب واللبن لأن فيني قولون ، وقلت للدكتور ، قال لي مب لازم ، لأن في الشهور الثلاثة الأولى الطفل ياخذ حاجته من جسمج ، وبعدها قال بكتب لج حبوب كالسيوم ، بدل الحبه الوحده حبتين عشان أعوض ، والكالسيوم موجود بكثره في جبن تشيدر إذا تحبينه ، ولا تغصبين عمرج على شي ، والله يسهل عليج إن شاء الله.

في شي بديل للحليب اسمه حليب الصويا ريحته مثل ريحه الحبوب أو الشعير ، وممكن تطبخينه نفس الحليب العادي ، ويكون مدعم بالكالسيوم ، أنا أشتريه من كارفور ، والحلو الي فيه أن الي عندهم حساسيه من الحليب ومشتقاته يقدرون يشربونه لأنه من فول الصويا ، وهو قليل الدسم.

إن شاء الله فدتج.