حامل بالثامن والطفل راسه ما نزل انصحوني

اختي .. وايد حريم يصير لهم جذي !

منهم يتمسدون حتى يعدلون وضعية البيبي و منهم ينتظرون بلحظات الولادة يرجع للوضعية الصح !

السلام عليكم و رحمة الله و بركاته ..

أنا الدكتورة قالت لي بحملي الأول كثري من المشي ..

و الله يسهل عليج إن شاء الله ..

انا سمعت ان فيه تنفيض للمره قبل الولاده بكم اسبوع
بس مااعرف اشرح لك كيف لأن ماأعرف
بس مره وانا في المستشفى كان الطفل معترض وفيه مريضه بجنبي وعنده اخته
وسمعت الدكتور وهو يقول انتي البيبي عندك معترض اذا جت الولاده وهو ماتعدل ممكن نسوي لك قيصريه
ولمن راح الدكتور جاتني أخت المريضه اللي بجنبي وقالت خليني انفضك ياعمري والله ييسرها
وافقت على طول الله يجزاها كل خير وفرشنا شرشف ع البلاط ونفضتني مثل ماتنفضين الفرشه عن الغبار
مره برجلي اليمين ومره برجلي الشمال ولمن انتهت من التنفيض وحتى ماطولت 5 دقايق او اقل
اخذوني سوو لي اشعه تلفزيون وقالو كل شئ تمام بعد الله والولاده طبيعي بأذن الله
فاأنتي شوفي لك مره كبيره وتفهم بالتنفيض وخليها تنفض لك والله ييسرها لك
ويكون كل شئ طبيعي واللي الله كاتبه بيصير لاتخافين

سمعي حبيبتي
في واجد نفسك ومن ضمنهم خالتي تصدقين ان خالتي ياسو منها الدكاترة قالو بسون لها عملية خلاص ووافقت بس ناس واجد قالوليها تتمسد فراحت حق وحدة ورجعت مرة ثانية المستشفى تصدقين قبل العملية بساعة سووا ليها اترساوند قالوليها اعتدلت وضعيته..
والله يردش بالسلامة ان شاء الله..

والله يا الغالية أنا حالتية مثل حالتج ون قالوليه وأنا أيديه على قلبي بس شسوي وكلة أمري لله والله كفيل فيه أذا كاتبلي قيصري ولا طبيعي كل بامره ........

أنا دخلت السبوع 36 يعني تقريبا باقليه 27 يوم وأولد أن شاء الله أذا عرفت لي أي حل أن شاء الله ببلغج.......

والله يقومج بالسلامة أن شاء الله ويرزقج ما تتمنين........

السهاله من عند الله حبيبتي

ودائما الانسان يوكل جميع اموره لله وهويكفيه

والاخوات ماقصرو جزاهم الله كل خير

بس اضيف عليهم شغله سمعت عنها وهي الحبو

قد ماتقدرين احبي كحبوا الاطفال وهالايام بالذات مادام ان الطفل صغير

ويقدر يتحرك بسهوله قبل لايضيق عليه البطن

واذا مافاد الحبو جربي اللي قالته لك الاخت ريمه اللي هو النفض

وخلي المساده اخر الحلول

لانه بصراحه تخافين على البيبي يتعور واللاحاجه

وان والله الود ودي اجيبه بعمليه واتحمل متاعبها اهون على من انه يصير خير بلا شر

ويضيع تعبي عالفاضي واتحمل ذنبه طول عمري

ولاتنسين حبيبتي فضل الاستغفار في كل وقتك وربك كريم وماينساك ان شاء الله

الله يتمم لك على خير
يااااااااااااارب