هل الطلاق هو الحل

ليش ما احد رد علي

ياربي ليش جذه كلامه
حاولي يالغالية تاخذيه بسياسة يمكن تجيب وياه نتيجة
ما إني مو متابعة تفاصيل مشكلتج
بس هونيها وبتهون ، وحاولي تخلي حد من رياييل عيلتج يحلون المشكلة

اووف كل هذا يطلع منه
هذ ماحسب حساب لعشرة لي كانت بينكم ولا اي شي
انا لو منك اطلب الطلاق اشوف مخلي شي بقلبه الا قالو
""وإحمدي ربج إني ما بهذلتج وذليتج
وأنا كارهج وما ادانيج في عشت الله ولو ييت بيت أمه ما بيكون بينا ولا شيء لا عاطفة ولا كلام ""
بعد هذ الكلام لي قالو مااظن انه في شي ثاني ممكن بنقال انا كارهك واحمدي ربك ني ما ذليتك ليش شنو جاريه عنده ولاخدامه والله خدامة ومايسووها هذا الشي
اسمحيلي حبيبتي بس مااظن انه بيكون عندك حل غير الطلاق عشان تصونين كلامتك
هذه وجهة نظري الشخصية
والله يعوض عليك اختي

حبيبتي انا رايي غير رايي انك تدعيلو بالهدايه في كل صلاه وتصلي صلاة الليل وتقرئي سورة البقره بنية انه زوجك يرجعلك ويحبك اكثر من اول صدقيني السوره ماراح تاخذ معاك ساعتين بس اهم شي النيه واذا انشاء الله انصلح حالك لا تنسيني من الدعاء والله ينولك اللي تبغيه

اسمعي اختي صحيح كلامه جارح الله يهديه بس انتي عليج بسورة البقرة وقيام الليل وادعي له بالهداية وبجذيه تكونين سويتي اللي عليج والله يهدي سركم ويصلح ما بينكم ااااااامين وان الله مع الصابرين

السلام عليكم ورحمه الله وبركاته ..

تعرفون بنات أنا ما أموت .. من القهر الا اذا شفت وحده من البنات الله يسامحهم .. تقول تحمليه وصبري ....

بقولكم معلومه لا تشمل جميع الرجال واغلب الريايل يطبقونها .. ترى لو كانت المره > الي هي الحرمه < الي مسويه هالشي الريال ما يصبر عليها ويطلقها على طول ,, او يخونها او يتزوج فوقها ..

وانتو مخلين المره قاعده بحسرتها .. بقهرها مع هالريال .... على شنو بالله .. من ادبه ولا اخلاقه ولا دينه ,, لو يعرف ربه ما قال ولا سوى الي سواه .....

اختي ... انا بدش لج على طول .. بالحل .. الطلاق في حالتج انسب حل ... ودام ان مهتم بعياله هالشي زين منه ... وانتي بعد اهتمي بعيالج ,, وحاولي قد ما تقدرين بعد الطلاق ان ما تخلين عيالج يكرهون ابوهم ... وحتى لو سألوج عن سبب الطلاق قولي ما تفاهمنا .. عشان لو زوجك .. قعد يذم فيك قدام عياله ... بيعرفون ان ابوهم الي مافيه خير مب امهم ...

اختي اشتري نفسج .. لانج في نظري ارخصتيها وايد .... وارتاحي وعيشي حياتج .. المطلقه حياتها مب سهله .. بس مب مستحيله .... وصدقيني ما تدرين وين الخير الي يمكن ربج كاتبه لج . خلاص انتي عشتي حياتج .. يا انج تكملينها كمطلقه ,, بس تحتاج منج شوي صبر ... وتحمل .. يا ان ربج يمكن يكتب لج نصيب ثاني ... بس اهم شي انا اقولج الحين عيشي حق نفسج واولادك وبس...

والي يده بالماي الحار غير الي يده بالماي البارد . محد يرضى على نفسه المذله .... ترى .

تحياتي لج اختي والصراحه اضم كلامي مع الجوكره .. اول بنت اشوفها في حياتي تعرف تفكر صح من غير لف ودوران وردودها واقعيه وصريحه ومافيها .... تجمل ..

تحياتي
ام جنى

الله يعينج أختى وريح بالك

انا مع كلام اختى نور الطلاق انسب حل

لا تضيعين حياتج مع واحد مايقدرج وبعدين تندمين

ترى الحرمة بزمنا مب شرط يكون عندها ريال الحمد الله تقدر

اتعيش بلياه وحسن من ماكانت عايشة معاه

السلام عليكم،،

قاعدين تقولون لها تطلقي وريحي بالج وعيشي حياتج شنو الحياة اللي بتعيشها بعدين؟

وأنتي أختي نشمية عرضتي مشكلتج وفكرتي في الطلاق لكن قبل فكرتي بعد الطلاق شنو بيصير؟؟؟ وأنتي مثل ما تقولين عندج عيال يعني اكثر من واحد الله يخليهم فكرتي فيهم ياريت الوحده ما تفكر بس في نفسها وتفكر في اللي معاها هذا رايي وانتي تعرفين حياتج ومصلحتج وين حبيبتي

الله يستر عليج ويهدي ابو عيالج لج ولعياله

الغاليه لا تتطلقين لان محد بينفعك غير زوجك وعيالك شوفي مالج غير الاستغفار والدعاء وربنا ما يرد كل من يلجاء له قومي الليل وصلي ركعتين وداومي على البقره والاستغفار والله الي فيه الخير بيسويه

اختي الغاليه .. اقري سورة البقره كل يوم و صلاة الليل بعد وادعي الله يفرج همج ويحل مشكلتج .. وحاولي تقعدين معاه وتتفاهمون ليش هو كارهج ويسوي جذي ؟

واذا مالقيتي حل او مافي فايده مالج الا الطلاق ..

وطمنينا عليج حبيبتي

row3a;5191435:
الغاليه لا تتطلقين لان محد بينفعك غير زوجك وعيالك شوفي مالج غير الاستغفار والدعاء وربنا ما يرد كل من يلجاء له قومي الليل وصلي ركعتين وداومي على البقره والاستغفار والله الي فيه الخير بيسويه

حبيبتي قرات ردك وابي اشرحك شي
بشنو راح يفيدها زوجها قوليلي بس او ينفعها حتى هي لحين لاهي متزوجة ولا هي مطلقة وفوق هذا كله اقرائي هذه الجملة لي قالها""وإحمدي ربج إني ما بهذلتج وذليتج
وأنا كارهج وما ادانيج في عشت الله ولو ييت بيت أمه ما بيكون بينا ولا شيء لا عاطفة ولا كلام ""

في شي بعد هذا الكلام ينقال والله اشوف انها تطلق احسن وتشتري كرامتها
زوجها مايحترم وماخلى شي ماقالواه طيب قوليلي بشنو بينفعها بس اسم متزوجة هذا لي بيفيدها

انا هذا لي اشوفه انه صح وام جنى بعد كلامها واقعي

دانـــة;5191214:
السلام عليكم،،

قاعدين تقولون لها تطلقي وريحي بالج وعيشي حياتج شنو الحياة اللي بتعيشها بعدين؟

وأنتي أختي نشمية عرضتي مشكلتج وفكرتي في الطلاق لكن قبل فكرتي بعد الطلاق شنو بيصير؟؟؟ وأنتي مثل ما تقولين عندج عيال يعني اكثر من واحد الله يخليهم فكرتي فيهم ياريت الوحده ما تفكر بس في نفسها وتفكر في اللي معاها هذا رايي وانتي تعرفين حياتج ومصلحتج وين حبيبتي

الله يستر عليج ويهدي ابو عيالج لج ولعياله

صح لسانك دانـــة
أنا لا أعرف كل القصة لكن يمكن تقعدين في بيت أمه دامه ما فيه حد و توافقين على الي قاله على أساس هذا اللي تبيه أنتي و تكسبين ان شاء الله نقطتين:
أنو لعيال يعيشون في جو طبيعي يعني ظاهريا لا يوجد انفصال و هذه أهم نقطة
ثانيا هو من شوفتك كل يوم راح يلاحظ فيك الصفاتالحلوة أثناء اهتمامك بأولادك و يحس أنو خسرك و يننننننندم يمكن يحاول يرضيك و يمكن لاء لكن أكيد راح يعرف شكثر هو خسرك ولو بعد عمر طويل لأنه يحس قديش أنتي أصيلة و اخترت يعيشون أولادك تحت كنف والديهم اثنينهم
المهم للحفظ على كبرياءك فهميه أنك ما تريديه و أنو قرارك هذا لأجل عيالك و يمكن جايز ترجع المياه لمجاريها لما تكونو تحت سقف واحد
أبدا لا تنسي: أبغض الحلال عند الله الطلاق و أنصح كل وحدة تمحي من قاموسها ها الكلمة
و الله يسرلك أمورك

الجوكره لو نتوقف عند كل كلمة تجرحنا ما راح أنعيش لو كل واحد يقولك كلمة تحط من كبرياءك راح تفقدين كل الناس لكن أبدا ما نخلي الكلمة على ظهورنا نمسحها و نرد كرامتنا لكن بطريقة ذكية قال تعالى (ان كيدهن عظيم) (6) هي لو تركته ما راح يخسر شيء العكس لازم توجعله ضميره على ذا الكلام اللي قاله

سهومة حبيبة حبيبها;5191867:
الجوكره لو نتوقف عند كل كلمة تجرحنا ما راح أنعيش لو كل واحد يقولك كلمة تحط من كبرياءك راح تفقدين كل الناس لكن أبدا ما نخلي الكلمة على ظهورنا نمسحها و نرد كرامتنا لكن بطريقة ذكية قال تعالى (ان كيدهن عظيم) (6) هي لو تركته ما راح يخسر شيء العكس لازم توجعله ضميره على ذا الكلام اللي قاله

الله يحفظك أختي

الله يستر عليج ويهدي ابو عيالج لج ولعياله

ماشاء الله عليك وعلى قوة تحملك وصبرك على كلام زوجك وربي لو انا مكانك ماخليه يكمل كلامه الا وطاوة البيض على خشتتتتتتته


انا ماعرف ضروفك زين بس اذا كنتي موظفه وانتي حاسه انك تقدري تستغني عنه انا معاك تطلقي منه واشتري راحة بالك وعيشي حياتك وحولك عيالك

اما اذا كنتي تحسين ان الانسان هذا مازال له ولو شي بسيط في قلبك وعندك استعداد تصبرين على زفارة كلامه تحملي عشان عيالك

الله يكون بعونك ويهدي زوجك ويصلح الحال يارب ترا العيال هم الي يضيعون وانا اختك

الجوكره;5191668:
حبيبتي قرات ردك وابي اشرحك شي
بشنو راح يفيدها زوجها قوليلي بس او ينفعها حتى هي لحين لاهي متزوجة ولا هي مطلقة وفوق هذا كله اقرائي هذه الجملة لي قالها""وإحمدي ربج إني ما بهذلتج وذليتج
وأنا كارهج وما ادانيج في عشت الله ولو ييت بيت أمه ما بيكون بينا ولا شيء لا عاطفة ولا كلام ""

في شي بعد هذا الكلام ينقال والله اشوف انها تطلق احسن وتشتري كرامتها
زوجها مايحترم وماخلى شي ماقالواه طيب قوليلي بشنو بينفعها بس اسم متزوجة هذا لي بيفيدها

انا هذا لي اشوفه انه صح وام جنى بعد كلامها واقعي

اختي العزيزه كل بيت وله اسراره ومشاكله وكثير من الازواج يشتمون ويسبون في حاله غضب وخاصه لما يكون بينهم الشيطان في حالتها لو تطلقت وتلته اعيالها فعلا من بفيدها لا انا ولا انتي هي تداوم على تقرب الى الله وربي ما راح يخيبها يا ما ناس ادمر منه وما على الله صعب اذا ارادا اصلاح الله بوفقهم هذا رايي وللحين اقولها لا تستسلم مادام مهتم في حياه اعيالها ترى للحين فيه خير لو يبي يطلقها كان طلقها من الاول بس هو للحين في حاله غضب كل الي عليها تسويه الدعاء والاستغفار وقيام الليل (انا عند حسن ظن عبدي بي فليظن بي ما يشاء )ودوم فكري اعيالك اهم من كل شي بدنيا وفكري عدل

حاولي معاه بالمسايسة إذا مافاد وياج مافي حل احسن من الطلاق لان اللي مايبينا لايرمينا بالشارع وانتي وين كرامتج حاولي معاه واكررها ماقدرتي انسيه واتركيه لانو بكرة يمكن يخونج ويجيب لج امراض وانتي بعيدة عنها ... والله يوفقج للي فيه الخير