هل انا سويت الصح ولا ,,

حبيبتي ... الله يعينج انا اعرف انه صعب عليج موضوع خيانته لج .... تصرفج صح انج يلستي فالبيت وهالشي ما بينساه طووول عمره ... بس الغاليه ماعرفتي شو السبب اللي خلاه اسوي جيه؟؟؟ قوليله يا ريلي ياحبيبي ماتخاف انه الله يبليك باجر في بناتك باجر بينك بنات ومثل ماتتسبب في بنات الناس الله بيسلط عليك حد يسوي جذه في بناتك .. الغاليه ابين على ريلج انه طيب صدقيني بالكلمة الحلوة تقدرين تكسبينه حاولي تخلينه يسمع اشرطة محاضرات وادعيله انه الله يهديه

يا اختي ,,, هذا إلي حارقني اكذر ريلي ملتزم في صلاته ,, مايسمع اغاني كله اناشيد ومحاضرات ,,
السبب إلي قاله لي ,, انه الشيطان لعب به ,,
نحن يجمعنا حب ,, حياتنا حلوه ,, صدقني ريلي طيب واااايد ويحبني مش مقصر معاي في اي شي ,,
عشان جذيه انا كنت مصدومه من خيانته ,,..
ونفس ماقلتي انا قلت له ماتخاف شي يصير لولدك ,,,باجر الهل بيعاقبك في عيالك ,,


والله يكون في العون

لا حبيبتي لي سويته صح خي المشكلة بينك وبين زوجك لاتدخلي الااهل لحين
وهو اعتذر لك وقالك انه الشيطان لعب بيه وكيف ماتقولي اانتي هو انسان ملتزم ويعرف ربنا
خلاص سامحيها هذه المره وانسى السالفة بس اذا كررها مره ثالته هذيك الساعة اتخدي القرار لي تشوفيه مناسب
اتمنى انك ماتكوني مقصره معاه وبعد لاتنسى تهتمي بنفسك زين
الله يصلح الحال

مرحبا حبيبتي

الله يعينج ونصيحتي لج جددي شوي من نطم الروتين يعني فاجئيه بحركات وملابس غير وسوالف خليه يحس انج جديده

وبالتوفيق

قعدتج في البيت بيقعد يحسبلها ألف حساب

لأن أغلب الحريم - من تستوي الخيانه على طول راحوا لبيت أهلهم و سووا حشرة

و طلبوا الطلاق و صدقيني - المشكلة تزيد و تتعقد اكثر و اكثر

كبرتي في عينه لما قعدتي و صبرتي و اتحملتي تصرفه الغلط

بس اللي سويتيته صح

قعدي معاه مره ثانيه و كلميه و ناقشيه

و ان شاء الله خير

السلام عليكم و رحمة الله تعالى و بركاته،

ما شاء الله عليج إللي سويتيه أكيد صح و إن شاء الله ما بتندمين عليه خصوصاً و إنتي أم و عندج عيال منه و أكثر شي يحتاج الطفل هو إنه يحس بوجوده في بيته و يحس بوجود والديه من حوله و يحتاج يحس للإستقرار و الأمن العاطفي معاكم .. يعني بوجود الأطفال الحسابات تختلف و المرأة العاقلة تدوس على مشاعرها و كرامتها بعض الأحيان و يمكن أغلب الأحيان و أجرك على رب العالمين بإذن الله ..

بس يقول لج شي وايد زين إن زوجك رجل ملتزم و متدين .. و شي وايد زين إنكم متصارحين حول هالموضوع يعني الكلام حوله سهل بينكم .. كلميه و قولي له إنج مو هاين عليج إن تشوفين هالتصرفات منه و إن نظرتج له في البداية كانت مثالية و إنج كنتي تعتبرينه إنسان صالح و مؤمن و تعتزين بصفاته الجميلة ألحين إنتي حابة تساعدينه إن يرجع يعدل صورته في عينج و طبعاً تساعدينه إن ما يتطور الأمر و ينفضح بأي طريقة أمام المحيطين بكم .. و طلبي منه يغير رقم تلفونه و إنه يشغل وقته عشان أفكار الشيطان تبتعد عنه .. خل يشوف لنفسه هواية هو يحبها .. تزاوروا مع الأهل و أصدقائكم .. طلعي معاه مع طفلكم أو من غيره .. و لازم تخصصين أوقات له وحده .. طلعي معاه رفهوا عن نفسكم مع بعض و خلي ولدج مع أحد تثقين فيه إن كان جدته أو خالته أو عمته .. و وايد زين لو تمارسين بعض العبادات معاه .. يعني أوقات الصلاة وقفي وراه و صلي معاه .. قعدو مع بعض إقرأو قرآن .. في بعض الأيام قولي له خاطري أصلي في المسجد خل نروح مع بعض .. و جان زين لو تقدرون تروحون عمرة مع بعض .. و حاولي تكلمينه عن أمور حياته من شغل أو أهله أو عن الرياضة إذا يحب الرياضة أو عن السياسة إذا كان مهتم فيها أو أي شي من حياته اليومية يعني نفس كلام الأصدقاء لبعضهم و شجعيه إنه يفضفض لج و شاركيه إهتماماته و حاولي ما تتشكين له و إبتعدي عن سوالف النسوان عن مشاكل أولادهم و مشاكل الخدم و السوق .. صيري صديقته و دلعيه شوي .. الكلمات مثل يا عمري و يا حياتي و الله لا يحرمني منك .. و مدحيه و مدحي أفكاره .. أتصور إن هالأشياء بتعوضه عن ذيك السوالف

و طبعاً النصائح المعهودة لا تنسينها .. تعدلي له و لبسي و تكشخي و شوفي الأمور إللي تزعجه و ما يحبها و إبتعدي عنها ...

الصراحة يا أختي أنا وجهة نظري إن وجود الطفل في حياة الزوجين ممكن يربكها .. صج إحنا كأمهات نستانس بقدوم الطفل و نشوف سعادتنا فيه بس ترى الرجل ما عندة غريزة أبوة مثل غريزة الأمومة .. بالعكس ممكن حتى يغار من الطفل بدون ما يحس .. ممكن يحس إنج ما عدتي فارغة له .. و ممكن وجود الطفل و بكائه و إنشغالج معاه خلق فراغ في حياته و إبليس لعب بمخه و خلاه يملى الفراغ بهالأمور البطالة.. أنا عرفة إن وقتج كأم مشغول و ما عندج وقت لهذه الإقتراحات إلل قلت لج عنها .. بس إذا تحبين طفلك لازم تحصلين وقت لأن مثل ما قلت لج من إحتياجاته إنه يعيش عيش مستقرة مع والديه .. و بعد أنا ما أبرر لزوجك تصرفاته مهما كانت لها من أسباب إلا إنها تبقى غلط .. بس أقول صيري أعقل منه و سويها لوجه الله عشان خاطر ولدج و حاولي تصلحين الأمور بينكم والله يعينج على ما إبتلاج و الله يهديه يا رب

و عشان أصبرج أكثر بقول لج مرة سمعت أحد كبار شيوخ الدين يقول جهاد المرأة في حسن التبعل .. فإن شاء الله يكون أجرك مثل أجر الجهاد في سبيل الله

اختى الغالية الله اصبرك وإن شاء الله ما يتكرر هذا التصرف منه مرة ثانية

وتصرفك عين الصحيح وأتمنى لكِ التوفيق

حسبي الله ونعم الوكيل ..

أصبري وأجرج على الله ..

تصرفك صحيح يا اختي ,, وزين انك ما رحتي بيت اهلك ,, ولا كان كبرت السالفه وتعقدت
يمكن انتي انشغلتي بعد ولادتك بالياهل وانتي معذورة طبعاً .. فحس بالفراغ ولعب عليه الشيطان وانتي بما انك سامحتيه حاولي قد ما تقدرين تعطينه من وقتك وتهتمين فيه أكثر حتى ما يفكر بغيرك ..
والله ييسر اموركم ...

احنا يالحريم ماعندنا اي سلاااااااااااااااااااااح عشان نقاوم به الزوج

بيدنا سلاح واحد بس سهل وبسيط فتاك

الدعاء الدعاء

الله يسخر لك زوجك ويهديييييييييييييييييه

حاولت اراسلج على الخاص بس الرساله ماوصلت ؟؟ ابغي اراسلج اذا ممكن

حبيبتي ... الله يعينج

مع زعلج عليه .. !!

إلا انج أحسنت ِ التصرف لمن قعدتي في بيتج ..

والي سويته عين الصح ..

لأن هذا الشي ما راح ينساااه أبد ..

ويظل مسجل لج بالدفتر عنده ..

و مدام إنه حاول يرضييج وفعلا ً راضاج ..

خلي عنج الشيطان ..

وتعوذي من إبليس ..

وصارحيه في الي بقلبج ..

وإخذي منه عهد ما يسوي هالشي أبد ..

و قوليله إن كررت هالشي ..

ساعتها الله أعلم شنو بيصير !! ..

وراح يحترم قرارج أكيييد ..

وراح يبطل من الحركااات ان شاء الله ..

الله يهديييه ويسخره لج يارب ..

بالتوفيق ..

تحياتي لج ..
frawla ..

:9_33:

السلام عليكم اختي

اللي سويته صح 100% انج يلستي في البيت وما طلعتي منه....واهم شي محد يحس بالموضوع وحاولي اتحلين المشكله ابكل هدوء... والله يصبرج.... وماعليج غير الدعاء...

تصرفج يا اختي عين العقل صحيح الحرمه مالها الا بيتها يا اختي لو مهما صار
صح في بعض الحرمات تقول انها بهالطريقه راح تذله وتصير مذلوله جدام زوجها
بس بنسبه لي انا والى فئه من الحريم ان مافي اي مذله بين الازواج شوفي ياختي
انا امي علمتني شغله وحده ان لو يصير شي بيني وبين زوجي ما اروح اقول لهم
انه صار وصار اي مشكله بينا نحلها احنا انا واهو بس علشان لا تتعقد المشكله اكثر
الحين اهو راح يعرف انه غلطان وانه غلط في حقج وانج انسانه عاقله وفاهمه
الله يثبتج يا اختي والله ايسر لج امرج ويهدي زووج يارب ويكبر البيبي بينكم يارب
والله لا يفرق بينكم يارب لا تخلين بنات الحرام يخربون بيتج

ماشاء الله عليج عين العقل

بس لا تخليم الشيطان يوسوس لج

ثاني شيء حاولي تعطينه كل شيء وتثقين فيه وتقدرين تختبرينه

وتجلسين معاه جلسه مصارحه ومافيها شيء اذا طلعتي كل اللي في قلبك وحتى اذا دمعت عينك

والله يوفقك

تسلمون خواتي على كل كلمه قلتوها ,, بس صدقوني ماكنت مقصره معاه في اي شي ,,,
والله يشهد حتى ولدي مااشغلني عنه كنت اتعدل وارتب له بيته واغراضه ,, وكل شي مني كان كاااااااامل

انا عطيته فرصه اخيره ,,
والله يصبرني ,,,

الله يصبرج ويسهل أمرج ..

وعطــي زوجج فرصة أخيرة ..

وشوفي النتايج شلون بتكوون .. !! ..

وبالتوفيق يارب ..

تحياتي لج ..
frawla ..

:9_33:

حبيبتي ... الله يعينج انا اعرف انه صعب عليج موضوع خيانته لج .... تصرفج صح انج يلستي فالبيت وهالشي ما بينساه طووول عمره ... بس الغاليه ماعرفتي شو السبب اللي خلاه اسوي جيه؟؟؟ قوليله يا ريلي ياحبيبي ماتخاف انه الله يبليك باجر في بناتك باجر بينك بنات ومثل ماتتسبب في بنات الناس الله بيسلط عليك حد يسوي جذه في بناتك .. الغاليه ابين على ريلج انه طيب صدقيني بالكلمة الحلوة تقدرين تكسبينه حاولي تخلينه يسمع اشرطة محاضرات وادعيله انه الله يهديه