الي تسوي رجيم وتزن بالميزان ياريت تساعدني

ختي لاتاخذين بالموازين
كلي شوي ومضغي الأكل زين بالأسنان علشان تهضمه المعدة بسرعة
الله يوفقج

تسلمين يا قلبي على النصيحه

جزاك الله خير ...

مو لازم اخذ بالموازين علشان اعرف قد ايش مسموح لي اكل

اختي هذا شي مدروس طبيا وما فيه شك بنجاح الرجيم 100% ان شاء الله بدون تأثيرات سلبيه

فالأفضل المشي على قانون السعرات الحراريه بدل المنع التام او تقليل الأكل بدون ما نعرف كم يحتاج جسمنا

من السعرات الحراريه !!

هذا توضيح لسؤالي عزيزتي

وانتظر باقي الخوات ان شاء الله عندهم فكره وان ما حصلت رد

أمري لله بروح اشتري ميزان جديد بكره

انا والله ماعندي فكره
بس من اللي اعرفه ان في دراسات تقول لاتعتمدون على السعرات الحرارية
وفي آراء تقول امشوا عليهم
وعن الحساب فماعرف الطريقه
يعني مامني فايده خخخخخخخخ
بس ماحبيت ادش وما ارد

أختي أنا الشوق تسلمين رأيك

ولكن أنا ما اتفق معك

كثير من البنات يسون حميات بدون استشارة دكتور متخصص بالتغذيه

وبالتالي يحصل لهم حاله من الخمول وتساقط الشعر او نقص بالدم

وكثير بنات عندهم الهرمونات مو ثابته ولكن ما عمرها راحت سوت تحليل

او الغده عندها بعد ما راحت سوت تحليل

يعني ما يصلح لها اي حميات على كيفها تمشي عليه

الحميات اساسا يعني حساب السعرات الحراريه مع الرياضه او المشي مثل ما تفضلتي

لأن لو ما حسبنا السعرات الحراريه ومشينا كأنك تحرقين الأكل فقط الي تاكلينه

ولكن مخزون الدهن المتراكم بالجسم يتم على حاله

هذي مختصر المفيد من الدراسات العلميه لحالات الحميه المتبعه للسمنه

وأنا اتبعت حميه والحمدلله نزل وزني

ولكن الهرمونات تخربطت شوي عندي

فلما استشرت دكتورة تغذيه عطتني حميه خاصه فيني

مع حساب السعرات الحراريه

بس الميزان مثل ما قلت ماهو دقيق

وان شاء الله بما ان ما في أحد عنده فكره عن الموضوع

وهذا الي انا مستغربه منه ؟؟!!!!!

راح اشتري ميزان جديد واواصل بحساب السعرات الحراريه يوميا

وشكرا للجميع

من وين أحصل على الميزان ؟؟؟

من محلات الكبيره الي تبيع أدوات المطبخ
او الصيدليات يا اختي

بما انك من البحرين
في محل بالعالي
بالطابق التحتي الي صاير داخل تحت كلش اكيد لفت نظرك كأنه صاير مثل السرداب
مو متذكره اسمه

انا خذيت لي وحده من هناك بس من زمان ولكن اخترب من كثر الاستعمال
ان شاء الله بروح رويان ( صيدليه ) ان ما حصلت هناك بروح العالي ان شاء الله
وباخذ لي وحده يديده ..

والله اختي ترانيم اتمنيت انه يكون عندي معلومات وافيدج مثل ما انتي فايدة الكل اعذريني واتمنى اذا ما كان فيه ثقل عليج تكتبينة الجدول لي عطتجيا الدكتورة قصدي جدول الاكل وشكرا لج وعذرينة مرة ثانية لاني طولت عليج بالكلام

ترانيم
اكيد تدرين ان اغلب المنتجات في الجمعيات من معكرونه ومعلبات وغيرها من المواد الغذائيه يكتبون عليها كمية الحصه لكل شخص نص كوب أو كوب مع السعر الحراري للحصه ..ومرات يكتبون ان هالمنتج يكفي ل 4 مرات عاد انتي شتسوين تاخذين ربع كمية هالمنتج .. وقياس الكوب هو مقياس الكوب المخصص اللي تسويين فيه الكيك يكون اضبط من كوب الروب
وانا مكانج اذا ماعندي ميزان دقيق مابمشي بالملي على كمية الدجاج ..عيني ميزاني,هو مب ريجيم كيميائي عشان تمشين عليه بالضبط ...يعني مثلا صدر دجاجه تكفيني مع صحن كبير سلطه ..أو علبة تونه وحده تكفي..أو اشوف على علبة التونه الوزن الصافي واخذ نفس كمية التونه دجاج فبتكون هذي الحصه تكفيني..
بس انا طبعا اخرب هالرجيم كله بالجوكلت لأني مااقدر لاااااااااازم بعد الوجبه اكل شي حلو واذا ماكلت اكتئب ...وهاي اللي مخليني ماانزل ولا كيلو من بعد المشي والجري كل يوم تقريبا ماعدا الويكند أه يالقهر اسبوعين مشي وأكل صحي ولا كيلو نزلت .والسبب الجوكلت ...

دياله فديتك يالغاليه
ولا يهمك يا قلبي بمشاركتك ووجودك كفيتي يا قلبي
راح انزل الجدول ان شاء الله بس صبروا علي اشوي
بشوف النتيجه اخر الاسبوع وبقول لكم كم نزلت من الوزن
من يوم الاحد وانا ماشيه عليه وبصراحه ما خربطت كلش
مع اني ميته من الجوع

واكتشفت اشياء كثيره بعد البحث المستمر عن السعرات الحراريه
وبعد ما حسبتها ما توقعت اني كنت اكل كل هالسعرات سبحان الله

لي رجعه ان شاء الله بكتب الجدول واكتب اكثر عن السعرات علشان الكل يستفيد

كتكوته نايمه

يالغاليه تعبت وانا انتظرك ههههههههه
قاعده امبققه عيني على مشاركتك
ابي افهم بس من الجوع مو قادره استوعب

بقراه اكثر هههههههههه
لحظه برفع الصفحه بشوف شنو عندي من الاسئله
ياربي ماني مقتنعه من كلامك اكيد لازم احاسب
والدليل فشل الكثيرات بنزول وزنهم
يعني انا نزلت بالفتره الاخيره مثل ما قلت
بس كنت اجوع نفسي وبالتالي صادني خربطه بالهرمونات
وما ابي اخربط الحين
على حسب كلام الدكتوره لازم ميزان يعني لازم
هههههههههههه كتكوته يا عمري والله احس
اني يا اكل بالميزان او ما اكل كلش
بس ابي افهم
يعني تاخذين علبة التونه وتشوفين كم وزنه الي مكتوب عليه
اقصد الكميه صح ؟؟
وبعدين اعبيه دجاج صح ؟؟

فكره حلوه فديتك يالغاليه يا أم الأفكار انتي
صدقيني وحشتيني ان شاء الله بحاول بكره الصباح نلتقي
على الماسنجر الظاهر انتي هالايام ما تسهرين وانا اصحى بدري
بس بعد ما احصلك على الماسنجر
والتوقيت بيني وبينك الله المعين
عموما
يمكن ما نزلتي من الوزن لأنك تاكلين بشكل مو صحيح
لأن مو معقوله ان يكون الرجيم صحيح وبتباع رياضه
وما ينزل الوزن الا اذا كان الاكل كفايه ويسد الحاجه وزود
واتركي عنك الشوكلت واستعيني بالشوكولاته الغامقه او السوداء
احسن وفيها سعرات حراريه اقل
قطعه وحده صغيره علشان ما تخلين بخاطرك

بس تابعي معي بحط الجدول يمكن تستفيدين منه
خصتا انه جدول من الدكتوره وحتى قالت لي ثقي انك راح
تنزلين كيلو كل اسبوع او اكثر على حسب نشاطك بالرياضه
وقالت ان في بنات ينزلون 4 كيلو بالاسبوع ان كانوا يتبعون الحميه بدون
خربطه ورياضه لمدة ساعه تمارين ضغط وشد وتمارين العضلات وساعه ثانيه
خاصه بالمشي وهذا تمرين كامل للجسم وايضا للقلب كتقويه ...

كتكوكتة حسابهم صح اختي ترانيم ما عندي شي ازيده
سوري

اي والله صج وحشتيني ..انا حتى شوي مشغوله ويا بنت عمي جايتنا زياره ..نادر ما أشبك ع النت ..

شوفي انا اللي اقصده ان علبة التونه هي احسن مقياس للحم المفروم والدجاج للحصه الوحده للشخص ..بس مب 24 ساعه ماسكه قوطي التونه تقايسين فيها الاكل اللي بتاكلينه ...هههههههههه ..لا بس حطي كمية التونه اللي فالعلبه حطيها في قياس الكوب مال الطبخ ..فبتعرفين اذا علبة التونه = كوب الطبخ او نص كوب مثلا وكل مره اذا بغيتي تسوين لحم ولا دياي تقايسينه بنفس كمية التونه بمقياس كوب الطبخ طبعا..
بس هذي فكره حق اللي ماعندها ميزان وماتعرف حق حصة البروتين للشخص الواحد ..
ومدام انج خذتي ميزان خلاص ..مع اني ماحب الميزان ..كل يوم يعطيني قياس شكل ..مع ان عندي الالكتروني والعادي..

تدرين عاد اكتشفت اليوم ان وزني 68 مب 71 ..وزنت عند دكتورتي اللي دايما اوزن عندها ..طلع ميزاني مخرررف ..واااااااااااااو استانست..صارت الدنيا ورديه ..انا اقوووووول وزني زاايد مع ان اكلي خفيييف بس اكل جوكلت ..حتى البيبسي مااشربه من زمااااااان قاطعته ..طلع ميزاني غلط ..68 هو وزني الطبيعي ومرات 67


يلااا انتظر نظامج الغذائي ..اذا سهل بسويييه ...

كلام جميل
طيب عاوزة ارعف هوا البنوتة بتحتاج في الطبيعي كام سعر حراري في اليوم
ولا عاوزة تعمل دايت تحسب كام سعر في اليوم
لاني مش بحب امشي ع ديت معين فبحسب السعرات لوحدي
ردو عليا يا سكرررررررررات
تحياتي

هلا بالرفاعيه دبدوبه
حياج الله يا قلبي تسلمين على زيارتج الموضوع


كتكوته نايمه
يه يه يه والله ما اقدر كشخه عيل نازله هاااا
انزين سبقتيني بكيلوين هههههههههه
ان شاء الله انا بعد بواصل وبلحقج علشان اوصل 60 واوقف ان شاء الله واحافظ
على هالوزن بالاكل الصحي وما بحط شي بخاطري ولكن بستمر
على المشي ساعه كامله مثل قبل ان شاء الله
ومبروك عليج وما شاء الله ولا حول ولا قوة الا بالله
عيني عليج بارده والله يحرسج من العين


رووفه

شوفي يا قلبي المرأه او البنوته الغير عامله تحتاج 1800 سعره حراريه باليوم
هذي ان كانت مرتاحه وما تسوي شي يعني ما تشتغل برااا البيت وشغلها بس
بالبيت يعني ربت منزل ...

اعملي بحث بالقوقل عن السعرات الحراريه لكل ماده غذائيه
وراح تلاقين كثير معلومات
مثلا البيضه الوحده فيها 77 سعره حراريه
انتي اختاري من المواد الغذائيه الي سعراتها قليله
واكليها بس لا تكثرين مثلا عن 900 سعره حراريه باليوم بدل ما تاخذين الطبيعي 1800 سعره حراريه
وبالتالي راح يوفر جسمك الناقص الي تعطينه من مخزون جسمك علشان يحصل الي يحتاجه
بس اهم شي انك ما توفرين اكثر من 900 سعره علشان دايما الجسم
يكون ياخذ من مخزون الجسم من الدهون وغيره
وهكذا ان شاء الله راح تنزلين وزن
ولكن انصحك بالرياضه الخفيفه علشان مفعول نزول الوزن يكون اسرع
ان شاء الله اكون افدتك يا حلوه

أهلا وسهلاً عزيزتي ترانيم..

أختي أنا قبل لا أنخطب كان وزني حلو.. يعني كان 56 وطولي بعد 156..
لكن ما ظل هذا الوزن على حاله مع ان أكلي ما تغيّر.. بعد الزواج وصلت الى الـ65 :(
وبعد الحمل والولادة صرت 67.. يعني في ازدياد مستمر اهئ اهئ اهئ

انا من ولدت صار لي 5 شهور.. ونفسيتي تعبت من المتن..
فيا ريت تخلين الجدول واكون شاكرة لش..