شحالكم عراايس ... شو البرد وياكم :D ؟؟ أنا عني انتفض من البرد !!
وويهي مو ناقص جفاف ..بدون شي هو جاف و مع هالصقيع كممممملت:ss:..
يتني فكره طبقتها و عيبتي واايد.. فقلت لازم اعرفكم عليها ..
هي كيف تصنعين مرطب مع اساس.. المعروف بإسم Tinted Moisture..
و انا استخدم هالطريقه لكل يوم ..مو للطلعات لأنها ما بتغطي واايد !!
المنتجات المطلوبه:
1-مرطب ((اختاري المرطب اللي تمتصه بشرتج زين)).
2-اساس((و لازم يكون بلون بشرتج )).
3-بيس الاساس(( انا عندي بيس جيرلاين)).
4-لوس باودر((استخدمي البودره الشفافه و أأكد انها تكون لوس باودر)).
الادوات المطلوبه:
1-ملعقه صغيره للخلط.
الطريقه:
-خذي الكميه اللي تحتاجينها من المرطب مع شوية اساس و نننننقطه من البيس .
-استخدمي الملعقه الصغيره لدمج المكونات مع بعضها البعض .
-وزعي الخليط على الويه (( اذكركم ان هالخلطه بتعطي ترطيب اكثر من التغطيه)).. دلكي الويه لين اتحسين ان البشره تشربت الكريم ..
- الحين خذي شوي من البودره .. و انفضي الفرشه شوي قبل ما توزعينها .
وكذي خلصنا زبدة الموضوع ..
حبيت اكمله و اعرفكم على بعض المنتجات اللي احبها و ما استغنى عنها :)
- رتبت حواجبي بفرشات makeupforever و قلم الحواجب من Dior.
-وزعة بلشر شانيل .. لونه طبيعي جدا ..و يناسب كل ألوان الشدو .
-تكحلت بكحل كلارنس البني ((اخترت البني لأنه بدون الشدو بيطلع طبيعي و مو شاذ عكس الاسود )).. و على شفايفي حطيت من روج Dior لونه بني غلوسي و في الصوره طالع وردي!!
-و للرموش استخدمت مسكرت Lancome تعطي طول و لون للحواجب بدون ما تكثفها .
انتهى الموضوع و اتمنى يعجبكم :)
تحياتي للجميع