تجهيزات حوامل السعوديه 2008 -الجزء الاول-

صباح الخير حوامل ....

أخباركم واخبار تجهيزاتكم ... غريبه ماحد شارك بالموضوع الجديد ...
يسعدني اكون اول المشاركين بالموضوع ...

بالنسبه لتجهيزاتي عندي غرفه بيبي بشقتي وقاعده اضبطها
الملابس خلصت ..
باقي التوزيعات ماخلصوا واول مايخلصوا بعرض لكم كل تجهيزاتي ..

تحياتي ... نوقطه

هلا حبيبة رائد :)

انا نفس الشي غرفه البيبيز اللي في شقتي خلصت..
بس للحين محتاره في ترتيب الاثاث فيها.. لو ايش احاول مايطلع شكل الغرفه حلو مادري ليش!! :(

التوزيعات للحين ماسويتهم.. شريت التوزيعات.. وشريت سلاّت.. قلت بسويهم مع اختي في البيت.. منها نتفنن ومنها اوفر ههههههه..

باقي للبيبيز.. اشتري رضاعات .. واسفنجه حمام.. والفرشاه حق غسيل الرضاعات .. وحفايض..
بس الملابس جاهزه خلاص .. خلصت منها..

هممم بقى ارتب الغرفة اللي بجلس فيها في بيت اهلي.. طبعا مستحيل اتفنن فيها!! مالي خلق ..

وايش كمان..
اذا ذكرت راح اعطيكم خبر!

ياهلا بهلا ... شايفه كيف اسمك اغنيه صار .. هههههههه

والله فرحتيني زين مو بس انا مو عارفه اضبط الغرفه ... تدرين ليش ؟؟؟؟

يمكن عشان اننا ساكنين بشقه واساسا هذه غرفه مسوينها مستودع واللحين لما حاولنا نضبطها ضعنا ؟؟؟!1 هههههههههههههههههههه صدقيني ...
يعني انا مثلا كنت حاطه فيها مكنسه الكهربائيه ولحافات سريري وسله ملابس عشان انا اكوي فيها ... !!
فمو عارفه وين اودي هالاغراض ..!!! بس بعضها زي الحفه سرير حطيتها خلف سريري !! طبعا زوجي مو عاجبه
طاوله كوي علقتها بالشماعه لاني اشتريتي صغيره من ايكيا ..بقت طاوله كانت زايده بالصاله فحطيتها بالغرفه ..

شفتي مهما حاولت تظل شوي يبيلها شغل ...

تحياتي .... نوقطه

(y)يعيك العافيه

هلا حبيبتي
والله سويتي لي اغنيه

هههههههههههههههههههههه يعني مو بس انا اللي عندي غرفه مستودع في الشقه هههههههههه
انا كانت خرااابه كل شي مقطوط فيها،،
بس الحمدلله عندي غرفه غيرها في الشقه،، شقتي فيها ثلاث غرف،، وحده غرفتي والثانيه غرفه البيبيات (كانت مخزن) والثالثه فيها دولاب الملابس لانه مايكفي في غرفتي ،، وصارت الحين المخزن وغرفه الكوي وكل شي ههههههههههه
مثلك للحين حايسه بالترتيب!!
بحاول اصورها لكم واحط الصور هنا :)

حبيبه رائد;5219717:
ياهلا بهلا ... شايفه كيف اسمك اغنيه صار .. هههههههه

والله فرحتيني زين مو بس انا مو عارفه اضبط الغرفه ... تدرين ليش ؟؟؟؟

يمكن عشان اننا ساكنين بشقه واساسا هذه غرفه مسوينها مستودع واللحين لما حاولنا نضبطها ضعنا ؟؟؟!1 هههههههههههههههههههه صدقيني ...
يعني انا مثلا كنت حاطه فيها مكنسه الكهربائيه ولحافات سريري وسله ملابس عشان انا اكوي فيها ... !!
فمو عارفه وين اودي هالاغراض ..!!! بس بعضها زي الحفه سرير حطيتها خلف سريري !! طبعا زوجي مو عاجبه
طاوله كوي علقتها بالشماعه لاني اشتريتي صغيره من ايكيا ..بقت طاوله كانت زايده بالصاله فحطيتها بالغرفه ..

شفتي مهما حاولت تظل شوي يبيلها شغل ...

تحياتي .... نوقطه

بنات شخباركم اسمحولي ادخل عندكم ..
حبيت اسالكم ابي اسماء محلات<الدمام الحسا والا الخبر< اللي تسوي تجهيزات الولاده كامله طقم البيبي وفراش البيبي والام وسرير البيبي ..وابي اعرف وين احصل اللوحات اللي نحطها على باب غرفه المستشفى لاستقبال الضيوف ...ياليت تعطوني اماكن اسعارها مناسبه لانه الميزانيه ماتسمح ومشكوورين وااايد

::

كيفكم كروشــآآت

انا ابي شنطه تنفع للطفل بس تكون رسميه يعني لونها اسود او بني او رمادي..

لأني ما احب الملونات حقت الاطفال..

بس ما حصلت..

رحت مذكير لقيت شنط مره حلوه بس صغنونه مره ) :

::

بنات مين شافت شنطه نفس المواصفات؟؟؟

::

الطاوله المستديره;5254983:
بنات شخباركم اسمحولي ادخل عندكم ..
حبيت اسالكم ابي اسماء محلات<الدمام الحسا والا الخبر< اللي تسوي تجهيزات الولاده كامله طقم البيبي وفراش البيبي والام وسرير البيبي ..وابي اعرف وين احصل اللوحات اللي نحطها على باب غرفه المستشفى لاستقبال الضيوف ...ياليت تعطوني اماكن اسعارها مناسبه لانه الميزانيه ماتسمح ومشكوورين وااايد

عندك في الدمام : بيبي هاوس

بالنسبة للوحات ماعندي معرفه بشي هذا

:: سكره ::;5255382:
::

كيفكم كروشــآآت

انا ابي شنطه تنفع للطفل بس تكون رسميه يعني لونها اسود او بني او رمادي..

لأني ما احب الملونات حقت الاطفال..

بس ما حصلت..

رحت مذكير لقيت شنط مره حلوه بس صغنونه مره ) :

::

بنات مين شافت شنطه نفس المواصفات؟؟؟

::

عندك في شيكو بس سعرها غالي قريب 200

حبيبتي بالنسبه للوحات والعبارات اللي تنحط على باب الغرفه
هذي اغلب محلات الهدايا يسوونها..

الطاوله المستديره;5254983:
بنات شخباركم اسمحولي ادخل عندكم ..
حبيت اسالكم ابي اسماء محلات<الدمام الحسا والا الخبر< اللي تسوي تجهيزات الولاده كامله طقم البيبي وفراش البيبي والام وسرير البيبي ..وابي اعرف وين احصل اللوحات اللي نحطها على باب غرفه المستشفى لاستقبال الضيوف ...ياليت تعطوني اماكن اسعارها مناسبه لانه الميزانيه ماتسمح ومشكوورين وااايد

بنات وين ممكن الاقي الالعاب اللي تتعلق بالسرير
وشنو افضل نوعية لمفرش سرير الطفل وين ممكن احصله,,
بالشرقية

:: سكره :: اليوم رحت بيبي هاوس وحصلت شنط عندهم نفس الي انت تبغين وسعرهم مرره حلو وصناعة فرنسية


ورق البردى اغلب محلات الاطفال تحصلين الالعاب
والمفرش ممكن تحصلين في بيبي هاوس و بيبي شوب ومذركير

أنا الحمدلله خلصت الملابس والتوزيعات

وجهزت شنطة المستشفى وشنطة ولدي عمره سنتين وسبعه شهور

عشان أحطه عند أحد إذا جتني الولاده بس مدري وين أحطه لأن أمي كبيره شوي

وولدي شقي ماودي يتعبها

وماعندي الا أخت وحده وبيتها بعيد عن بيتي

عشان كذا يمكن أحطه عند عمته ولو أني ماودي أحد يدري عني

إذا جتني الولاده ""الله يعين

الحين باقي على تاريخ ولادتي عشره أيام

وقاعده أنتظر

أدعو لي ربي يسهل علي

مساء النور والله يسهلك ولادتك عزيزتي
ابلييييييييييييييييز ساعدوني يابنات جده تعرفون احد يطرز مفارش لي وللبيبي

الله يقومكم باسلامه انا جهزت كل شي بس باقي سرير النونو ابغى اعرف مكان في جده عندهم سرر حلو وسعرها معقول انا قريت انه في في اكيا ومواصفاته مره حلوه وسعره حلو ب190 رحت مالقيت الي لقيته ب800 الي تعرف مكان تقولي عليه الله يخليكم

الله يسهل علينا انشاء الله ويتمم على خير انا الى الان ماقضيت شي توني بالشهر الخامس بس ابغى شنط غريبه للبيبي وكشخه وين القاها بالشرقيه ياليت تفيدوني واغى قمصان نفاس اشكال جديده واسعرها معقوله

انا بنهاية الثامن خلصت تجهيز كل شي الملابس لي وللبيبي التجهيزات طقم الدلال
المفارش
اختي الطاوله المستديره انا من الأحساء عندك محلات الصقر وماما وساره المهيوب بيبي كلهم في السويق
اما عن الدمام في محل في مارينا مول
والأسعار متفاوته لو تبين القطع كامله او تتنازلين عن بعض القطع؟؟
واذا تبين اي شي انا حاضره راسليني ع الخاص تأكيد اني اشوفه

مساء الخير للجميع اتمنى انكم تحطون صور لان الصور هي الي تجذب و ماشالله كلكم من الشرقية ونعم فيكم طبعا بس انا من الرياض وينكم يا بنات الرياض ساعدوني

::

زهور بنفسجيه..

اجل بروح شيكو أشوف الشنط إلي عندهم..

:: سكره :: اليوم رحت بيبي هاوس وحصلت شنط عندهم نفس الي انت تبغين وسعرهم مرره حلو وصناعة فرنسية

زهور أنا بالرياض..

بيبي هاوس موجود بالرياض وإذا موجود وين موقعه بالضبط..

الله يسعدك حبيبتي ما قصرتي..

::


::