اخت زوجي واخلاقها الشينه
ا
12-02-2008 | 04:12 AM
انا متزوجه وعندي ولدين والحمدالله حياتي الزوجيه مستقره وطبعا ماتخلو من بعض المنغصات لكن انا كاتبه مشكلتي لكم عشان تشوفولي حل مع اخت زوجي اللي اقل ما اقول فيها انها راعية مشاكل تعشقهاوتحبها وتقريبا هي الهواء اللي تتنفسه انا الحمدالله عايشه بعيد عنهم بس في نفس المدينه واجتماعنا فيهم لازم اسبوعي وهي مطلقه والنفسيه دايم شينه وطولة لسان على طول طبعا كل اسبوع تستلملها وحده منا انا وسلفاتي الاربع الا وحده تحترمها لان زوجها اللي هو اخوها شديد مره ومايرضى على حرمته وهو ماشاء شخصيته قويه فتشوفوها عاملتلها حساب وكمان سلفتي هذي معروف عنها انها تنقل الكلام فصارت اخت زوجي تخاف تتمشكل معاها عشان ماتنقل عليها وتخرب سمعتها عند الناس وانا طبعا ماارضى على نفسي تخيلوا اروحلهم بنفس حلوه واضحك معاها واسولف وشويه الا تقوم تكلمني باستهتار وتطول اللسان من غير سبب واضح واهلها دايم يقولوا معليش اعذريها نفسيتها تعبانه ونعذر ونطنش اسبوع ورا اسبوع وسنه ورا سنه لحد ماوصلت حدي ولاعدت اقدر اتحمل اكثر من كذا ودايم اقول لازم تتوقف عند حدها تخيلوا اربع سنوات على ذي الحال والاسبوع اللي راح جت وقفت عند الباب وقامت تصرخ فينا وتقول امسكوا عيالكم وانتن بس قاعدات وتمد السان وتتكلم علينا كاننا خدم ابوهاوعيالنا هاديين ماسووا شئ قمت قلتلها حرام عليك ما سوو شئ قامت مدت السان اكثر واكثر وصارت تمشي في البيت وتصارخ وتطلع فوق وتنزل تحت وهي تصارخ والله كان نفسي ارد عليها لكن ماتجلس في مكان واحد تلف البيت كله ولسان وش طوله حسبي الله عليها ونعم الوكيل واهلها ماعندهم غير اعذروها اعذروها والله يابنات اني صرت اكر ه الروحه عندهم واحسها هم زي الجبل على قلبي وفي يوم جمعتنا تنسد نفسي عن الاكل ويجيني رعشه فظيعه واحساس بالغثيان وياما جرحتني وسكت وهذي غلطتي وكمان معروف عني اني اكتم السر ولا اعلم احد بالمشاكل اللي تحصل بيننا وهي استغلت هذا الاشياء وصارت معي انا بالذات قليلة ادب وزوجي يقولي انا معطيك كامل الصلاحيه ردي عليها باللي تقدري عليه مع العلم هي اخته غير الشقيقه يعني من ابوه وانا خايفه اذا رديت عليها يحصل مشكله كبيره وتقوم العائله عليه وبدل ماكون الضحيه اللي تدافع عن نفسها اصير المتهمه ودايم اذا رحت وانا عازمه الرد تكون هذاك الاسبوع وش زينها قلت خلاص البنت عقلت واجي الاسبوع اللي بعده الا رجعت حليمه لعادتها القديمه بنات ادري طولت عليكم بس بالله انصحوني ودلوني ولكم مني دعوه في ظهر الغيب لكل وحده ترد عليه جزيتم خيرا:confused:
س
12-02-2008 | 05:22 AM
والله يا اختي شي يقهر
لكن لازم تثبتيها عند حدها
خليك رسميه جدا معاها واذا بدات بالاستهزاء بك
قوليلها بتريقه ((خلاص بدينا التعليقات))
حسسيها انها سخيفه وانها ولا شي
الله يعينك
لكن لازم تثبتيها عند حدها
خليك رسميه جدا معاها واذا بدات بالاستهزاء بك
قوليلها بتريقه ((خلاص بدينا التعليقات))
حسسيها انها سخيفه وانها ولا شي
الله يعينك
م
12-02-2008 | 05:25 AM
الله يعينــج قولي دايما" (اللهم اكفينهم بما شئت ) ولاتعطينها وجــه طنشيهــا
الله ييسر امورج ويفرجها عليج ويهدي اخت زوجج ,,
الله ييسر امورج ويفرجها عليج ويهدي اخت زوجج ,,
ا
12-02-2008 | 05:41 AM
تسلمون يابنات والله ييسر اموركم ويشرح صدوركم وراح احاول اعمل بنصايحكم والله يفكني شرها ويرد كيدها في نحرها اللهم امين
أ
12-02-2008 | 09:17 AM
حبيبتي سألي مجرب وفيه مثل عملت به وشفت مفعووووله وكنت أضحك هاي النوعيات وعن تجربه تبا أكشن ومشاكل تعلق عليها فشلها وتزيد سوداوية الحياة بعيونها , لكن سكتي ويوم اتكلم سوي عمرج أم الصمخ كله ولا حتى تلتفتين وإذا كنت تسولفي حد كملي السالفة ولا يهمج أو غني يوم هي تصرخ , وبتقولي أم موزوووه قالت , أنا كان عندي مثلها بالضبط بس مب معرسة وكانت ما تخيلين شو اللي (ما كانت تسويييييييييييييييه) ما خلت شي وأنا مطنشه وساكنه عندهم بالبيت وآخر شي لمت بوزها وقفلت ععمرها الغرفة وكان عمي رحمة الله عليه يقولي لا تزعلين مسكينه من قل العرس
أ
12-02-2008 | 10:09 AM
السلام عليكم و رحمة الله تعالى و بركاته،
صلي على النبي يا أختي .. الصراحة أنا لو مكانج جان بحقرها يعني بحاول أتجاهل المشكلة إللي تتكلمين عنها .. يعني بصراحة أحس مو مسألة حياة أو موت و لا إللي إنتي عايشة معاها في بيت واحد .. كلها زيارات إسبوعية كم بتطول ساعتين ثلاث؟؟ حاولي تتفادين إنج تثيرينها و رحميها مسكينة .. ترى صج إنتي الحمد لله الله ماعطج و ناعم عليج بزوج يقدرج و عندج أطفال ما تحسين باللي هي تحس فيه .. ترى حياتها صعبة و بالذات إنها مطلقة .. مجتمعاتنا على رغم تقدمها و نموها ترى للحين تظلم المرأة و تحط عليها اللوم بكل شي و تفرض عليها الحصار كونها مطلقة .. بس الصراحة هي إنسانة و لها مشاعرها .. حتى لو تصرفها غير سليم بس الناس و أطباعهم و نفسياتهم مختلفة و كل واحد يتصرف مع أزماته بطريقة مختلفة
و بعد أتذكر من زمان لما كنا صغار سمعت قصة عن النبي محمد (ص) إذا ما أنا غلطانه إن كان في واحد من المشركين يأذيه يومياً و يلقي القاذورات في طريقه و يوم من الأيام لم يلقيها كعادته فذهب الرسول (ص) و سئل عنه .. يعني الخلاصة دينا يحثنا على مقابلة الإسائة بالإحسان
من رايي حتى ما في داعي تكلمينها إذا ما تستحملين بس شيلي هالأفكار من بالج و إدعيلها و إكسبي أجر فيها برحمتج لها و بدعائج و في النهاية إنتي محتاجة لهذه الزيارات عشان تظل علاقة الود موصولة بين زوجك و أبنائك و أهلهم و تعلمين أبنائك على صلة الرحم .. و قولي أعوذ بالله من الشيطان الرجيم و إبتعدي عن وجع الراس هذا
صلي على النبي يا أختي .. الصراحة أنا لو مكانج جان بحقرها يعني بحاول أتجاهل المشكلة إللي تتكلمين عنها .. يعني بصراحة أحس مو مسألة حياة أو موت و لا إللي إنتي عايشة معاها في بيت واحد .. كلها زيارات إسبوعية كم بتطول ساعتين ثلاث؟؟ حاولي تتفادين إنج تثيرينها و رحميها مسكينة .. ترى صج إنتي الحمد لله الله ماعطج و ناعم عليج بزوج يقدرج و عندج أطفال ما تحسين باللي هي تحس فيه .. ترى حياتها صعبة و بالذات إنها مطلقة .. مجتمعاتنا على رغم تقدمها و نموها ترى للحين تظلم المرأة و تحط عليها اللوم بكل شي و تفرض عليها الحصار كونها مطلقة .. بس الصراحة هي إنسانة و لها مشاعرها .. حتى لو تصرفها غير سليم بس الناس و أطباعهم و نفسياتهم مختلفة و كل واحد يتصرف مع أزماته بطريقة مختلفة
و بعد أتذكر من زمان لما كنا صغار سمعت قصة عن النبي محمد (ص) إذا ما أنا غلطانه إن كان في واحد من المشركين يأذيه يومياً و يلقي القاذورات في طريقه و يوم من الأيام لم يلقيها كعادته فذهب الرسول (ص) و سئل عنه .. يعني الخلاصة دينا يحثنا على مقابلة الإسائة بالإحسان
من رايي حتى ما في داعي تكلمينها إذا ما تستحملين بس شيلي هالأفكار من بالج و إدعيلها و إكسبي أجر فيها برحمتج لها و بدعائج و في النهاية إنتي محتاجة لهذه الزيارات عشان تظل علاقة الود موصولة بين زوجك و أبنائك و أهلهم و تعلمين أبنائك على صلة الرحم .. و قولي أعوذ بالله من الشيطان الرجيم و إبتعدي عن وجع الراس هذا
F
12-02-2008 | 11:12 AM
اكسبي فيها اجر وكلميها بهدوء ونقديها على نفسها شوى بدون لاتعملى مشاكل
تعاملى معها بحذر لانه كثير الى نفسياتهم كذا غصبن عليهم لاتلومينها اختى
بس بنفس الوقت لاتبينى لها بسكوتك انك ضعيفه وتكلمى معها على انفراد
والله يصلح اموركم
تعاملى معها بحذر لانه كثير الى نفسياتهم كذا غصبن عليهم لاتلومينها اختى
بس بنفس الوقت لاتبينى لها بسكوتك انك ضعيفه وتكلمى معها على انفراد
والله يصلح اموركم
ق
12-02-2008 | 11:56 AM
أنا بعد من رايي أم موووووزة وأم سلمان الحلو
يعني قابلي الإساءة بالإحسان ولما تسمعج كلام ما يعجب العاقل سفهيها ولا تردين عليها وسوي نفسج ما سمعتيها.
وعندي إضافة بسيطة كلميها بينك وبينها وقولي لها إن اللي تسوينه واصل الجيران والناس كلهم يدرون بأخلاقج، طيبي أخلاقج وتشوفين النسوان يجون يخطبونج، الناس يبغون المره العاقلة الخلوقة الطيبة اللي ما بتظلمهم ولا بتظلم ولدهم.
راجعي نفسج يا بنت الناس والله يوفقج.
وبعد هالكلام هي لو عاقلة بتفكر في كلامج وبتحسن أخلاقها لأن الكلام الهادي النابع من القلب يدخل القلب وله تأثير قوي حتى أنه بالكلام ينقلب الأسد حمل وديع.
يعني قابلي الإساءة بالإحسان ولما تسمعج كلام ما يعجب العاقل سفهيها ولا تردين عليها وسوي نفسج ما سمعتيها.
وعندي إضافة بسيطة كلميها بينك وبينها وقولي لها إن اللي تسوينه واصل الجيران والناس كلهم يدرون بأخلاقج، طيبي أخلاقج وتشوفين النسوان يجون يخطبونج، الناس يبغون المره العاقلة الخلوقة الطيبة اللي ما بتظلمهم ولا بتظلم ولدهم.
راجعي نفسج يا بنت الناس والله يوفقج.
وبعد هالكلام هي لو عاقلة بتفكر في كلامج وبتحسن أخلاقها لأن الكلام الهادي النابع من القلب يدخل القلب وله تأثير قوي حتى أنه بالكلام ينقلب الأسد حمل وديع.
ا
12-02-2008 | 12:44 PM
حبيبتي خليك رسمية بتعامل معاها
واذا على الاهل روحي له من بين فترة وفترة تشوفيهم بس خلي على طول فاصل واحترام عشان لااحد يتجاوز حدوده مع الاخر
واذا على اخت زوجك طنشيها ولا كانك سمعتيها
والله يصلح الحال
واذا على الاهل روحي له من بين فترة وفترة تشوفيهم بس خلي على طول فاصل واحترام عشان لااحد يتجاوز حدوده مع الاخر
واذا على اخت زوجك طنشيها ولا كانك سمعتيها
والله يصلح الحال
م
12-02-2008 | 03:09 PM
مرحبا اختي الله يساعدج
بعض الاحيان التطنيش يكون له دور فعال واحيانا لا...وانا في رايي اذاطنشتينها ولا فاد وعاملتيها باحسان ولا فاد ....ما لج الا انج تردين عليها مثل ما قلتي زوجك عاطنك الصلاحيه انج تردين عليها لانه بعدين راح تسوي لج حساب وتحاسب في كلامها معاج .... ان شاء الله يجي ليها نصيبها وتتزوج وتفتكون من هالمشاكل
تحياتي
بعض الاحيان التطنيش يكون له دور فعال واحيانا لا...وانا في رايي اذاطنشتينها ولا فاد وعاملتيها باحسان ولا فاد ....ما لج الا انج تردين عليها مثل ما قلتي زوجك عاطنك الصلاحيه انج تردين عليها لانه بعدين راح تسوي لج حساب وتحاسب في كلامها معاج .... ان شاء الله يجي ليها نصيبها وتتزوج وتفتكون من هالمشاكل
تحياتي
y
12-02-2008 | 03:59 PM
والله اخي الله يكون بعونك و ما لك غير انك تحتسبي اجرك عند الله سبحانه و تعلى .. و ديري في بالك انو ما في احد مرتاح ناس تعاني من سوء اخلاق اخت الزوج و ناس تعاني من سوء اخلاق زوجة الاخ يعني ياما في بنات ناس طيبين جاء نصيبها في ناس اخلاقهم شينة و العكس صحيح ياما ناس طيبين ابتلاهم الله بزوجة ا كلها انانية و تعجرف و سوء نية ... على العموم انتي لا تنزلي لمستواها وقفيها عند حدها بس بطريقتك انتي مو طريقتها يعني فهميها ان سكوتك سكوت عن قوة مو ضعف و بيني ليها انو حتى اخوها متبري من افعالها و ما في احد رح يلومك يوم تردي عنها يمكن تتعض ولا تنسي تدعيلها ربي يهديها اولا لنفسها و ثانيا حتى تسلموا من طولة لسانها وربي يوفقك و يفرج همك
ا
12-02-2008 | 04:51 PM
بنات الله يسعدكم ماقصرتم والله ارتحت لمن قريت ردودكم والله يجعله في موازين اعمالكم وانا الصراحه فكرت اني اكلمها على جنب بس خايفه تعتبر هذا الشئ ضعف مني واني ماقدرت ارد عليها عشان كذا مكلمتها على جنب والرسميه بعد مافادت لاني مهما حاولت اسوي رسميه تحاول تكلمني وتناقسني في مواضيع حتى تطيح الميانه وترجع لحركاتها الاولى والله تعببببببببببببت منها مره الله لايوليها على احد حتى زوجها الاول يقول ماحسيت بالحياه صدق الا بعد انفصالنا والحين متزوج ومبسوط وكمان لو قلت برد اهلها مايرضون عليها عشان كذا مستقويه ااااااااااااااااااااااااااااااااااااااه والله ماادري اش اسوي والمشكله بكره جمعتنا الله يعين
B
12-02-2008 | 10:51 PM
الله يهديها
ادعي لها بظهر الغيب بالهدايه و شدي حيلج دوريلها على معرس
فيه وحده مطلقه الله يستر عليها توقف جدام اخوانها و خواتها الصغار عشان مايتزوجوا (( الله يهديهم الله يهديهم))
ادعي لها بظهر الغيب بالهدايه و شدي حيلج دوريلها على معرس
فيه وحده مطلقه الله يستر عليها توقف جدام اخوانها و خواتها الصغار عشان مايتزوجوا (( الله يهديهم الله يهديهم))
س
13-02-2008 | 12:26 AM
بس لازم بعد تعذرينها هي مطلقة وهذا مب هين عليها
ادعيلها بزوج صالح
ادعيلها بزوج صالح