تعالوا شوفوا عشاءنا (سلطة) + (شرائح الستيك)

السلام عليكم

اليوم حبيت احط لكم عشاءنا اللي سويته من فترة

اول شي سلطة سريعة




مكوناتها:
فلفل بارد ( أحمر _ أخضر _ أصفر)
خس

الصلصة
الرانش + الثاوزند آيلاند



شرائح الستيك



المقادير

قطع ستيك على حسب عدد الاشخاص
بصل مفروم
مشروم مقطع
بهارات على حسب الرغبه
انا حطيت فلفل أسود وأحمر ودقوس وثوم بودره
ليمون
ملح

مقادير صلصلة الفلفل الأسود

* كوب ماء حار
*2 مكعب ماجي الدجاج
* نصف ملعقة صغيرة فلفل أسود بودر
* 2 ملعقة كبيرة صويا صوص
* نصف ملعقة صغيرة ملح الثوم ( موجود بالأسواق باسم garlic salt . و يمكن الاستغناء عنه أو استبداله بثوم مدقوق زين أو ثوم بودر + رشة ملح )
* 2 ملعقة كبيرة صلصة الروست بيف أو الستيك ( انا استخدمت صلصة الستيك )
* نصف كوب ماء بدرجة حرارة الغرفة
* 2 ملعقة كبيرة طحين
* 2 ملعقة كبيرة زبدة
* 1 ملعقة كبيرة فلفل اسود حب ( غير مطحون )
* نصف كوب حليب


الطريقة
-تقطعين الستيك شرايح طوليه
-تبهرينه وتنقعينه في ليمون وتضيفين له الملح وتتركينه لمدة 3 ساعات

-تحمسين البصل شوي وعقب تضيفين له المشروم واتمين تقلبين على نار هاديه
- على نار هادية أخلطي كل من الماء الحار مع مكعبات الماجي و الفلفل السود البودر و صلصة الصويا صوص و ملح الثوم و صلصة الستيك و اخلطي جيدا .
- في وعاء ثاني اخلطي الماء المتبقي ( الفاتر ) مع الطحين جيدا حتى يذوب الطحين
- اضيفي خليط الطحين على الخليط الأول جيدا .. بعدين ضيفي الزبدة و الحليب و استمري بالخلط على حرارة متوسطة إلى أن يغلظ قوام الخليط
(أنا خلطت المقادير كلها مع بعض ويوم حسيتها صارت غليضة وايد ضفت لها شوية حليب)

-أقلي الستيك ونشفيه عن الزيت وبعدين ضيفيه للصلصة وقلبيه عدل وخليه على نار هادية
وعقب قدميه وهو حار

او تقدرين تخلين الصوص جنب شرايح الستيك على راحتج
انا ضفت على الطبق شبس انتي تقدرين تضيفين باستا او رز اذا كان للغدا

وبالعافية

اعذروني على التصوير لاني كنت مستعيلة<<< يوعانة تبي تاكل خخخ

أحلام صغيرة